സിജു വില്‍സണും വിനയ് ഫോര്‍ട്ടും പ്രധാന വേഷങ്ങളിലെത്തുന്ന ഏറ്റവും പുതിയ ചിത്രമാണ് വാര്‍ത്തകള്‍ ഇതുവരെ. ചെറിയൊരു ഇടവേളയ്ക്ക് ശേഷം സിജു വില്‍സണ്‍ വീണ്ടും നായക വേഷത്തില്‍ എത്തുന്നുവെന്ന പ്രത്യേകതയും ചിത്രത്തിനുണ്ട്. നിവിന്‍ പോളിയായിരുന്നു സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തുവിട്ടത്. ഇപ്പോഴിതാ മലയാളികളെ നൊസ്റ്റാള്‍ജിയയിലേക്ക് നയിക്കുന്ന ഗാനം പുറത്ത് വിട്ടിരിക്കുകയാണ് ചിത്രത്തിന്റെ അണിയറപ്രവര്‍ത്തകര്‍. ചിത്രത്തിലെ ആദ്യഗാനത്തിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.
മലയാളികള്‍ കേള്‍ക്കാനാഗ്രഹിച്ചൊരു ഗാനവുമായാണ് ഇത്തവണ ഈ സംഘം എത്തിയിട്ടുള്ളത്. കേള്‍ക്കാം തകിലടികള്‍ എന്ന ഗാനരംഗത്ത് വിനയ് ഫോര്‍ട്ടും സിജു വില്‍സണും അഭിരാമി രാഘവനുമാണ് പ്രത്യക്ഷപ്പെടുന്നത്. കൈതപ്രം ദാമോദരന്‍ നമ്പൂതിരി രചിച്ച ഗാനം ആലപിച്ചിരിക്കുന്നത് പി ജയചന്ദ്രനാണ്. മെജോ ജോസഫാണ് ഗാനത്തിന് ഈണം പകര്‍ന്നത്. നാട്ടിന്‍പുറ കാഴ്ചകള്‍ വളരെ മനോഹരമായി ഗാനരംഗത്തില്‍ പകര്‍ത്തിയിട്ടുണ്ട്. തൊണ്ണൂറുകളുടെ ഗ്രാമീണ പശ്ചാത്തലത്തിലാണ് വാര്‍ത്തകള്‍ ഇതുവരെ ഒരുങ്ങുന്നത്. നവാഗതനായ മനോജ് നായര്‍ സംവിധാനം ചെയ്യുന്ന സിനിമ ഒരു കോമഡി ത്രില്ലറാണ്. സൈജു വില്‍സണ്‍ നായകനായെത്തുന്ന ചിത്രത്തില്‍ സൈജു കുറുപ്പ്, അലന്‍സിയര്‍, നെടുമുടി വേണു, നന്ദു, മാമുക്കോയ തുടങ്ങി നിരവധി പേരാണ് അണിനിരന്നിട്ടുള്ളത്.
മലയാളത്തിന് നിരവധി താരങ്ങളെയാണ് അല്‍ഫോണ്‍സ് പുത്രന്‍ പരിചയപ്പെടുത്തിയിട്ടുള്ളത്. പ്രേമത്തിലൂടെ തുടക്കം കുറിച്ചവരില്‍ പലരും ഇന്ന് സിനിമയില്‍ സ്വന്തമായ സ്ഥാനം നേടിയെടുത്ത് കഴിഞ്ഞു. അക്കൂട്ടത്തില്‍ ഒരാളാണ് സിജു വില്‍സണ്‍. ഇടയ്ക്ക് തൊബാമ, ഹാപ്പി വെഡ്ഡിങ്ങ് എന്നീ ചിത്രങ്ങളില്‍ നായകനായി താരമെത്തിയിരുന്നു.
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍