സിരുത്തെ ശിവ സംവിധാനം ചെയ്യുന്ന പുതിയ ചിത്രം വിശ്വാസം റിലീസിനൊരുങ്ങുന്നു. തല അജിത്തിന്റെ തകര്‍പ്പന്‍ ഡാന്‍സ് ഹി്റ്റുകളുമായെത്തുന്ന ചിത്രത്തിന്റ മോഷന്‍ പോസ്റ്ററാണ് ഇപ്പോള്‍ പുറത്ത് വിട്ടിരിക്കുന്നത്. പൊങ്കലിന് തീയേറ്റുകളിലെത്തുന്ന ചിത്രത്തില്‍ അജിത്ത് ഡബിള്‍ റോളിലാണെത്തുക. നായിക നയന്‍താരയാണ്.
അജിത്തിന്റെ മാസ് ലുക്കുകള്‍ വ്യക്തമാക്കുന്ന മോഷന്‍ പോസ്റ്ററാണ് പുറത്തിറക്കിയിരിക്കുന്നത്. ജനുവരി 14 നെത്തുന്ന പടത്തില്‍ അജിത്ത് പാട്ടും ആലപിക്കുന്നുണ്ട്. നിരവധി ഷൂട്ടിംങ് ആക്ഷന്‍ രംഗങ്ങള്‍ ചിത്രത്തിലുണ്ട്. ചിത്രത്തില്‍ സാള്‍ട് ആന്‍ഡ് പെപ്പര്‍ ലുക്കിലും തല നരയ്ക്കാത്ത ലുക്കിലുമാണ് അജിത് എത്തുന്നത്.
പൊലീസ് ഉദ്യോഗസ്ഥനാണ് ഒരു കഥാപാത്രമെന്നായിരുന്നു റിപ്പോര്‍ട്ട്. ചിത്രത്തിനായി ചെന്നൈ റൈഫിള്‍ ക്ലബില്‍ അജിത് ഷൂട്ടിംഗില്‍ പരിശീലനം നേടിയിരുന്നു. അതേസമയം മധുര സ്വദേശിയായ കഥാപാത്രമായും അജിത് ചിത്രത്തിലുണ്ടാകും എന്നും റിപ്പോര്‍ട്ടുണ്ട്.
ചിത്രത്തില്‍ അജിത്തിന്റെ തകര്‍പ്പന്‍ ഡാന്‍സും പാട്ടും ഉണ്ടാകുമെന്നാണ് പുതിയ റിപ്പോര്‍ട്ട്. കൊറിയോഗ്രാഫര്‍ കല്യാണ്‍ മാസ്റ്റര്‍ ആണ് ഇക്കാര്യം പറയുന്നത്.
അജിത്ത് പഴയ ഗെറ്റപ്പിലായിരിക്കും ഒരു ഗാനരംഗത്ത് ഉണ്ടാകുക. അജിത്തിന്റെ കരിയറിലെ ഏറ്റവും മികച്ച നൃത്തരംഗമായിരിക്കും ഇത്. പ്രേക്ഷകര്‍ തീയേറ്ററില്‍ നിന്ന് എഴുന്നേറ്റ് ഡാന്‍സ് ചെയ്യുന്ന തരത്തിലുള്ളതായിരിക്കും. അജിത്തിന്റെ ഹിറ്റ് പാട്ടായ ആലുമ ഡോലുമ എന്ന ഗാനത്തെയും മറികടക്കുന്നതായിരിക്കും വിശ്വാസത്തിലെ പാട്ട്. കല്യാണ്‍ മാസ്റ്റര്‍ പറയുന്നു.
Premium Lifestyle and Entertainment website
എന്നെ മട്ടന്‍ ബിരിയാണിയും ചിക്കന്‍ ബിരിയാണിയും ഉണ്ടാക്കാന്‍ പഠിപ്പിച്ചത് മുഖ്യമന്ത്രിയുടെ ഭാര്യ കമലാന്റി; നവ്യയുടെ പുതിയ കുക്കിങ് വീഡിയോ ശ്രദ്ധേയമാകുമ്പോള്‍
ചെറിയ ശ്വാസതടസ്സം അനുഭവപ്പെടാറുണ്ട്; 100 സിഗരറ്റുകള്‍ വരെ വലിച്ചിരുന്ന ഷാരൂഖ് പുകവലി ഉപേക്ഷിച്ചു;ജന്മദിനത്തിന് മന്നത്തിലെ ബാല്‍ക്കണിയില്‍ എത്താതെ താരം