സാരിയിലും മുക്കുത്തിയിലും സുന്ദരിയായി നസ്രിയ; മനോഹരച്ചിത്രവുമായി നസ്രിയ

ബാലതാരമായി സിനിമയിലേക്ക് എത്തി ഇപ്പോള്‍ തെന്നിന്ത്യയിലെ മുന്‍നിര നായികമാരില്‍ ഒരാളായി മാറിയിരിക്കയാണ് നസ്രിയ നസീം. മലയാളത്തിലും തമിഴിലും നിരവധി ആരാധകരാണ് താരത്തിന് ഉളളത്. ഫഹദ് ഫാസിലുമായുളള പ്രണയവിവാഹത്തിന് ശേഷം സിനിമയില്‍ നിന്നും ഇടവേള യെടുത്ത താരം പിന്നീട് ശ്രദ്ധേയമായ കഥാപാത്രമായി തിരിച്ചെത്തുകയായിരുന്നു. ഇപ്പോള്‍ തെന്നിന്ത്യയില്‍ നാനിയുടെ നായികയായി അരങ്ങേറാനുളള തയ്യാറെടുപ്പിലാണ് താരം. 

കോവിഡ് കാലത്ത് സിനിമാ-സീരിയല്‍ ഷൂട്ടിങ്ങുകളൊക്കെ പ്രതിസന്ധിയിലായതോടെ തങ്ങളുടെ വിശേഷങ്ങളും ചിത്രങ്ങളും പങ്കുവച്ച് താരങ്ങളെല്ലാം സോഷ്യല്‍ മീഡിയയില്‍ സജീവമായിരുന്നു. നസ്രിയയും തന്റെ വിശേഷങ്ങളും ചിത്രങ്ങളുമെല്ലാം സോഷ്യല്‍ മീഡിയയില്‍ പങ്കുവയ്ക്കാറുണ്ട്.ഇടയ്ക്കിടെ ജീവിതത്തിലെ വിശേഷങ്ങള്‍ നസ്രിയ സോഷ്യല്‍ മീഡിയയില്‍ പങ്കുവയ്ക്കാറുണ്ട്. ഫഹദ് ഫാസില്‍ സോഷ്യല്‍ മീഡിയയില്‍ സജീവം അല്ലെങ്കിലും ഫഹദി നൊപ്പമുളള ചിത്രങ്ങളെല്ലാം പങ്കുവച്ച് നസ്രിയ എത്താറുണ്ട. ഇക്കുറി സാരിയിലുള്ള ഒരു ചിത്രമാണ് നസ്രിയ പങ്കുവച്ചിരിക്കുന്നത്. വല്ലപ്പോഴും താന്‍ സാരിയുടുക്കാറുണ്ടെന്ന് താരം പറയുന്നു. മൂക്കുത്തി ദിവസങ്ങളെ കുറിച്ചുള്ള ഓര്‍മ കൂടിയാണ് നസ്രിയയ്ക്ക് ആ ചിത്രം.

ഫഹദിന്റെയും നസ്രിയയുടെയും ചിത്രങ്ങള്‍ മാത്രമല്ല തങ്ങളുടെ പ്രിയപ്പെട്ട നായ ഓറിയോയുടെ ചിത്രങ്ങളും നസ്രിയ പങ്കുവച്ചിട്ടുണ്ട്. സിനിമാക്കാര്‍ക്കെല്ലാം പരിചിതയാണ് നസ്രിയയുടെയും ഫഹദിന്റെയും പ്രിയപ്പെട്ട ഓറിയോ. സിനിമാസെറ്റുകളിലും ഓറിയോ പലപ്പോഴും നസ്രിയയ്ക്ക് അകമ്ബടിയാവാറുണ്ട്. 'കൂടെ'യുടെ ഷൂട്ടിംഗിനായി ഊട്ടിയിലെത്തിയപ്പോള്‍ ഓറിയോയോയും നസ്രിയ കൂടെ കൂട്ടിയിരുന്നു. വെള്ളയും കറുപ്പും ഇടകലര്‍ന്ന് ഓറിയോ ബിസ്‌കറ്റിനെ ഓര്‍മ്മപ്പെടുത്തുന്ന നിറമാണ് ഈ കുഞ്ഞന്‍ നായയുടെ പ്രത്യേകത.