മാനസിക രോഗത്തിന്റെ മാരക വേര്‍ഷന്‍; കൊടും മഞ്ഞില്‍ കുഞ്ഞ് കുട്ടികളെ പോലെ കളിക്കുന്ന നവ്യ നായര്‍; ഒപ്പം മഞ്ഞ് കട്ടകള്‍ വാരി കഴിച്ച് താരം; നല്ല 'ടേസ്റ്റ്' ഉണ്ടെന്നും റിപ്ലൈ; തന്റെ ഉള്ളിലെ കുട്ടിയെ താന്‍ വീണ്ടും കണ്ടെത്തുന്നുവെന്ന് കുറിച്ച് അവധിയാഘോഷ വീഡിയോയുമായി നടി

പ്രിയതാരം നവ്യ നായര്‍ അവധിക്കാലം ആഘോഷിക്കുന്നതിനിടെയുള്ള ഒരു വീഡിയോ സമൂഹമാധ്യമങ്ങളില്‍ വൈറലാകുന്നു. മഞ്ഞില്‍ കുട്ടികളെപ്പോലെ കളിക്കുകയും മഞ്ഞ് വാരി കഴിക്കുകയും ചെയ്യുന്ന നവ്യയെയാണ് വീഡിയോയില്‍ കാണാന്‍ കഴിയുന്നത്. ഈ വീഡിയോ പങ്കുവെച്ചുകൊണ്ട് നടി കുറിച്ച ചിന്തകള്‍ പങ്കുവെച്ചുകൊണ്ടുള്ള കുറിപ്പും ഏറെ ശ്രദ്ധ നേടുന്നുണ്ട്. തന്റെ ഉള്ളിലെ കുട്ടിയെ വീണ്ടെടുത്ത നിമിഷങ്ങളാണിതെന്നും ജീവിതത്തിലെ ഓരോ നിമിഷവും ആസ്വദിക്കണമെന്നും നടി പറയുന്നു. 

വൈറലായ വീഡിയോയില്‍, നവ്യ മഞ്ഞ് വാരി കഴിക്കുകയും 'നല്ല ടേസ്റ്റുണ്ടെന്ന്' പറയുകയും ചെയ്യുന്നത് കാണാം. നവ്യയുടെ കുട്ടിക്കളി കണ്ടുകൊണ്ട്, 'മാനസിക രോഗത്തിന്റെ പല അവസ്ഥാന്തരങ്ങളും നമ്മള്‍ കണ്ടിട്ടുണ്ട്. പക്ഷേ ഇത്രയും മാരകമായ വെര്‍ഷന്‍ ഇതാദ്യ,' എന്ന് സുഹൃത്ത് തമാശരൂപേണ പറയുന്നതും വീഡിയോയില്‍ കേള്‍ക്കാം. തമാശരൂപേണയുള്ള ഈ പരാമര്‍ശങ്ങള്‍ വീഡിയോയുടെ ആകര്‍ഷണീയത വര്‍ദ്ധിപ്പിക്കുന്നുണ്ട്. നിലവില്‍ ചലച്ചിത്ര അഭിനയത്തിലും റിയാലിറ്റി ഷോകളിലെ വിധികര്‍ത്താവായും സജീവമായ നവ്യ, സമൂഹമാധ്യമങ്ങളിലും തന്റെ വിശേഷങ്ങള്‍ ആരാധകരുമായി പങ്കുവെക്കാറുണ്ട്. 

നടി പങ്കുവെച്ച കുറിപ്പില്‍, പത്താം ക്ലാസില്‍ പഠിക്കുമ്പോള്‍ കരിയര്‍ ആരംഭിച്ചതിനെക്കുറിച്ചും ചെറുപ്രായത്തില്‍ പ്രൊഫഷണല്‍ ലോകത്തേക്ക് കടന്നുവന്നതിനെക്കുറിച്ചും പറയുന്നുണ്ട്. ചില ശാന്തമായ നിമിഷങ്ങളില്‍, ഒരു നടിയായി ആരും കാണാത്തപ്പോള്‍, തന്റെ ഉള്ളിലെ കുട്ടിയെ താന്‍ വീണ്ടും കണ്ടെത്തുന്നു എന്ന് നവ്യ കുറിച്ചു.  ഈ നിമിഷങ്ങളെ താന്‍ ഏറെ വിലമതിക്കുന്നുവെന്നും, ചെറിയ കാര്യങ്ങളാണെങ്കിലും സ്വന്തം രീതിയില്‍ ചെയ്യുന്നത് ആസ്വദിക്കുന്നുവെന്നും അവര്‍ പറയുന്നു. മറ്റൊരാളെയും വേദനിപ്പിക്കാതെ, മറ്റുള്ളവര്‍ എന്തു പറയും എന്നതിനെക്കുറിച്ച് അമിതമായി ചിന്തിക്കാതെ, ഹൃദയത്തെ സന്തോഷിപ്പിക്കുന്ന കാര്യങ്ങള്‍ ചെയ്യണമെന്നും ഉള്ളിലെ കുട്ടിയെ പരിപോഷിപ്പിക്കണമെന്നും നവ്യ ആരാധകരോട് ആഹ്വാനം ചെയ്യുന്നു.
=