തനിക്ക് സിനിമ സമ്മാനിച്ച കടുത്ത ഭയങ്ങളെക്കുറിച്ചും ഷൂട്ടിങ്ങിനിടയിലുണ്ടായ അനുഭവത്തെക്കുറിച്ചും നടി പാര്വതി തിരുവോത്ത് പങ്ക് വച്ച വാക്കുകളാണ ശ്രദ്ധ നേടുന്നത്.സിനിമകള് തന്റെ പേടി മാറ്റുകയല്ല, യഥാര്ഥത്തില് പേടി തരികയാണ് ചെയ്തിട്ടുളളതെന്ന് പാര്വതി പറയുന്നു. ഒരു അഭിമുഖത്തില് സിനിമയില് നിന്ന് പേടി മാറിയ അനുഭവങ്ങള് ഉണ്ടായിട്ടുണ്ടോ എന്ന ചോദ്യത്തിന് മറുപടി പറയുകയായിരുന്നു താരം. ജലത്തോടുള്ള ഭയമായ 'ഹൈഡ്രോഫോബിയ' തനിക്ക് എങ്ങനെ ആരംഭിച്ചു എന്നതിനെക്കുറച്ചും പാര്വതി സംസാരിക്കുന്നുണ്ട്.
ഫ്ളാഷ്' എന്ന സിനിമയില് അഭിനയിച്ചുകൊണ്ടിരിക്കുമ്പോഴാണ് ആ അപകടം സംഭവിക്കുന്നത്. ചിത്രത്തിലെ ഒരു രംഗത്തിനായി ഒരു കുളത്തില് ചാടി ആത്മഹത്യ ചെയ്യാന് ശ്രമിക്കുന്നതായി അഭിനയിക്കേണ്ടിയിരുന്നു. നില്ക്കാനായി നല്കിയ സ്റ്റൂളില് നിന്ന് കാല്തെറ്റി വീണ പാര്വതി ശരിക്കും വെള്ളത്തില് മുങ്ങിത്താഴ്ന്നു. ജീവനുവേണ്ടി പൊരുതി വെള്ളത്തിന് മുകളിലേക്ക് കൈയുയര്ത്തി 'രക്ഷിക്കൂ' എന്ന് അലമുറയിട്ടിട്ടും ക്രൂ അംഗങ്ങള് അത് അഭിനയമാണെന്ന് കരുതി നോക്കിനില്ക്കുകയായിരുന്നു.
തന്റെ ജീവന് അപകടത്തിലാണെന്ന് ചുറ്റുമുള്ളവര് തിരിച്ചറിയാത്ത ആ നിമിഷങ്ങളെക്കുറിച്ച് പാര്വതി ഓര്ക്കുന്നത് ഇങ്ങനെയാണ്: 'മുങ്ങുന്ന സമയത്ത് ഞാന് പിന്നെ കാണുന്നത് ചുറ്റും നിന്ന് 15 പേര് ക്യാമറയില് പകര്ത്തുന്നതാണ്. അതെനിക്ക് വലിയ ട്രോമയായി.' അന്ന് ചിത്രീകരണം കഴിഞ്ഞെങ്കിലും ആ ട്രോമ പാര്വതിയെ വര്ഷങ്ങളോളം വേട്ടയാടി. പിന്നീട് ഷവറിനടിയില് നില്ക്കാന് പോലും തനിക്ക് വലിയ പേടിയായിരുന്നുവെന്നും അത്രത്തോളം ആ സംഭവം മാനസികമായി തളര്ത്തിയിരുന്നുവെന്നും താരം പറയുന്നു.
Premium Lifestyle and Entertainment website
സ്ട്രോക്കിന് ഉണ്ടാകുമ്പോള് ചെയ്യാന് പാടില്ലാത്ത കാര്യങ്ങള് : സ്ട്രോക്കില് നിന്ന് രക്ഷനേടാന് അറിയേണ്ട കാര്യങ്ങള്
ബൈക്ക് അപകടത്തെ തുടര്ന്ന് കാല്മുട്ടിനേറ്റ പരുക്ക് ഉണ്ടായിട്ടും ലക്ഷ്യം കീടക്കാനായി; പരിമിതികളെ മറികടക്കാന് ഓരോ തവണയും എന്നെ പ്രചോദിപ്പിച്ചതിന് ബിനീഷ് ചന്ദ്രയ്ക്ക് നന്ദി; മലയാറ്റൂര് മല കയറിയ ചിത്രങ്ങള് പങ്ക് വച്ച് മഞ്ജു വാര്യര് കുറിച്ചത്