മലയാള സിനിമാസ്വാദകരുടെ പ്രിയ യുവതാരങ്ങളില്‍ ഒരാളാണ് നമിത പ്രമോദ്. സിനിമയില്‍ എത്തി ചുരുങ്ങിയ കാലം കൊണ്ട് ഒരു പിടി മികച്ച കഥാപാത്രങ്ങളെയാണ് നടി മലയാളികള്‍ക്ക് സമ്മാനിച്ചത്. സോഷ്യല്‍ മീഡിയയില്‍ സജീവമായ നമിത തന്റെ ചെറിയ വലിയ വിശേഷങ്ങള്‍ ആരാധകര്‍ക്കായി പങ്കുവയ്ക്കാറുണ്ട്. ഇപ്പോഴിതാ നമിത പങ്കുവച്ച പുതിയ ഇന്‍സ്റ്റാ?ഗ്രാം വീഡിയോയാണ് സോഷ്യല്‍ മീഡിയയില്‍ ചര്‍ച്ചയായിരിക്കുന്നത്.
ഞായറാഴ്ച വൈകിട്ട് തന്നെ ഞാനൊരു സന്തോഷവാര്‍ത്ത നിങ്ങളോട് പറയാന്‍ പോവുകയാണ് എന്ന് പറയുകയാണ് നമിത. ദിവസങ്ങള്‍ക്കു മുന്‍പ് ഞാനും അച്ഛനും അമ്മയും കൂടെ ഒരു ചിത്രം പോസ്റ്റ് ചെയ്തു. ആ ചിത്രം പുറത്തുവന്നപ്പോള്‍ ഞാന്‍ വിവാഹിതയാകാന്‍ പോകുന്നു എന്ന വാര്‍ത്തയാണ് വന്നത്. ഇനിയിപ്പോള്‍ ഞാന്‍ ശരിക്കും വിവാഹിതയാകാന്‍ പോവുകയാണോ എന്ന് ചോദിച്ചാല്‍ അതിനുള്ള മറുപടിയാണ് ഞാന്‍ ഞായറാഴ്ച പറയാന്‍ പോകുന്നത്. ഇങ്ങനെയാണ് ഇപ്പോള്‍ ഒരു വീഡിയോയില്‍ നമിത പറയുന്നത്.
വീഡിയോ പുറത്തുവന്നതിന് പിന്നാലെ കമന്റുകളുമായി നിരവധി പേരും രം?ഗത്തെത്തി. സിനിമയുടെ പ്രമോഷന്‍ ആണെന്നും അല്ലെന്നും ഇവര്‍ പറയുന്നു. ചിലര്‍ നല്ലൊരു കുടുംബ ജീവിതം കിട്ടട്ടെ എന്ന് പറഞ്ഞ് ആശംസകള്‍ അറിയിക്കുകയും ചെയ്യുന്നു. മറ്റുചിലരാകട്ടെ കല്യാണ പയ്യന്‍ ആരാണെന്നും ചോദിക്കുന്നുണ്ട്. എന്തായാലും നമിത മറച്ചുവച്ചിരിക്കുന്ന ആ സര്‍പ്രൈസ് എന്താണ് എന്ന് അറിയാന്‍ ഞായറാഴ്ച വരെ കാത്തിരിക്കേണ്ടി വരും.
വേളാങ്കണ്ണി മാതാവ് എന്ന പരമ്പരയിലൂടെ ഏഴാം ക്ലാസില്‍ പഠിക്കുമ്പോഴാണ് നമിത ക്യാമറക്ക് മുന്നില്‍ എത്തുന്നത്. പരമ്പരയില്‍ മാതാവിന്റെ വേഷമാണ് നമിത ചെയ്തത്. തുടര്‍ന്ന് അമ്മേ ദേവി, എന്റെ മാനസപുത്രി തുടങ്ങിയ സീരിയലുകളിലും ശ്രദ്ധേയമായ വേഷങ്ങള്‍ അവതരിപ്പിച്ചു. രാജേഷ് പിള്ള ഒരുക്കിയ ട്രാഫിക് എന്ന ചിത്രത്തിലൂടെ ബിഗ് സ്‌ക്രീനിലും നമിത തുടക്കം കുറിച്ചു. സത്യന്‍ അന്തിക്കാട് സംവിധാനം ചെയ്ത പുതിയ തീരങ്ങള്‍ എന്ന ചിത്രത്തിലൂടെയാണ് നമിത നായികയാവുന്നത്. തുടര്‍ന്ന് സൗണ്ട് തോമ, പുള്ളിപ്പുലികളും ആട്ടിന്‍കുട്ടിയും, ലോ പോയിന്റ്, വിക്രമാദിത്യന്‍, ഓര്‍മ്മയുണ്ടോ മുഖം, ചന്ദ്രേട്ടന്‍ എവിടെയാ, അമര്‍ അക്ബര്‍ അന്തോണി, മാര്‍ഗംകളി തുടങ്ങി നിരവധി ചിത്രങ്ങളില്‍ നമിത വേഷമിട്ടു.
അതേസമയം, ഈശോ എന്ന ചിത്രമാണ് നമിതയുടേതായി ഏറ്റവും ഒടുവില്‍ റിലീസ് ചെയ്തത്. ഒക്ടോബര്‍ 5ന് സോണി ലിവിലൂടെ ആയിരുന്നു ചിത്രത്തിന്റെ റിലീസ്. ജയസൂര്യ നായകനായി എത്തിയ ചിത്രം സംവിധാനം ചെയ്തത് നാദിര്‍ഷയാണ്. ട്രാഫിക്ക് എന്ന ചിത്രത്തിലൂടെയാണ് നമിത വെള്ളിത്തിരയില്‍ എത്തുന്നത്. സൗണ്ട് തോമ, പുള്ളിപ്പുലികളും ആട്ടിന്‍കുട്ടിയും, വിക്രമാദിത്യന്‍, അമര്‍ അക്ബര്‍ അന്തോണി തുടങ്ങിയ സിനിമകളിലും താരം വേഷമിട്ടു.
Premium Lifestyle and Entertainment website
എഫ്ബിയില്‍ കുറിപ്പിട്ട പെണ്‍കുട്ടിക്ക് എന്തു കൊണ്ട് പോലീസില്‍ പരാതി നല്‍കാന്‍ ധൈര്യമുണ്ടായില്ല? 14 പേര്‍ക്കെതിരെ പോസ്റ്റിട്ട യുവതി തനിക്കെതിരെ മാത്രം പരാതി നല്‍കി; വാദങ്ങള്‍ ചുറ്റിക്കറങ്ങിയത് ആ പോസ്റ്റില്‍; ഹേമാ കമ്മറ്റി 'ധൈര്യം' ഫലം കണ്ടില്ല; സിദ്ദിഖിന് മുന്‍കൂര്‍ ജാമ്യം അനുവദിക്കുമ്പോള്‍ സുപ്രീംകോടതി പറയുന്നത് 
വീട്ടുകാരുടെ സമ്മര്‍ദ്ദത്തില്‍ കല്ല്യാണത്തെ പറ്റി ഒരു ഘട്ടത്തില്‍ ആലോചിച്ചിരുന്നു; പിന്നീട് ബോധവും ബുദ്ധിയും വെച്ചപ്പോള്‍ വേണ്ടെന്ന് മനസിലായി; ഒരുപാട് ആലോചിച്ചെടുത്ത തീരുമാനം; കല്ല്യാണം കഴിക്കില്ല; ആളുകള്‍ സന്തോഷത്തിലല്ല; ഐശ്വര്യ ലക്ഷ്മി