തെലുങ്ക് സൂപ്പര്താരം രാം ചരണ് നായകനായി അഭിനയിക്കുന്ന ഏറ്റവും പുതിയ പാന് ഇന്ത്യന് ചിത്രത്തിന്റെ ഫസ്റ്റ് ലുക്ക് പുറത്ത്. 'പെഡ്ഡി' എന്ന് പേര് നല്കിയിരിക്കുന്ന ചിത്രത്തിന്റെ പ്രീ-ലുക്ക് ഇന്നലെ റിലീസ് ചെയ്തിരുന്നു. രാം ചരണിന്റെ ജന്മദിനം പ്രമാണിച്ചാണ് ചിത്രത്തിന്റെ ഫസ്റ്റ് ലുക്ക് ഇന്ന് റിലീസ് ചെയ്തത്. ബുചി ബാബു സന ആണ് ചിത്രം സംവിധാനം ചെയ്യുന്നത്. ജാന്വി കപൂര് നായികാ വേഷം ചെയ്യുന്ന ഈ ചിത്രം രാം ചരണിന്റെ പതിനാറാം ചിത്രമാണ്.
വൃദ്ധി സിനിമാസിന്റെ ബാനറില് വെങ്കട സതീഷ് കിലാരു ആണ് ചിത്രത്തിന്റെ നിര്മ്മാണം. മൈത്രി മൂവി മേക്കര്സ്, സുകുമാര് റൈറ്റിങ്സ് എന്നിവര് ചേര്ന്നാണ് ഈ ബിഗ് ബഡ്ജറ്റ് ചിത്രം അവതരിപ്പിക്കുന്നത്. ചിത്രത്തില് കന്നഡ സൂപ്പര്താരം ശിവരാജ് കുമാറും നിര്ണ്ണായക വേഷം ചെയ്യുന്നുണ്ട്.
രാം ചരണിന്റെ കഥാപാത്രത്തിന്റെ ശക്തിയും തീവ്രതയും പ്രേക്ഷകരില് എത്തിക്കുന്ന രീതിയിലാണ് ചിത്രത്തിന് 'പെഡ്ഡി' എന്ന പേര് നല്കിയിരിക്കുന്നത്. പരുക്കന് വസ്ത്രം ധരിച്ച്, സിഗരറ്റ് വലിക്കുന്ന രീതിയില് വളരെ പരുക്കനായും ഉഗ്ര രൂപത്തിലുമാണ് രാം ചരണിനെ ഫസ്റ്റ് ലുക്ക് പോസ്റ്ററില് അവതരിപ്പിച്ചിരിക്കുന്നത്. ചിത്രത്തിനായി ഗംഭീരമായ ശാരീരിക പരിവര്ത്തനത്തിനാണ് അദ്ദേഹം വിധേയനായിരിക്കുന്നത് എന്നും ഫസ്റ്റ് ലുക്ക് സൂചിപ്പിക്കുന്നു. ചിത്രത്തെ കുറിച്ചുള്ള ആകാംഷ വര്ധിപ്പിക്കുന്ന ഇതിന്റെ രണ്ടാമത്തെ പോസ്റ്ററില് അദ്ദേഹം ഒരു പഴയ ക്രിക്കറ്റ് ബാറ്റ് കൈവശം വച്ചിരിക്കുന്നതായി ആണ് കാണിച്ചിരിക്കുന്നത്.
പശ്ചാത്തലത്തില് ഫ്ളഡ്ലൈറ്റുകള് കൊണ്ട് പ്രകാശിപ്പിച്ച ഒരു ഗ്രാമീണ സ്റ്റേഡിയമുണ്ട്. ഈ പോസ്റ്ററുകള് ചിത്രത്തിന്റെ പശ്ചാത്തലത്തെക്കുറിച്ചും ആഖ്യാനത്തെക്കുറിച്ചും കൗതുകം ജനിപ്പിക്കുകയും ഗ്രാമീണ തീവ്രതയുടെയും ആകര്ഷകമായ ഡ്രാമയുടേയും കോര്ത്തിണക്കല് സൂചിപ്പിക്കുകയും ചെയ്യുന്നു.
ഉപ്പെന്ന എന്ന ബ്ലോക്ബസ്റ്റര് ചിത്രത്തിലൂടെ പ്രശസ്തനായ സംവിധായകന് ആണ് ബുചി ബാബു സന. വലിയ ബജറ്റ്, വിസ്മയകരമായ ദൃശ്യങ്ങള്, ലോകോത്തര നിര്മ്മാണ മൂല്യങ്ങള്, അത്യാധുനിക സാങ്കേതിക മികവ് എന്നിവ ഉപയോഗിച്ച് അഭൂതപൂര്വമായ നിലവാരത്തിലാണ് ഈ രാം ചരണ് ചിത്രം അദ്ദേഹം ഒരുക്കുന്നത്. രാം ചരണ് - ശിവരാജ് കുമാര് ടീം ആദ്യമായി ഒന്നിക്കുന്ന ഈ ചിത്രത്തില് ജഗപതി ബാബു, ബോളിവുഡ് താരം ദിവ്യേന്ദു എന്നിവരാണ് മറ്റ് പ്രധാന താരങ്ങള്. ചിത്രത്തിലെ മറ്റു താരങ്ങള്, അണിയറ പ്രവര്ത്തകര് എന്നിവരുടെ വിവരങ്ങള് വൈകാതെ പുറത്തു വിടും.
എക്സിക്യൂട്ടീവ് പ്രൊഡ്യൂസര്- വി. വൈ. പ്രവീണ് കുമാര്, ഛായാഗ്രഹണം - രത്നവേലു, സംഗീതം - എ ആര് റഹ്മാന്, എഡിറ്റര്- നവീന് നൂലി പ്രൊഡക്ഷന് ഡിസൈന് - അവിനാഷ് കൊല്ല, മാര്ക്കറ്റിംഗ്- ഫസ്റ്റ് ഷോ, പിആര്ഒ - ശബരി
Premium Lifestyle and Entertainment website
രേണു പോരാട്ടത്തിന്റെ നടുവിലാണ്; ചെറുതല്ലാത്ത രോഗത്തോട് ധൈര്യത്തോടെ പൊരുതുകയാണ്; മെഡിക്കല് റിപ്പോര്ട്ട് പ്രകാരം രോഗം കൂടുതല് സാരമായി ബാധിച്ചു; കോട്ടയം മെഡിക്കല് കോളേജില് തുടര് ചികിത്സ ആരംഭിക്കും; ബിഷപ് നോബിള് ഫിലിപ്പ് അമ്പലവേലില് സുധിലയത്തില് എത്തിയ ചിത്രം പങ്ക് വച്ച് ഫിറോസ് കെഎച്ച്ഡിഇസി കുറിച്ചത്
പ്രഭുദേവയുടെ കൊറിയോഗ്രാഫിയില് നര്ത്തകനായി തുടക്കം; നൊറാ ഫത്തേഹിയുമായുള്ള അടുപ്പം നല്കിയ ലോക വേദി; ഫുട്ബോള് ലോകകപ്പില് മലയാളിയുടെ ചുവടുകള്; ഔദ്യോഗിക ഗാനത്തിന് നൃത്തസംവിധാനമൊരുക്കി പാലക്കാട്ടുകാരന്; ഫിഫ ആല്ബവുമായി സഹകരിക്കുന്ന ആദ്യ ഇന്ത്യക്കാരനായി രജിത് ദേവിനെ അറിയാം