ചിരഞ്ജീവി ചിത്രത്തില് മോഹന്ലാല് വരുന്നുണ്ടെന്ന വാര്ത്ത ഏറെ നാളുകളായി സിനിമാ ലോകത്ത് പരക്കാന് തുടങ്ങിയിട്ട്. ചിത്രത്തിന്റെ എന്തെങ്കിലും ഒരു അപ്ഡേറ്റിനായി പ്രേക്ഷകര് ഒന്നടങ്കം കാത്തിരിക്കുകയായിരുന്നു. ഇപ്പോഴിതാ ആരാധകര് വലിയ പ്രതീക്ഷയോടെ കാത്തിരുന്ന ആ ചിരഞ്ജീവി ചിത്രത്തില് മോഹന്ലാല് ഉണ്ടായേക്കില്ലെന്നാണ് പുറത്തുവരുന്ന റിപ്പോര്ട്ട്.
സംവിധായകന് ബോബി സംവിധാനം ചെയ്യുന്ന ചിത്രത്തില് നിന്ന് പ്രതിഫലവുമായി ബന്ധപ്പെട്ട ചര്ച്ചകള് പരാജയപ്പെട്ടതോടെയാണ് താരം ചിത്രത്തില് നിന്ന് പിന്മാറിയതെന്നാണ് വിവരം. 'മെഗാ 158' എന്ന ചിത്രത്തില് നിന്നാണ് മോഹന്ലാല് പിന്മാറിയിരിക്കുന്നത്.
ചിത്രത്തില് മോഹന്ലാലിനെ അതിഥി വേഷത്തില് അവതരിപ്പിക്കാന് നിര്മ്മാതാക്കള് പദ്ധതിയിട്ടിരുന്നു. പ്രതിഫലം വാങ്ങാതെയോ ചെറിയ പ്രതിഫലത്തിലോ മോഹന്ലാല് ഈ വേഷം ചെയ്യുമെന്നായിരുന്നു പ്രതീക്ഷ. സംവിധായകന് ബോബിയുമായുള്ള അദ്ദേഹത്തിന്റെ അടുത്ത ബന്ധമാണ് അണിയറപ്രവര്ത്തകര്ക്ക് ഈ പ്രതീക്ഷ നല്കിയത്. എന്നാല്, മോഹന്ലാല് 30 കോടി രൂപ പ്രതിഫലം ആവശ്യപ്പെട്ടതോടെ പ്രതീക്ഷിച്ചതുപോലെ നടന്നില്ല. ഇത്രയും വലിയ തുക താങ്ങാനാകില്ലെന്ന് നിര്മാതാക്കള് അറിയിച്ചതോടെ ലാല് ചിത്രത്തില് നിന്ന് പിന്മാറുകയായിരുന്നു.
ചിരഞ്ജീവിയും മോഹന്ലാലും മുമ്പ് ഒരിക്കലും ഒരുമിച്ച് സ്ക്രീനില് പ്രത്യക്ഷപ്പെട്ടിട്ടില്ലാത്തതിനാല് ഇതൊരു നല്ല കോംബോ ആയിരിക്കുമെന്ന നിലയിലാണ് ഇരുവരെയും ഒന്നിപ്പിക്കാന് പദ്ധതിയിട്ടിരുന്നത്. നിലവില്, ഈ റോളിനായി അണിയറപ്രവര്ത്തകര് ഒരു തെലുങ്ക് താരത്തെ തേടുകയാണെന്നും റിപ്പോര്ട്ടുണ്ട്.
Premium Lifestyle and Entertainment website
അര്ജുനെ പരിചയപ്പെടുന്നത് പ്ലസ് ടു ട്യൂഷന് ക്ലാസില് പഠിക്കുന്ന സമയത്ത്; അന്നുമുതല് തന്റെ അടുത്ത സുഹൃത്തുക്കള്; ബോഡി ഷെയിമിങ് ആദ്യമൊക്കെ നന്നായി വിഷമിപ്പിച്ചു; പക്ഷെ പിന്നീടത് പ്രചോദനമായി; കാളിദാസിനൊപ്പം നായികയായി എത്തുന്ന ഇഷാനി കൃഷ്ണ പങ്ക് വച്ചത്
ചിലര്ക്ക് ഇര ചമയാന് വലിയ ഇഷ്ടമാണ്; എന്തൊരു പച്ചക്കള്ളമാണ് പടച്ചുവിടുന്നത്; ഒരാളെ അനാവശ്യമായി കുഴപ്പത്തില് ചാടിക്കാന് എന്ത് എളുപ്പം; മണിയന്പിള്ള രാജുവിന്റെ വാഹനാപകടത്തില് പ്രതികരണവുമായി മാധവ് സുരേഷ്