ഈ ഫോട്ടോയില്‍ കാണുന്ന വ്യക്തികള്‍ക്ക് നിങ്ങള്‍ അറിയുന്ന പലരുമായും സാദൃശ്യം തോന്നിയാല്‍ അത് തികച്ചും സ്വാഭാവികം മാത്രമാണ്; ഒരു ഒന്നൊന്നര ത്രോബാക്ക് ഓര്‍മച്ചിത്രം പങ്കുവച്ച് അശ്വതിയും മിഥുനും

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട അവതാരകരാണ് മിഥുന്‍ രമേഷും അശ്വതി ശ്രീകാന്തും. വ്യത്യസ്തമായ പരിപാടികളുമായി സ്‌ക്രീനില്‍ നിറഞ്ഞുനില്‍ക്കുന്നവരാണ് ഇരുവരും. ഇപ്പോളിതാ ഇരുവരും സോഷ്യല്‍മീഡിയയില്‍ പങ്ക് വച്ച കുറിപ്പാണ് ശ്രദ്ധേയമാകുന്നത്.

വര്‍ഷങ്ങള്‍ക്കു മുന്‍പ് ഇരുവരും കണ്ടുമുട്ടിയിട്ടുണ്ട്, ഭാവിയില്‍ ഒട്ടേറെ വേദികളില്‍ ഒരുമിച്ച് അവതാരകരാകുമെന്നറിയാതെ. ഏറെ പ്രത്യേകതളുള്ള ആ കണ്ടുമുട്ടലിന്റെ ചിത്രം ആണ് ഇരുവരും പങ്ക് വച്ചത്.

മിഥുന്റെ ഫേസ്ബുക്ക് കുറിപ്പ്

throwback എന്നൊക്കെ പറഞ്ഞ ഒരു ഒന്ന് ഒന്നര throwback . ഈ ഫോട്ടോയില്‍ കാണുന്ന കുട്ടിയുമായി ഇത്രയും സ്റ്റേജ് share ചെയ്യുമെന്ന് അന്ന് സ്വപ്നത്തില്‍ പോലും കരുതിയില്ല. @aswathysreekanth From college union member to one of the best stage emcees ever ?? #throwback #malayalam #television #aswathysreekanth p.s.: അന്ന് ഞാന്‍ ഇവാനിയോസില്‍ ഡിഗ്രി ഫൈനല്‍ ഇയര്‍ ആണ് ??

നടന്‍ കൂടിയായ മുഥുനെ പാലാ അല്‍ഫോണ്‍സാ കോളേജിലെ ഒരു പ്രോഗ്രാമിന് ക്ഷണിക്കാന്‍ ലൊക്കേഷനില്‍ എത്തിയതാണ് കോളേജ് യൂണിയന്‍ മെമ്പറായ അശ്വതി എന്ന പെണ്‍കുട്ടി, ഒപ്പം കൂട്ടുകാരികളുമുണ്ട്. ഈ ഫോട്ടോയില്‍ കാണുന്ന വ്യക്തികള്‍ക്ക് നിങ്ങള്‍ അറിയുന്ന പലരുമായും സാദൃശ്യം തോന്നിയാല്‍ അത് തികച്ചും സ്വാഭാവികം മാത്രമാണ് (പാലാ അല്‍ഫോണ്‍സാ കോളേജിലെ യൂണിയന്‍ മെംബേര്‍സ് ആയ പെണ്‍കുട്ടികള്‍ സിനിമാക്കാരെ ഗസ്റ്റ് ആയി വിളിക്കാന്‍ ഒരു ഷൂട്ടിംഗ് ലൊക്കേഷനില്‍ എത്തിയതാണ്)' അശ്വതി കുറിച്ചു.