മീടു വെളിപ്പെടുത്തലില്‍ കുടുങ്ങി ബോളിവുഡ് താരം അലോക് നാഥ്. മുന്‍ സഹപ്രവര്‍ത്തകയുടെ വെളിപ്പെടുത്തലിനെ തുടര്‍ന്ന് മുംബൈ പോലീസ് ് ബലാത്സംഗക്കേസ് ഫയല്‍ ചെയ്തു. 19 വര്‍ഷം മുന്‍പ് അലോക് നാഥ് തന്നെ ബലാത്സംഗം ചെയ്‌തെന്ന് മുന്‍ സഹപ്രവര്‍ത്തക മീടൂ വെളിപ്പെടുത്തല്‍ നടത്തുകയും തുടര്‍ന്ന് പരാതി നല്‍കുകയുമായിരുന്നു. അതിനെ തുടര്‍ന്നാണ് പൊലീസ് കേസ് ഫയല്‍ ചെയ്തിരിക്കുന്നത്.
ഒക്ടോബര്‍ 17 നാണ് മുംബൈ പൊലീസ് യുവതിയുടെ പരാതി സ്വീകരിക്കുന്നത്. പരാതി പരിശോധിച്ച മുംബൈ പൊലീസ് ബുധനാഴ്ച്ച രാവിലെ അലോക് നാഥിനെതിരേ ഐപിസി 376 പ്രകാരം എഫ്‌ഐആര്‍ രജിസ്റ്റര്‍ ചെയ്യുകയായിരുന്നു.ഒരു ടിവി ഷോയ്ക്കു വേണ്ടി ഒന്നിച്ചു ജോലി ചെയ്തുകൊണ്ടിരിക്കുമ്പോഴാണ് പരാതിക്ക് ആധാരമായ സംഭവം നടന്നതെന്നാണ് പരാതിക്കാരിയുടെ വിശദീകരണം. കഴിഞ്ഞ മാസം 8 നാണ് തന്റെ ഫേസ്ബുക്ക് പോസ്റ്റിലൂടെ പരാതിക്കാരി ആദ്യം അലോക് നാഥിനെതിരെ ലൈംഗികാരോപണം ഉന്നയിക്കുന്നത്.
അലോക് നാഥിന്റെ വീട്ടില്‍ വെച്ചു നടന്ന പാര്‍ട്ടിയില്‍ ശീതള പാനീയത്തില്‍ മയക്കുമരുന്നു കലര്‍ത്തി തനിക്ക് നല്‍കിയെന്നും പാര്‍ട്ടിക്കിടെ അസ്വസ്ഥത അനുഭവപ്പെട്ടപ്പോള്‍ അലോക് നാഥ് വീട്ടില്‍ ഡ്രോപ്പ് ചെയ്യാം എന്ന വ്യാജേന തന്നെ മറ്റൊരു സ്ഥലത്തേക്ക് കൊണ്ടുപോയി ബലാത്സംഗം ചെയ്യുകയായിരുന്നു എന്നുമാണ് പരാതിക്കാരിയുടെ ആരോപണം. പരാതിക്കാരിയുടെ പോസ്റ്റിനു പിന്നാലെ, ഭര്‍ത്താവിന്റെ പേര് അനാവശ്യമായി വലിച്ചിട്ടെന്ന് ആരോപിച്ച് അലോക് നാഥിന്റെ ഭാര്യ അഷു സിങ്ങും പരാതിക്കാരിക്ക് എതിരെ മാനനഷ്ടക്കേസുമായി രംഗത്തെത്തിയിരുന്നു. എന്നാല്‍ അഷു സിങ്ങിന്റെ കേസ് മുംബൈ ഹൈക്കോടതി തള്ളി
Premium Lifestyle and Entertainment website
തെറ്റായതും അടിസ്ഥാനരഹിതവുമായ വാര്‍ത്തകള്‍ പ്രചരിക്കുന്നത് കാണുമ്പോള്‍ നിരാശയുണ്ട്; അച്ഛനെ കുറിച്ച് ഇങ്ങനെ പറയരുത്; അദ്ദേഹം ഒരു ലെജന്റ് ആണ്; പ്രതികരിച്ച് റഹ്മാന്റെ ഇളയ മകനും
അര മണിക്കൂറോളം ഹോട്ടലിന് പുറത്ത് വരി നിന്നിട്ടാണ് അകത്തേക്ക് കയറാന്‍; ഇത്രയും വര്‍ഷങ്ങളിലെ ഏറ്റവും ചെറിയ ബര്‍ത്ത്ഡേ ആഘോഷം; ഡല്‍ഹിയിലെ ഹോട്ടലില്‍ നിന്ന് ഭക്ഷണം കഴിച്ച് നയന്‍സും വിക്കിയും; വിഡിയോ പങ്ക് വച്ച് നടന്‍