ക്രിസ്റ്റിയുടെ പോസ്റ്ററിനൊപ്പം മാളവികയുടെ ഗ്ലാമര്‍ ചിത്രവും പങ്കുവച്ച് ഇത് മാത്യൂ എങ്ങനെ കൈകാര്യം ചെയ്യുമെന്ന് ചോദ്യമുയര്‍ത്തി ആരാധകന്‍;  കലക്കന്‍ മറുപടി നല്‍കി നടിയും

മാളവിക മോഹനന്‍, മാത്യു തോമസ് എന്നിവരെ കേന്ദ്ര കഥാപാത്രങ്ങളാക്കി നവാഗതനായ ആല്‍വിന്‍ ഹെന്റി സംവിധാനം ചെയ്യുന്ന ചിത്രമാണ് 'ക്രിസ്റ്റി'. ചിത്രത്തിന്റെ ഫസ്റ്റ്ലുക്ക് പോസ്റ്റര്‍ നേരത്തെ പുറത്തുവന്നിരുന്നു.സിനിമയുടെ പോസ്റ്റര്‍ പങ്കുവെച്ച് ഒരു ആരാധകന്‍ പോസ്റ്റ് ചെയ്ത ട്വീറ്റും അതിന് നായിക മാളവിക നല്‍കിയ മറുപടിയും സോഷ്യല്‍ മീഡിയയില്‍ ചര്‍ച്ചയായിരിക്കുകയാണ്.

ഇത് മാത്യൂ എങ്ങനെ കൈകാര്യം ചെയ്യുമെന്നാണ് മാളവികയുടെ ഗ്ലാമര്‍ ചിത്രവും ചിത്രത്തിന്റെ പോസ്റ്ററും പങ്കുവച്ച് ഒരു ആരാധകന്‍ ട്വിറ്ററില്‍ കുറിച്ചത്. പിന്നാലെ 'മാത്യൂ നന്നായി കൈകാര്യം ചെയ്തിട്ടുണ്ടെന്ന് മാളവിക പോസ്റ്റിന്റെ താഴെ കുറിക്കുകയായിരുന്നു.

പോസ്റ്റര്‍ കണ്ടിട്ട് പ്രായമായ സ്ത്രീയും കൗമരക്കാരനുമായുള്ള പ്രണയ കഥ പോലെ തോന്നി. അത് മാത്യൂവിന് കൈകാര്യം ചെയ്യാന്‍ കഴിയുമോ എന്ന സംശയമാണ് ചോദിച്ചതെന്ന്' പോസ്റ്റ് പങ്ക് വച്ച പേജിന്റെ ഉടമ മാളവികയുടെ മറുപടിയ്ക്ക് വിശദീകരണം നല്‍കി.

മാത്യൂ തോമസ്, മാളവിക മോഹനന്‍ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ആല്‍വിന്‍ ഹെന്റി സംവിധാനം ചെയ്യുന്ന ചിത്രമാണ് 'ക്രിസ്റ്റി'. പ്രശസ്ത എഴുത്തുകാരായ ബെന്യാമിനും ജി ആര്‍ ഇന്ദുഗോപനും ചേര്‍ന്നാണ് തിരക്കഥ ഒരുക്കിയിരിക്കുന്നത്. സിനിമയുടെ പ്രമേയത്തെ സംബന്ധിച്ച് യാതൊരു വിവരങ്ങളും അണിയറ പ്രവര്‍ത്തകര്‍ പുറത്തുവിട്ടിട്ടില്ല. 'ക്രിസ്റ്റി' ഫെബ്രുവരിയില്‍ തിയേറ്ററുകളില്‍ എത്തും.

ജോയ് മാത്യു, വിനീത് വിശ്വം, രാജേഷ് മാധവന്‍, മുത്തുമണി, ജയാ. എസ്. കുറുപ്പ് ,വീന്‍ നായര്‍, സ്മിനു സിജോ, മഞ്ജു പത്രോസ് എന്നിവരാണ് മറ്റ് താരങ്ങള്‍. ആനന്ദ്.സി.ചന്ദ്രന്‍ ഛായാഗ്രഹണം നിര്‍വഹിക്കുന്നു. വിനായക് ശശികുമാര്‍ - അന്‍വര്‍ അലി, എന്നിവരുടെ വരികള്‍ക്ക് ഗോവിന്ദ് വസന്ത ഈണം പകരുന്നു. റോക്കി മൗണ്ടന്‍ സിനിമാസിന്റെ ബാനറില്‍ സജയ് സെബാസ്റ്റന്‍, കണ്ണന്‍ സതീശന്‍ എന്നിവര്‍ ചേര്‍ന്നാണ് നിര്‍മാണം.