നടി ഖുശ്ബു സുന്ദറിന്റെ പുതിയ രൂപത്തിലുള്ള ചിത്രങ്ങള് സമൂഹമാധ്യമങ്ങളില് തരംഗമാകുന്നു. 9 മാസത്തിനുള്ളില് 20 കിലോ ഭാരം കുറച്ചെന്ന വെളിപ്പെടുത്തലിന് പിന്നാലെയാണ് താരത്തിന്റെ ഈ അവിശ്വസനീയമായ മാറ്റം ശ്രദ്ധ നേടുന്നത്. താരതമ്യേന മെലിഞ്ഞ്, സ്ലിം ലുക്കിലുള്ള ചിത്രങ്ങള് കണ്ട പലരും ഇത് 55 വയസ്സുകാരിയായ ഖുശ്ബു തന്നെയാണോ എന്ന് അത്ഭുതപ്പെടുന്നുണ്ട്.
'സൗന്ദര്യം ഉള്ളില് നിന്ന് വരുന്നതാണ്' എന്ന അടിക്കുറിപ്പോടെയാണ് ഖുശ്ബു തന്റെ ചിത്രങ്ങള് പങ്കുവെച്ചത്. ഈ മാറ്റത്തെ ആരാധകര്ക്കിടയില് സമ്മിശ്ര പ്രതികരണമാണ് സൃഷ്ടിച്ചിരിക്കുന്നത്. ചിലര് താരത്തിന്റെ നിശ്ചയദാര്ഢ്യത്തെയും ആരോഗ്യപരിപാലനത്തെയും പ്രശംസിക്കുമ്പോള്, മറ്റുചിലര് ആശങ്കയോടെയാണ് നോക്കുന്നത്. ഖുശ്ബു അമിതമായി മെലിഞ്ഞെന്നും, മുന്പത്തെ പ്രസരിപ്പ് നഷ്ടമായെന്നും, ആരോഗ്യപരമായ പ്രശ്നങ്ങളുണ്ടോയെന്നും ചില ആരാധകര് ചോദ്യമുന്നയിക്കുന്നു. 2018-ല് താരം ഒരു ശസ്ത്രക്രിയയ്ക്ക് വിധേയയായിരുന്നു എന്നതും ചിലര് നിലവിലെ മാറ്റങ്ങളുമായി ബന്ധപ്പെടുത്തി ചര്ച്ച ചെയ്യുന്നുണ്ട്.
ഇതിനിടെ, തന്റെ മെക്കോവറിന് പിന്നില് 'മൗന്ജാരോ ഇന്ജക്ഷന്റെ' മാന്ത്രികതയാണെന്ന് ആരോപിച്ച് ഒരാള്ക്ക് ഖുശ്ബു നല്കിയ മറുപടിയും ശ്രദ്ധ നേടിയിരുന്നു. 'നിങ്ങളെപ്പോലുള്ളവര് എത്ര വലിയ തലവേദനയാണ്. നിങ്ങളുടെ ഉള്ളിന്റെ ഉള്ളില് നിങ്ങള് എത്ര വൃത്തികെട്ടവരാണെന്ന്. നിങ്ങളുടെ മാതാപിതാക്കളോട് സഹതാപം മാത്രം' എന്നായിരുന്നു താരത്തിന്റെ രൂക്ഷമായ പ്രതികരണം.
Premium Lifestyle and Entertainment website
പ്രസവമുറിയിലെ നിശബ്ദതയില് കണ്ണുകള് നിറഞ്ഞൊഴുകി യപ്പോള് അതില് കഷ്ടപ്പാടുകളുടെയും വിശ്വാസത്തിന്റെയും കഥകളുണ്ടായിരുന്നു;എത്ര വലിയ പ്രതിസന്ധികളിലും മുന്നോട്ട് നടക്കാന് ഈ കുഞ്ഞുജീവന് ധൈര്യം നല്കുന്നു;'ലേബര് റൂമിലെ വീഡിയോ പങ്കിട്ട് അപ്പാനി ശരത്