നീ പെട്ടിട്ട് ഇന്നേക്ക് 15 വര്‍ഷം; വിവാഹ വാര്‍ഷികാഘോഷം മാലിയില്‍ ഭാര്യയോടോപ്പം പങ്കിട്ട് മലയാളത്തിന്റെ പ്രിയനടന്‍ ജയസൂര്യ; താരത്തിന്റെ ഇന്‍സ്റ്റാഗ്രാം പോസ്റ്റ് വൈറല്‍..!

മലയാളസിനിമയില്‍ വ്യത്യസ്ത കഥാപാത്രങ്ങള്‍ കൊണ്ട് പ്രേക്ഷകര്‍ക്ക് പ്രിയങ്കരനായി മാരിയ നടനാണ് ജയസൂര്യ. തന്റെ അഭിനയജീവിതത്തില്‍ വേറിട്ട ലുക്കിലും കഥാപാത്രങ്ങളിലും ജീവിച്ച് ആരാധകരെ വിസ്മയിപ്പിച്ച നടനാണ് ഇദ്ദേഹം. കഴിഞ്ഞ ദിവസം താരം തന്റെ വിവാഹവാര്‍ഷികത്തോടനുബന്ധിച്ച് ഇന്‍സ്റ്റാഗ്രാമില്‍ പങ്ക് വെച്ച ചിത്രവും കുറിപ്പുമാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്.

15 വര്‍ഷത്തെ നീണ്ട യാത്രക്കിടയില്‍ തന്നോടൊപ്പം റീടേക്കുകള്‍ ഇല്ലാതെ ജീവിച്ച തന്റെ പ്രിയതമയോടൊപ്പമുള്ള മാലി ദ്വീപിലെ റിസോര്‍ട്ടിലെ ആഘോഷങ്ങള്‍ക്കിടയിലെ ചിത്രങ്ങളാണ് താരം പങ്ക് വെച്ചത്. എന്നാല്‍ ചിത്രത്തിനോടൊപ്പം കുറിച്ച പോസ്റ്റായിരുന്നു കൂടുതല്‍ മാധ്യമശ്രദ്ധയില്‍പ്പെട്ടത്. വിവാഹ വാര്‍ഷികാഘോഷം സന്തോഷകരമായി ആഘോഷിച്ച താരത്തിന്റെ കുറിപ്പ് ഇങ്ങനെ; 

രണ്ട് എന്ന ഒന്ന്....
നമ്മുടെ കല്ല്യാണത്തിനും മുന്‍പ്, നമ്മുടെ പ്രണയത്തിനും മുന്‍പ് നീ എന്നോട് പറഞ്ഞ ഡയലോഗുണ്ട്. 'നിന്നെ കെട്ടുന്നവള് എന്തായാലും പെടും മോനേ... ' എന്ന്. ആ പറഞ്ഞ നീ പെട്ടിട്ട് ഇന്നേക്ക് 15 വര്‍ഷം.
ആ ഇടപെടലില് നമുക്കിപ്പോ രണ്ട് മക്കളും.
എനിക്ക് തോന്നീട്ടുള്ളത് കല്ല്യാണ സമയത്ത് നമ്മള്‍ ചിലപ്പോള്‍ മാനസികമായി ഒരേ തലത്തില്‍ ആയിരിക്കും എന്നാല്‍ കുറച്ച് നാള്‍ കഴിയുമ്പോള്‍ ഇതില്‍ ഏതെങ്കിലും ഒരു വ്യക്തി മാനസികമായി വളരും മറ്റേയാള്‍ അവിടെ തന്നെ നില്‍ക്കും, അപ്പോഴാണ് എന്നെ മനസ്സിലാക്കാന്‍ പറ്റുന്നില്ല എന്നൊക്കെ പറയുന്നത്. എന്തായാലും നീ വളര്‍ന്നതോടൊപ്പം എന്നെയും ഒപ്പം വളര്‍ത്തിയതിന് നിനക്ക് നന്ദി.
പണ്ട് ഒന്നുമില്ലാതിരുന്ന സമയത്ത് ഞാന്‍ നിനക്ക് തന്ന ഒരു വാക്കുണ്ട് 'നിന്റെ മുഖത്തെ ആ ചിരി ഞാന്‍ ഒരിക്കലും മായ്ക്കില്ല എന്ന് ' ആ വാക്ക് തന്നെ എനിക്ക് ഇന്നും തരാനുള്ളൂ...
ഒരു പുരുഷനെ സൃഷ്ടിക്കുന്നതും, പൂര്‍ണ്ണതയിലേക്ക് എത്തിക്കുന്നതും ഒരു സ്ത്രീയാണ് എന്ന് ഞാന്‍ വിശ്വസിക്കുന്നു, അതുപോലെ തന്നെ തിരിച്ചും. ഈ പരസ്പര ബഹുമാനമാണ് ഏത് ഒരു ബന്ധവും ശക്തമാക്കുന്നത്. നീ ഇന്നും ഭാര്യ മാത്രമാകാതെ എന്റെ ഫ്രണ്ടായും പ്രണയിനിയായും, എന്നില്‍ ചേര്‍ന്ന് നില്‍ക്കുമ്പോള്‍ ഞാന്‍ തിരിച്ചറിയുന്നു ഒരു ആത്മാവിന് രണ്ട് ശരീരങ്ങളില്‍ ജീവിക്കാന്‍ കഴിയുമെന്ന്. ഇനിയുള്ള ജന്മ ജന്മാന്തരങ്ങളിലും ഒരുമിച്ച് തന്നെയുണ്ടാവട്ടെ എന്ന പ്രാര്‍ത്ഥനയോടെ .... നിന്റെ..... ഞാന്‍

NB : ഇനിയും ഭാര്യമാരേ കുറിച്ച് ഇതുപോലെ എന്ത് നുണയും പറയാന്‍ ഞങ്ങള്‍ ഭര്‍ത്താക്കന്‍മാര്‍ ഒരിക്കലും ഒരു മടിയും കാണിക്കാറില്ല.....
ശരിയല്ലേ... MR. പെരേരാ ...

View this post on Instagram

രണ്ട് എന്ന ഒന്ന്.... നമ്മുടെ കല്ല്യാണത്തിനും മുൻപ്, നമ്മുടെ പ്രണയത്തിനും മുൻപ് നീ എന്നോട് പറഞ്ഞ ഡയലോഗുണ്ട്. "നിന്നെ കെട്ടുന്നവള് എന്തായാലും പെടും മോനേ... " എന്ന്. ആ പറഞ്ഞ നീ പെട്ടിട്ട് ഇന്നേക്ക് 15 വർഷം. ആ ഇടപെടലില് നമുക്കിപ്പോ രണ്ട് മക്കളും. എനിക്ക് തോന്നീട്ടുള്ളത് കല്ല്യാണ സമയത്ത് നമ്മൾ ചിലപ്പോൾ മാനസികമായി ഒരേ തലത്തിൽ ആയിരിക്കും എന്നാൽ കുറച്ച് നാൾ കഴിയുമ്പോൾ ഇതിൽ ഏതെങ്കിലും ഒരു വ്യക്തി മാനസികമായി വളരും മറ്റേയാൾ അവിടെ തന്നെ നിൽക്കും, അപ്പോഴാണ് എന്നെ മനസ്സിലാക്കാൻ പറ്റുന്നില്ല എന്നൊക്കെ പറയുന്നത്. എന്തായാലും നീ വളർന്നതോടൊപ്പം എന്നെയും ഒപ്പം വളർത്തിയതിന് നിനക്ക് നന്ദി. പണ്ട് ഒന്നുമില്ലാതിരുന്ന സമയത്ത് ഞാൻ നിനക്ക് തന്ന ഒരു വാക്കുണ്ട് "നിന്റെ മുഖത്തെ ആ ചിരി ഞാൻ ഒരിക്കലും മായ്ക്കില്ല എന്ന് " ആ വാക്ക് തന്നെ എനിക്ക് ഇന്നും തരാനുള്ളൂ... ഒരു പുരുഷനെ സൃഷ്ടിക്കുന്നതും, പൂർണ്ണതയിലേക്ക് എത്തിക്കുന്നതും ഒരു സ്ത്രീയാണ് എന്ന് ഞാൻ വിശ്വസിക്കുന്നു, അതുപോലെ തന്നെ തിരിച്ചും. ഈ പരസ്പര ബഹുമാനമാണ് ഏത് ഒരു ബന്ധവും ശക്തമാക്കുന്നത്. നീ ഇന്നും ഭാര്യ മാത്രമാകാതെ എന്റെ ഫ്രണ്ടായും പ്രണയിനിയായും, എന്നിൽ ചേർന്ന് നിൽക്കുമ്പോൾ ഞാൻ തിരിച്ചറിയുന്നു ഒരു ആത്മാവിന് രണ്ട് ശരീരങ്ങളിൽ ജീവിക്കാൻ കഴിയുമെന്ന്. ഇനിയുള്ള ജന്മ ജന്മാന്തരങ്ങളിലും ഒരുമിച്ച് തന്നെയുണ്ടാവട്ടെ എന്ന പ്രാർത്ഥനയോടെ .... നിന്റെ..... ഞാൻ NB : ഇനിയും ഭാര്യമാരേ കുറിച്ച് ഇതുപോലെ എന്ത് നുണയും പറയാൻ ഞങ്ങൾ ഭർത്താക്കൻമാർ ഒരിക്കലും ഒരു മടിയും കാണിക്കാറില്ല..... ശരിയല്ലേ... MR. പെരേരാ ...

A post shared by actor jayasurya (@actor_jayasurya) on Jan 25, 2019 at 4:44am PST