രണ്ട് ദിവസമായി സോഷ്യല്മീഡിയയില് ചര്ച്ചയാകുന്ന ഒന്നാണ് ഗ്രേസ് ആന്റണിയുടേയും ഭര്ത്താവ് എബി സിറിയക്കിന്റേയും അഭിമുഖം. താന് പരിചയപ്പെടുമ്പോള് ഗ്രേസിന് പ്രായം വെറും പതിനെട്ട് വയസ് മാത്രമായിരുന്നുവെന്നും അതിനാല് പ്രണയത്തിലായശേഷം തനിക്ക് വേണ്ട രീതിയില് ഗ്രേസിനെ ഗ്രൂം ചെയ്ത് എടുത്തുവെന്നുമാണ് എബി പ്രണയ കാലത്തെ കുറിച്ച് സംസാരിക്കവെ പറഞ്ഞത്. ഈ പരാമര്ശങ്ങള്ക്കെതിരെ സാമൂഹിക മാധ്യമങ്ങളില് വ്യാപക വിമര്ശനം ആണ് ഉയരുന്നത്.
തന്റെ പങ്കാളിയെ തനിക്കുവേണ്ട രീതിയില് മാറ്റിയെടുത്തുവെന്ന എബിയുടെ പ്രസ്താവനയാണ് വിവാദങ്ങള്ക്ക് തുടക്കമിട്ടത്. പ്രണയകാലത്തെക്കുറിച്ച് സംസാരിക്കവെ, 18-ാം വയസ്സില് പരിചയപ്പെട്ട ഗ്രേസ് അന്ന് ഒന്നുമറിയാത്ത കുട്ടിയായിരുന്നുവെന്നും തനിക്കുവേണ്ട രീതിയില് താന് ഗ്രൂം ചെയ്തെടുത്തതാണെന്നും എബി പറഞ്ഞിരുന്നു. ഈ പരാമര്ശത്തെ 'വളര്ത്തിയെടുത്തു' എന്ന് ഗ്രേസ് തിരുത്തുകയും പിന്നാലെ അവതാരകയുള്പ്പെടെയുള്ളവര് ഇത് തമാശയായി കണ്ട് ചിരിക്കുകയും ചെയ്തതാണ് വിമര്ശകരെ ചൊടിപ്പിച്ചത്.
'18-ാം വയസ്സിലാണ് ഞങ്ങള് പരിചയപ്പെടുന്നത്. 19 വയസ്സിലൊക്കെയാണ് ഞങ്ങള് പ്രണയത്തിലാവുന്നത്. അന്ന് ഒന്നും അറിയാത്ത കൊച്ചുകുട്ടിയാണ്. ഞാന് എനിക്കുവേണ്ട രീതിയില് ഗ്രൂം ചെയ്തെടുത്തതാണ്', എന്നായിരുന്നു എബിയുടെ വാക്കുകള്. ഇതുകേട്ട ഗ്രേസ്, 'വളര്ത്തിയെടുത്തു' എന്നുകൂടെ കൂട്ടിച്ചേര്ത്തു. എബി പറഞ്ഞുനിര്ത്തിയതും തമാശയെന്നോണം അവതാരകയുള്പ്പെടെ മൂന്നുപേരും പൊട്ടിച്ചിരിച്ചു. അഭിമുഖത്തില്നിന്നുള്ള ഭാഗം സാമൂഹികമാധ്യമങ്ങളില് വ്യാപകമായി പ്രചരിച്ചതോടെയാണ് വിമര്ശനം കടുത്തത്.
പങ്കാളിയുടെ വ്യക്തിത്വത്തെയും സ്വാതന്ത്യത്തെയും മാനിക്കാത്ത ഇത്തരം പ്രസ്താവനകള് സ്ത്രീവിരുദ്ധമാണെന്നും തുല്യതയ്ക്ക് വിരുദ്ധമാണെന്നുമാണ് സോഷ്യല് മീഡിയയില് ഉയരുന്ന പ്രധാന വിമര്ശനം. എട്ടു വയസ്സിന്റെ പ്രായവ്യത്യാസമുള്ള ഒരാള്, 18 വയസ്സുകാരിയായ പെണ്കുട്ടിയെ തന്റെ താല്പ്പര്യങ്ങള്ക്കനുസരിച്ച് മാറ്റിയെടുത്തുവെന്ന് അവകാശപ്പെടുന്നത് കാല്പ്പനികവത്കരിക്കാന് പാടില്ലാത്ത ഒന്നാണെന്ന് പലരും ചൂണ്ടിക്കാട്ടുന്നു. പങ്കാളികള്ക്കിടയില് പരസ്പരമുള്ള സ്വാധീനം സ്വാഭാവികമാണെങ്കിലും, ഒരാള് മറ്റൊരാളെ തനിക്കായി വാര്ത്തെടുത്തു എന്ന് പറയുന്നത് അധികാരപ്രയോഗത്തിന്റെ സൂചനയാണെന്നും ഇത്തരം 'ഗ്രൂമിങ്' പരാമര്ശങ്ങളെ നിസ്സാരവത്കരിക്കരുതെന്നും വിമര്ശകര് അഭിപ്രായപ്പെടുന്നു.
തങ്ങള് തമ്മില് എട്ടുവയസ്സിന്റെ വ്യത്യാസമുണ്ടെന്നും എബി തന്നെ അഭിമുഖത്തില് പറയുന്നുണ്ട്. ഇതടക്കം വിമര്ശകര് ചൂണ്ടിക്കാട്ടുന്നു. പ്രണയത്തിലായിരിക്കുന്ന ഒരാളുടെ വ്യക്തിത്വത്തെ മാനിക്കാത്തതും തുല്യതയ്ക്ക് എതിരുമാണ് എബിയുടെ പ്രസ്താവനയെന്നാണ് ആളുകള് ചൂണ്ടിക്കാണിക്കുന്നത്. ഇരുവര്ക്കും അതില് തെറ്റൊന്നും കാണാന് സാധിക്കുന്നില്ലെങ്കില്പ്പോലും മറ്റൊരാളെ തനിക്കുവേണ്ടി മാറ്റിയെടുത്തുവെന്നത് തമാശയായി അവതരിപ്പിച്ച് പ്രോത്സാഹിപ്പിക്കാന് പാടില്ലാത്തതാണെന്നും ചൂണ്ടിക്കാട്ടപ്പെടുന്നുണ്ട്. ഇത്തരം പരാമര്ശങ്ങളെ ഒരിക്കലും കാല്പനികവത്കരിക്കാന് പാടില്ലെന്നും വിമര്ശകര് അഭിപ്രായപ്പെടുന്നു.
അതേസമയം, വിമര്ശകര്ക്ക് പരോക്ഷമറുപടിയമായി ഗ്രേസ് ആന്റണി എത്തി. എബിയെ ടാഗ് ചെയ്ത് ഇന്സ്റ്റഗ്രാമില് പങ്കുവെച്ച റീലിന്റെ ക്യാപ്ഷനിലാണ് ഗ്രേസിന്റെ മറുപടി. 'പെര്ഫെക്ട് ഗ്രൂമിങ് ഏട്ടായി' എന്നായിരുന്നു ഗ്രേസിന്റെ അടിക്കുറുപ്പ്. സുഹൃത്തുക്കള്ക്കൊപ്പം ഗ്രേസും എബിയും കാറില് സഞ്ചരിക്കുന്നതാണ് വീഡിയോയില് ഉള്ളത്. ഗ്രേസാണ് കാര് ഓടിക്കുന്നത്. 'കൂലി'യിലെ 'പവര്ഹൗസ്' എന്ന പാട്ട് പശ്ചാത്തലത്തില് കേള്ക്കാം. ഗ്രേസിന്റെ ക്യാപ്ഷനെതിരേയും വ്യാപകവിമര്ശനമാണ് ഉയരുന്നത്.
വീഡിയോ വൈറലായതോടെ ?ഗ്രേസിന് വീണ്ടും വിമര്ശനമാണ് ഉയര്ന്നത്. തെറ്റ് അംഗീകരിക്കാതെ ?ഗ്രൂമിങിനെ ന്യായീകരിക്കുന്നു എന്നതിന്റെ പേരിലായിരുന്നു വിമര്ശനം. ക്യാപ്ഷന് അരോചകം. നിങ്ങള് ഹാപ്പി ആയിട്ടാവും ജീവിക്കുന്നത്. അദ്ദേഹം ഒരു നല്ല വ്യക്തിയും ഭര്ത്താവുമായിരിക്കാം.
അത് ജീവിതകാലം മുഴുവന് അങ്ങനെ തന്നെ ആയിരിക്കട്ടെ. പക്ഷെ അദ്ദേഹത്തിന്റെ പ്രസ്താവനയും അത് പറഞ്ഞ മനോഭാവവും തെറ്റായിരുന്നു. അതിനെയാണ് സമൂഹം വിമര്ശിച്ചത്. ഇതിപ്പോള് ?ഗ്രൂമിങ് ചെയ്താലും ഹാപ്പി ആയിട്ട് ജീവിക്കാന് പറ്റും എന്നുള്ള രീതിയില് ഉള്ള വീഡിയോയും ക്യാപ്ഷനും ഇടുന്നത് കൊണ്ട് നിങ്ങള് സമൂഹത്തിന് പിന്നെയും തെറ്റായ സന്ദേശമാണ് നല്കുന്നത്. ഇമോഷണല് ആകാതെ സെന്സിബിള് ആയി റിയാക്ട് ചെയ്യൂ, ആ ഒരു സ്റ്റേറ്റ്മെന്റ് പബ്ലിക്ക് പ്ലാറ്റ്ഫോമില് പറഞ്ഞതാണ് തെറ്റ്. അല്ലാതെ ?ഗ്രേസ് മോശം ലൈഫ് ആണ് ജീവിക്കുന്നത് എന്നോ അവരെ അയാളുടെ കയ്യില് നിന്നും രക്ഷിക്കണം എന്നോ ആര്ക്കും അഭിപ്രായമില്ല. അവര് സന്തോഷത്തോടെ ജീവിക്കുന്നത് വരെ ജീവിക്കട്ടെ. പക്ഷെ ഇത്തരം സ്റ്റേറ്റ്മെന്റ് മറ്റുള്ളവരില് തെറ്റായ ധരണ ഉണ്ടാക്കാം. അതിനെ വിമര്ശിക്കുക തന്നെ ചെയ്യും.
ഇപ്പോള് തെറ്റ് അംഗീകരിക്കാതെ അതിനെ ന്യായീകരിക്കുകയും ചെയ്യുന്നു എന്നായിരുന്നു ?ഗ്രേസിന്റെ പ്രതികരണത്തെ വിമര്ശിച്ചവര് കുറിച്ചത്. പബ്ലിക്ക് ഫി?ഗര് എന്ന നിലയില് ഒരു പ്രശ്നം ഉണ്ടാകുമ്പോള് അത് പക്വതയോടെ കൈകാര്യം ചെയ്യുകയും ചിന്താപൂര്വ്വം അഭിസംബോധന ചെയ്യുകയും വേണം. ?ഗ്രേസിന്റെ പ്രതികരണം ഗ്രൂമിങ് പോലുള്ള ഒന്നിനെ ന്യായീകരിക്കുന്നതായി തോന്നുന്നു. സത്യസന്ധമായി പറഞ്ഞാല് ഈ വിഷയം വളരെ നന്നായി ഗ്രേസ് കൈകാര്യം ചെയ്യണമായിരുന്നു എന്നും ചിലര് കുറിച്ചു.
കഴിഞ്ഞവര്ഷം സെപ്റ്റംബറിലായിരുന്നു ഗ്രേസ് ആന്റണി- എബി ടോം സിറിയക് വിവാഹം. കോട്ടയം കാഞ്ഞിരപ്പള്ളി സ്വദേശിയായ എബി സിറിയക് തോമസിന്റേയും ഷാജി സിറിയകിന്റേയും മകനാണ്. മ്യൂസിക് പ്രോഗ്രാമറും അറേഞ്ചറും കൂടിയായ എബി, ഒട്ടേറെ മലയാളം ചിത്രങ്ങളുടെ സംഗീതവിഭാഗത്തില് പിന്നണിയില് പ്രവര്ത്തിച്ചിട്ടുണ്ട്. സ്വതന്ത്രസംഗീതസംവിധായകനെന്ന നിലയില് ഏഴോളം ചിത്രങ്ങളില് പ്രവര്ത്തിച്ച എബി, പൃഥ്വിരാജ് നായകനായ 'പാവാട'യിലെ പാട്ടുകളിലൂടെയാണ് ശ്രദ്ധേയനായത്. ഒമര് ലുലു സംവിധാനംചെയ്ത 'ഹാപ്പി വെഡ്ഡിങ്ങി'ലൂടെയായിരുന്നു ഗ്രേസ് ആന്റണിയുടെ അരങ്ങേറ്റം. 'കുമ്പളങ്ങി നൈറ്റ്സി'ലെ വേഷം ഗ്രേസിനെ കൂടുതല് ശ്രദ്ധേയയാക്കി.
'ജോര്ജേട്ടന്സ് പൂരം', 'തമാശ', 'ഹലാല് ലവ് സ്റ്റോറി', 'കനകം കാമിനി കലഹം', 'റോഷാക്ക്' എന്നിവയിലെ വേഷങ്ങള് ശ്രദ്ധിക്കപ്പെട്ടു. റാം സംവിധാനം ചെയ്ത തമിഴ് ചിത്രം 'പറന്തു പോ' ആണ് ഗ്രേസിന്റേതായി അവസാനം തീയേറ്ററിലെത്തിയ ചിത്രം. 'എക്സ്ട്രാ ഡീസന്റ്' ആണ് അവസാനം റിലീസ് ചെയ്ത മലയാള ചിത്രം. മഹേഷ് നാരായണന്റെ മമ്മൂട്ടി- മോഹന്ലാല് ചിത്രം 'പേട്രിയറ്റി'ല് ഗ്രേസ് പ്രധാനവേഷം അവതരിപ്പിക്കുന്നുണ്ട്.
Premium Lifestyle and Entertainment website
നാല്പത്തി ആറ്, നാല്പത്തി ഏഴ് വയസായപ്പോള് മെനോപാസ്; മൂന്ന് മാസം കൂടുമ്പോള് പിരീഡ്സ്; ആ സമയത്ത് യോഗ പരിശീലിക്കാന് തുടങ്ങി; യോഗ 40 ദിവസം പൂര്ത്തിയാക്കിയ ശേഷം ഓവര് ബ്ലീഡിംഗ്; കിടക്കയില് മുഴുവനും രക്തമാകും; ജീവന് പോകുന്ന വേദന; കൈ കൊണ്ട് യുട്രസ് എടുത്ത് കളയാന് തോന്നി; ഇപ്പോള് 54 വയസ്സായി; 17 വര്ഷമായി ഒറ്റയ്ക്കുള്ള ജീവിതം; നടി ഐഎശ്വര്യ ഭാസ്കര് ജീവിതം പറയുമ്പോള്
നടി പ്രിയാ ലാലിന് വിവാഹം; ബ്രിട്ടീഷ് വംശജനായ ഡേവിഡ് പ്രണയാഭ്യര്ത്ഥന നടത്തുന്ന വീഡിയോയുമായി നടി;ജനകനില് സുരേഷ് ഗോപിയുടെ മകളായി എത്തിയ യുകെ മലയാളിയായ നടിയുടെ വിവാഹം അടുത്ത വര്ഷം