മാമന്നന്റെ ഗംഭീര വിജയത്തിന് ശേഷം ഫഹദ് ഫാസിലും വടിവേലുവും ഒന്നിക്കുന്ന ചിത്രത്തിന് മാരീശന്‍ എന്ന് പേരിട്ടു. സൂപ്പര്‍ ഗുഡ് ഫിലിംസ് നിര്‍മ്മിക്കുന്ന സിനിമയുടെ ടൈറ്റില്‍ അനൗണ്സ്മെന്റ് പോസ്റ്റര്‍ അണിയറ പ്രവര്‍ത്തകര്‍ പുറത്തിറക്കി.റോഡ് മൂവിയായ മാരീശന്‍ സുധീഷ് ശങ്കര്‍ സംവിധാനം ചെയ്യുന്നു.
ഒരു മാനിന്റെ തല ഉള്‍പ്പെടുന്നതാണ് പോസ്റ്റര്‍.ദിലീപ് നായകനായ വില്ലാളി വീരന്‍ എന്ന ചിത്രത്തിന്റെ സംവിധായകനാണ് സുധീഷ് ശങ്കര്‍. കലൈശെല്‍വന്‍ ഛായാഗ്രഹണവും ശ്രീജിത് സാരംഗ് എഡിറ്റിംഗും നിര്‍വഹിക്കുന്നു. യുവന്‍ ശങ്കര്‍ രാജയാണ് സംഗീതം. മാരിസെല്‍വരാജ് സംവിധാനം ചെയ്ത മാമന്നന്‍ പോയവര്‍ഷത്തെ വിജയ ചിത്രങ്ങളില്‍ ഒന്നാണ്.
ഇടവേളയ്ക്കുശേഷം വടിവേലു അഭിനയിച്ച ചിത്രം കൂടിയാണ് മാമന്നന്‍.വടിവേലു അവതരിപ്പിച്ച മാമന്നന്റെ മകനായി ഉദയനിധി സ്റ്റാലിന്‍ എത്തിയിരുന്നു. രത്നവേലു എന്ന പ്രതിനായക കഥാപാത്രത്തെയാണ് ഫഹദ് ഫാസില്‍ അവതരിപ്പിച്ചത്.അതേസമയം ഫഹദ് ഫാസില്‍ നായകനായി സൂപ്പര്‍ ഗുഡ് ഫിലിംസ് നിര്‍മ്മിച്ച് ഹനുമാന്‍ ഗിയര്‍ എന്ന ചിത്രം സംവിധാനം ചെയ്യാന്‍ സുധീഷ് ശങ്കര്‍ തീരുമാനിച്ചിരുന്നു. ബഡ്ജറ്റ് കൂടുതലായതിനാല്‍ തത്കാലം മാറ്റിവച്ചിരിക്കുകയാണ്.
Premium Lifestyle and Entertainment website
ബോളിവുഡ് നടി ഷസാന്‍ പദംസി വിവാഹിതയാകുന്നു;വ്യവസായിയായ ആശിഷ് കനകിയയുമായി നടന്ന വിവാഹഹനിശ്ചയ ചിത്രങ്ങള്‍ പങ്കിട്ട് താരം
ആദ്യത്തെ അര മണിക്കൂര്‍ പ്രശ്‌നമുണ്ട്;ശബ്ദ കോലാഹാലമുണ്ട്; നെഗറ്റീവ് റിവ്യു കാണുമ്പോള്‍ അത്ഭുതപ്പെടുന്നു;കങ്കുവ എന്നത് ഒരു ദൃശ്യവിരുന്നാണ്; പോസ്റ്റുമായി ജ്യോതിക