2023 ലെ ഏറ്റവും വലിയ ഹിറ്റ് ചിത്രങ്ങളില്‍ ഒന്നായ രോമാഞ്ചത്തിന് ശേഷം സംവിധായകന്‍ ജിത്തു മാധവന്‍ സംവിധാനം ചെയ്യുന്ന ഏറ്റവും പുതിയ സിനിമയാണ് ആവേശം. ഏപ്രില്‍ 11ന് ആണ് ചിത്രം തിയറ്ററുകളിലെത്തുന്നത്. ഫഹദ് ഫാസില്‍ നായകനാവുന്ന ഈ ചിത്രത്തിന്റെ പ്രൊമോഷന്റെ ഭാഗമായി ചിത്രത്തിന്റെ ടീമില്‍ ഉള്ളവരെല്ലാം ആലുവ യുസി കോളേജില്‍ എത്തിയ oru വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്.
സിനിമയുടെ പ്രമോഷന് പരിപാടിയില്‍ പങ്കെടുക്കാനാണ് ഫഹദും സംഗീത സംവിധായകന്‍ സുഷിന്‍ ശ്യാമും അടക്കമുള്ള അണിയറക്കാര്‍ യുസി കോളേജിലെത്തിയത്. സുഷിന്‍ ശ്യാം സംഗീതം നല്‍കിയ ചിത്രത്തിലെ ഗലാട്ട എന്ന ഗാനത്തിന് വിദ്യാര്‍ഥികള്‍ക്കൊപ്പം ഫഹദ് നൃത്തം ചെയ്തതോടെ സദസ് ഇളകിമറിഞ്ഞു.
ഒരുപാട് പാരമ്പര്യവും സുഹൃത്തുക്കളുമുള്ള ഇടമാണ് യുസി കോളേജ് എന്ന് ഫഹദ് പറഞ്ഞു. വേദിയില്‍ നിന്ന് ഷമ്മി..ഷമ്മി എന്ന വിളി ഉയര്‍ന്നപ്പോള്‍ ആവേശത്തിലെ രംഗണ്ണന്റെ 'എട മോനെ' എന്ന വൈറല്‍ ഡയലോഗ് പറഞ്ഞ് ഫഹദ് കൈയ്യടി നേടി.
അന്‍വര്‍ റഷീദ് എന്റര്‍ടൈന്‍മെന്റ്സിന്റെ ബാനറില്‍ അന്‍വര്‍ റഷീദും ഫഹദ് ഫാസില്‍ ആന്‍ഡ് ഫ്രണ്ട്സിന്റെ ബാനറില്‍ നസ്രിയ നസീമും ചേര്‍ന്നാണ് ആവേശം നിര്‍മിക്കുന്നത്. കോളേജ് പിള്ളേരും അവരെ സഹായിക്കാനെത്തുന്ന ഗുണ്ടയുടെയും കഥ പറയുന്ന 'ആവേശം', 'രോമാഞ്ചം' സിനിമ പോലെ തന്നെ റിയല്‍ ലൈഫ് സംഭവങ്ങളില്‍ നിന്ന് പ്രചോദനം ഉള്‍ക്കൊണ്ടാണ് ഒരുക്കിയിരിക്കുന്നത്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം