നടി നിത്യ മേനോന്റെയും നടന്‍ ജോണ്‍ കൊക്കന്റെയും വിവാഹ ചിത്രങ്ങള്‍ ആണ് സോഷ്യല്‍ മീഡിയയില്‍ വൈറലാകുന്നത്. സംഭവം കണ്ട് ആദ്യം ആരാധകര്‍ അമ്പരന്നെങ്കിലും ഇത് പുതിയ ചിത്രത്തിലെ വേഷമാണെന്ന് വ്യക്തമാവുകയായിരുന്നു.
മോഡലിങ് ലോകത്ത് നിന്ന് അഭിനയത്തിലേക്ക് വന്ന നടനാണ് ജോണ്‍ കൊക്കന്. തമിഴിലും തെലുങ്കിലും കന്നടയിലും മലയാളത്തിലുമെല്ലാമായി നിരവധി സിനിമകള്‍ ചെയ്തിട്ടുണ്ട്. എന്നാല്‍ പലപ്പോഴും നെഗറ്റീവ് ഷേഡിലുള്ള വില്ലന്‍ വേഷങ്ങള്‍ തന്നെയാണ് കൊക്കനെ തേടിയെത്തുന്നത്
നിത്യ മേനോനും രവി മേനോനും പ്രധാന കഥാപാത്രങ്ങളായി എത്തിയ കാതലിക്ക നേരമില്ലൈ എന്ന ചിത്രത്തിലും ജോണ്‍ കൊക്കന് ഉണ്ട്. നിത്യ മേനോന്റെ പെയര്‍ ആയിട്ടാണ് ചിത്രത്തില്‍ താരം എത്തുന്നത്.
ചില പ്രണയങ്ങള്‍ കാതലിക്ക നേരമില്ല എന്ന സിനിമയിലേത് പോലെ യുനീക്ക് ആയിരിക്കും' എന്ന് ചിത്രങ്ങള്‍ക്കൊപ്പം നടന്‍ ഇന്‍സ്റ്റഗ്രാമില്‍ കുറിച്ചു. ഫോട്ടോയ്ക്ക് താഴെ പ്രശംസകളുമായി ഭാര്യ പൂജ രാമചന്ദ്രനും എത്തി.നിത്യ മേനോന് നന്ദി പറഞ്ഞുകൊണ്ടും ഒരു പോസ്റ്റ് പങ്കുവച്ചിട്ടുണ്ട്. കോ സ്റ്റാര്‍ ആയി നല്‍കിയ പിന്തുണയ്ക്ക് നന്ദി.
നിത്യ മേനോന് അത്രയും സപ്പോര്‍ട്ട് നല്‍കിയില്ലായിരുന്നുവെങ്കില്‍ തനിക്ക് ആ കഥാപാത്രത്തെ ചെയ്യാന്‍ സാധിക്കുമായിരുന്നില്ല എന്നാണ് ജോണ്‍ കൊക്കന് പറയുന്നത്. സംവിധായിക കൃതിക ഉദയനിതിയ്ക്കും ജോണ്‍ കൊക്കന് നന്ദി പറയുന്നുണ്ട്. ഒരു സോഫ്റ്റ് പേഴ്‌സണ്‍ ആയി സ്‌ക്രീനില്‍ ഞാന്‍ വരുമെന്ന് ഒരിക്കലും പ്രതീക്ഷിച്ചിരുന്നില്ല, ഈ സിനിമയിലേക്ക് കാസ്റ്റ് ചെയ്തതിന് നന്ദി- എന്നാണ് സംവിധായികയോട് ജോണ്‍ കൊക്കന് പറയാനുള്ളത്.
Premium Lifestyle and Entertainment website
ഇറ്റ്സ് എ ബേബി ഗേള്‍! ഞങ്ങളുടെ പ്രാര്‍ത്ഥനകള്‍ക്കുളള ഉത്തരം, കുഞ്ഞു മാലാഖ എത്തി; പുതിയ അതിഥിയെത്തിയ സന്തോഷം പങ്കുവെച്ച് അശ്വിന്‍