'ഇത്രയും ചിരിച്ചുകൊണ്ട് സംസാരിച്ചിരുന്ന ഒരാള്ക്ക് ഇങ്ങനെ ചെയ്യാന് കഴിയുമോ?' - സോഷ്യല് മീഡിയ ലോകം മുഴുവന് ഇപ്പോള് ഈ ഒരു ചോദ്യത്തിന് മുന്നിലാണ്. ഇന്സ്റ്റഗ്രാം റീലുകളിലെ കുസൃതികളും കാസര്കോടന് ഭാഷയുടെ തനിമയുമായി മലയാളി മനസ്സുകളില് ഇടംനേടിയ 'ചിന്നു പാപ്പു' എന്ന രേഷ്മ (25) ഇനി ഓര്മ്മ. കാസര്കോട് ആസാദ് നഗറിലെ വാടക ക്വാര്ട്ടേഴ്സില് രേഷ്മയെ തൂങ്ങിമരിച്ച നിലയില് കണ്ടെത്തുമ്പോള് ബാക്കിയാകുന്നത് ലക്ഷക്കണക്കിന് ആരാധകരുടെ കണ്ണീരും ഒപ്പം ഉത്തരമില്ലാത്ത ഒരുപിടി ചോദ്യങ്ങളുമാണ്.
തിങ്കളാഴ്ച ഉച്ചയോടെയാണ് കേരളത്തെ നടുക്കിയ ആ വാര്ത്ത പുറത്തുവരുന്നത്. രാവിലെ ജോലിക്ക് പോയ ആണ്സുഹൃത്ത് പലതവണ ഫോണ് വിളിച്ചിട്ടും രേഷ്മ പ്രതികരിച്ചില്ല. ഉച്ചയ്ക്ക് രണ്ട് മണിയോടെ ആധി കയറി മറ്റൊരു സുഹൃത്തിനൊപ്പം ക്വാര്ട്ടേഴ്സിലെത്തിയ ഇയാള് കണ്ടത് ഫാനില് തൂങ്ങിനില്ക്കുന്ന രേഷ്മയെയാണ്. ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മരണവാര്ത്ത അറിഞ്ഞ് പരിസരവാസികള് എത്തിയപ്പോള് അലമുറയിട്ട് കരയുന്ന സുഹൃത്തിനെയാണ് കണ്ടത്.
ചിരിക്ക് പിന്നിലെ കനല്; കലഹങ്ങള് പതിവായിരുന്നോ?
രണ്ട് ലക്ഷത്തിലധികം ഫോളോവേഴ്സ്, പ്രമോഷന് വീഡിയോകള്, തിരക്കേറിയ സോഷ്യല് മീഡിയ ജീവിതം പുറമെ നിന്ന് നോക്കുന്നവര്ക്ക് ഇതെല്ലാം സന്തോഷമായിരുന്നെങ്കിലും രേഷ്മയുടെ വ്യക്തിജീവിതം കടുത്ത പ്രതിസന്ധികളിലൂടെയാണ് കടന്നുപോയിരുന്നത്. ആദ്യ വിവാഹബന്ധം വേര്പെടുത്തുന്നതിനുള്ള നടപടികള് കോടതിയില് നടന്നുവരികയായിരുന്നു. നാല് വയസ്സുള്ള ഏക മകന് രേഷ്മയുടെ പിതാവിനൊപ്പമാണ് താമസം.
വിവാഹബന്ധം വേര്പെടുത്തിയ ശേഷം ആസാദ് നഗറിലെ ക്വാര്ട്ടേഴ്സില് ആണ്സുഹൃത്തിനൊപ്പമായിരുന്നു താമസം. എന്നാല് കഴിഞ്ഞ കുറച്ചുദിവസങ്ങളായി ഇരുവരും തമ്മില് കടുത്ത കലഹങ്ങള് നടന്നിരുന്നതായി അയല്വാസികള് മൊഴി നല്കിയിട്ടുണ്ട്. ഈ മാനസിക സമ്മര്ദ്ദമാണോ ആത്മഹത്യയിലേക്ക് നയിച്ചത് എന്നാണ് പോലീസ് പരിശോധിക്കുന്നത്.
അന്വേഷണം സുഹൃത്തിലേക്ക്; ഫോണ് രേഖകള് നിര്ണ്ണായകം
വിദ്യാനഗര് പോലീസ് സംഭവത്തില് വിശദമായ അന്വേഷണം ആരംഭിച്ചു. രേഷ്മയുടെ ആണ്സുഹൃത്തിനെ പോലീസ് മണിക്കൂറുകളോളം ചോദ്യം ചെയ്തു.
ഇരുവരും തമ്മില് ഒടുവില് സംസാരിച്ചത് എപ്പോഴാണ്?ആത്മഹത്യയ്ക്ക് പ്രേരിപ്പിക്കുന്ന തരത്തിലുള്ള എന്തെങ്കിലും തര്ക്കങ്ങള് നടന്നോ?
അവസാനമായി രേഷ്മ ആര്ക്കൊക്കെ മെസ്സേജ് അയച്ചു? ഇത്തരം കാര്യങ്ങള് കണ്ടെത്താന് രേഷ്മയുടെയും സുഹൃത്തിന്റെയും ഫോണ് രേഖകള് പോലീസ് ശാസ്ത്രീയ പരിശോധനയ്ക്ക് വിധേയമാക്കുകയാണ്. ആത്മഹത്യാ പ്രേരണാ കുറ്റം ചുമത്തണോ എന്ന കാര്യത്തില് തെളിവുകള് ലഭിച്ച ശേഷം തീരുമാനമെടുക്കും.
പാചക വീഡിയോകളും യാത്രാവിശേഷങ്ങളുമായി എപ്പോഴും പോസിറ്റിവിറ്റി പങ്കുവെച്ചിരുന്ന ഒരാള്ക്ക് എങ്ങനെ ഇത്തരമൊരു കടുത്ത തീരുമാനമെടുക്കാന് കഴിഞ്ഞു എന്ന ഞെട്ടലിലാണ് സഹപ്രവര്ത്തകരും ആരാധകരും. കാസര്കോട് ആദൂര് ആലന്തടുക്കയിലെ ഗംഗാധരന്റെ മകള് രേഷ്മ, ഇനി സോഷ്യല് മീഡിയയിലെ മാറാത്ത ഒരു നീറ്റലായി അവശേഷിക്കും.
Premium Lifestyle and Entertainment website
ആ നൃത്തം ചെയ്തത് ആര്ത്തവ വേദന കടിച്ചുപിടിച്ച്'; അസ്ഥികള് വരെ വേദനിച്ചു; ഷൂട്ടിംഗിന് ശേഷം നിയന്ത്രണം വിട്ട് കരഞ്ഞു; 'ധുരന്ധറി'ലെ ഗ്ലാമര് പ്രകടനത്തിന് പിന്നിലെ കഥ തുറന്ന് പറഞ്ഞ് അയേഷ ഖാന് 
ജയറാമിന് ഇഡി നോട്ടീസ്; ഉണ്ണികൃഷ്ണന് പോറ്റിയുമായുള്ള ബന്ധത്തിലും സാമ്പത്തിക ഇടപാടുകളിലും നടന് വിശദീകരണം നല്കേണ്ടി വരും; അടുത്ത ആഴ്ച കൊച്ചിയിലെ ഇഡി ഓഫീസില് ഹാജരാകണം; മൊഴി എടുക്കല് നടന്റെ കൂടി സൗകര്യം പരിഗണിച്ച്