നടന്‍ സിദ്ദിഖ് അമ്മ സംഘടനയുടെ സെക്രട്ടറി സ്ഥാനം ഒഴിഞ്ഞപ്പോള്‍ വൈറലായത് ബീനാ ആന്റണിയുടെ ഒരു വീഡിയോയായിരുന്നു. നടി അദ്ദേഹത്തെ കെട്ടിപ്പിടിച്ചു കരയുന്നതും ആശ്വസിപ്പിക്കുന്നതുമെല്ലാമായിരുന്നു ആ ദൃശ്യങ്ങളില്‍ ഉണ്ടായിരുന്നത്. എന്നാല്‍, മകന്‍ സാപ്പിയുടെ വേര്‍പാടിനു ശേഷം അദ്ദേഹത്തെ കണ്ടപ്പോള്‍ സംസാരിച്ച വീഡിയോയാണ് അതെന്ന സത്യം വെളിപ്പെടുത്തി ബീനാ ആന്റണി രംഗത്തു വരികയും ചെയ്തിരുന്നു.
ഇപ്പോഴിതാ, കഴിഞ്ഞ ദിവസം ഉണ്ടായ ഒരു നടിയുടെ വെളിപ്പെടുത്തലില്‍ തന്നെ കുറിച്ചുണ്ടായ മോശം പരാമര്‍ശത്തിനെതിരെ പ്രതികരിച്ചിരിക്കുകയാണ് ബീനാ ആന്റണി. ബീനാ ആന്റണി ലൈവില്‍ വരികയും നടിയ്ക്കെതിരെ കേസ് കൊടുക്കാന്‍ ഒരുങ്ങുകയാണെന്ന കാര്യവും വെളിപ്പെടുത്തിയരിക്കുകയാണ് ഇപ്പോള്‍.
തനിക്കെതിരെ വാസ്തവ വിരുദ്ധമായ ആരോപണങ്ങള്‍ ഉന്നയിച്ച നടി മീനു മുനീറിനെ നിയമപരമായി നേരിടുമെന്നാണ് നടി ബീന ആന്റണി പ്രതികരിച്ചത്. ഇന്‍ഡസ്ട്രിയില്‍ വന്ന കാലം മുതല്‍ അവസരങ്ങള്‍ക്ക് വേണ്ടി ആരുടെയും പിന്നാലെ പോയിട്ടില്ലെന്നും ഇപ്പോള്‍ പലതും വിളിച്ചു പറയുന്ന സ്ത്രീകളെപ്പോലെ അല്ല തനിക്ക് അവസരങ്ങള്‍ കിട്ടിയതെന്നും ബീനാ ആന്റണി പറയുന്നു. ഇന്‍സ്റ്റാഗ്രാം പേജില്‍ പങ്കുവച്ച വിഡിയോയിലൂടെയാണ് നടിയുടെ പ്രതികരണം.
നേരത്തെ ബീന ആന്റണിയുടെ ഭര്‍ത്താവ് മനോജ് ഒരു വിഡിയോയില്‍ മീനു മുനീറിനെ വിമര്‍ശിച്ചെത്തിയിരുന്നു. ഇതിനു മറുപടിയായി, 'ഭാര്യ എന്ത് ചെയ്താലും കുഴപ്പമില്ല, മറ്റുള്ള സ്ത്രീകളെ പറയാന്‍ നടക്കുകയാണ് ഇയാള്‍' എന്നാണ് മീനു മുനീര്‍ പറഞ്ഞത്. മനോജിന്റെ ഭാര്യയുടെ പല കഥകളും തനിക്കറിയാമെന്നും വേണമെങ്കില്‍ വിഡിയോ പങ്കുവയ്ക്കാമെന്നും മീനു മുനീര്‍ പറഞ്ഞിരുന്നു. ഇതിനെതിരെയാണ് ഇപ്പോള്‍ ബീനാ ആന്റണി രംഗത്തു വന്നിരിക്കുന്നത്.
ബീന ആന്റണിയുടെ വാക്കുകള്‍:
ഞാനിപ്പോള്‍ വന്നത് ഒരു പുതിയ സംഭവത്തെക്കുറിച്ച് സംസാരിക്കാനാണ്. ഒരു വിഡിയോ പുതിയതായിട്ട് ഇറങ്ങിയിട്ടുണ്ട്. അതില്‍ എന്റെ പേര് പറഞ്ഞ് എന്നെ മെന്‍ഷന്‍ ചെയ്തുകൊണ്ട് വളരെ മോശമായിട്ട് ഒരു ഓഡിയോ ക്ലിപ്പ് പുറത്തിറക്കിയിരിക്കുകയാണ്. ഹേമ കമ്മിഷനും അതുമായിട്ട് ബന്ധപ്പെട്ട ചൂടു പിടിച്ചിട്ടുള്ള കുറെ കാര്യങ്ങളൊക്കെ വന്നുകൊണ്ടിരിക്കുകയാണല്ലോ. എല്ലാം നല്ലതിന് തന്നെയാണ്. പക്ഷേ അതിന്റെ ഇടയില്‍ കൂടി നമ്മുടെ ഇന്‍ഡസ്ട്രിയെ തകര്‍ക്കാനും കുറെ ആളുകള്‍ ഇറങ്ങിയിട്ടുണ്ട്. നിങ്ങള്‍ക്ക് വിഡിയോസ് ഒക്കെ കാണുമ്പോഴും അറിയാം. നമ്മള്‍ എല്ലാവരും വളരെ വിദ്യാസമ്പന്നരും പ്രബുദ്ധരുമായ ജനങ്ങളാണ്. നെല്ലും പതിരും ഒക്കെ കണ്ടാല്‍ തിരിച്ചറിയാനൊക്കെ പറ്റും. അതുകൊണ്ട് എന്നെ ആരെങ്കിലും തെറ്റിദ്ധരിക്കുമോ എന്ന സംശയം കൊണ്ടല്ല ഞാന്‍ ഇത് പറയുന്നത്. നമ്മളെ ക്രൂശിക്കാനായിട്ടും നമ്മുടെ പുറകെ കല്ലെറിയാനായിട്ടും കുറെ പേരൊക്കെ നടക്കുന്നുണ്ട്. എന്നെ മനസ്സിലാക്കുന്നവര്‍ അതൊന്നും വിശ്വസിക്കില്ല എന്ന് എനിക്കറിയാം.
നടി ആയിട്ട് അറിയപ്പെടാനായി എനിക്കൊരു പിന്നാമ്പുറക്കഥകളും പറയേണ്ടി വന്നിട്ടില്ല. ബീനാ ആന്റണി ഒരു നടി എന്ന നിലയില്‍ അംഗീകരിക്കപ്പെട്ടിട്ട് വര്‍ഷങ്ങള്‍ കുറെ ആയി. ഞാന്‍ വന്നു കുറച്ചു നാള്‍ കഴിഞ്ഞപ്പോള്‍ തന്നെ എനിക്ക് അംഗീകാരങ്ങള്‍ ഒക്കെ കിട്ടിയതാണ്. സ്റ്റേറ്റ് അവാര്‍ഡ് രണ്ടുമൂന്നു വര്‍ഷം അടുപ്പിച്ച് കിട്ടിയിട്ടുണ്ട്. ഒരു നടി എന്ന നിലയില്‍ വളരെ അഭിമാനത്തോടെയാണ് ഇന്ന് ഇവിടെ നില്‍ക്കുന്നത്. അതല്ലാതെ എന്നെ പറ്റി പറഞ്ഞ ഈ ടീമിനെ പോലെ ഇങ്ങനത്തെ കുറെ പിന്നാമ്പുറക്കഥകള്‍ പറഞ്ഞിട്ട് ആര്‍ട്ടിസ്റ്റ് ആയ ആളല്ല ഞാന്‍.
എന്നെ എന്തൊക്കെയോ തരത്തിലൊക്കെ അവര്‍ മെന്‍ഷന്‍ ചെയ്തിട്ടുണ്ട്. ഞാന്‍ അതിലേക്ക് ഒന്നും കടക്കുന്നില്ല അതൊക്കെ അവരുടെ സംസ്‌കാരം. അവരുടെ ഇതുവരെയുള്ള ജീവിതരീതികള്‍ ഒക്കെ അങ്ങനെ ആയിരിക്കും. അതിലേക്ക് ഒന്നും ഞാന്‍ പോകുന്നില്ല അതൊക്കെ ഓരോരുത്തരുടെ ഇഷ്ടമാണ്. പക്ഷേ എന്നെ ഇങ്ങനെ പറഞ്ഞ സ്ഥിതിക്ക് ഞാന്‍ കേസുമായിട്ട് മുന്നോട്ടു പോകാന്‍ തീരുമാനിച്ചിരിക്കുകയാണ്. ഞാന്‍ അവര്‍ക്കെതിരെ കേസ് കൊടുക്കുകയാണ്. എന്റെ ഭര്‍ത്താവ് മനോജ് ഏതോ ഒരു വീഡിയോയില്‍ അവരെ പേര് പറയാതെ അവരുടെ കാര്യങ്ങള്‍ പറഞ്ഞു എന്ന് പറഞ്ഞു കൊണ്ടാണ് അവരും ഒരാളും കൂടി ഒരു ഓഡിയോ ക്ലിപ്പും പിന്നെ ഫേസ്ബുക്കിലും വളരെ മോശമായിട്ട് എന്നെപ്പറ്റി പറഞ്ഞിട്ടുണ്ട്. 33 വര്‍ഷമായി ഇന്‍ഡസ്ട്രിയില്‍ ഉള്ള ആളാണ് ഞാന്‍. ഇത്രയും വര്‍ഷം ഞാന്‍ ഒരു ജോലിയുമില്ലാതെ നിന്നിട്ടില്ല. വേറെ എന്തെങ്കിലും വഴികളില്‍ കൂടിയൊക്കെ എന്റെ കുടുംബം പോറ്റേണ്ട അവസ്ഥ എനിക്ക് ഉണ്ടായിട്ടില്ല. ഗര്‍ഭിണിയായിരുന്ന ഒന്നര മാസമാണ് ഞാന്‍ ആകെ റെസ്റ്റ് എടുത്തിരിക്കുന്നത്. അത്രയേറെ വര്‍ക്കുകള്‍ എനിക്ക് ദൈവാനുഗ്രഹം കൊണ്ട് കിട്ടിയിട്ടുണ്ട് ഇപ്പോഴും കിട്ടുന്നുണ്ട്. എനിക്ക് ഒരു ബുദ്ധിമുട്ടും ഉണ്ടായിട്ടില്ല.
തപസ്യ എന്ന സീരിയല്‍ കഴിഞ്ഞ് എനിക്ക് ടൈഫോയ്ഡ് പിടിച്ച് ഹോസ്പിറ്റലില്‍ അഡ്മിറ്റ് ആയിട്ട് ഹോസ്പിറ്റലില്‍ നിന്ന് വീട്ടില്‍ വന്നപ്പോള്‍ എന്നെ നേരെ വയലാര്‍ മാധവന്‍ കുട്ടി സാറിന്റെ വര്‍ക്ക് ചെയ്യാനാണ് വിളിച്ചു കൊണ്ടുപോയത്. അത്രയ്ക്ക് തിരക്കുള്ള ആളായിരുന്നു ഞാന്‍. ഇപ്പോഴും ദൈവാനുഗ്രഹം കൊണ്ട് എനിക്ക് വര്‍ക്ക് കിട്ടുന്നുണ്ട്. ഇതിന്റെ ഇടയില്‍ നിന്ന് ഞാന്‍ എന്തിന് വേറെ കുറുക്കുവഴികളില്‍ കൂടി എന്റെ കുടുംബത്തെ നോക്കണം. അത്രയേറെ വര്‍ക്കുകളും പ്രോഗ്രാമുകളും ഷോകളും ഒക്കെ ആയിട്ട് ഞാന്‍ നല്ല അന്തസ്സോടെ കഷ്ടപ്പെട്ട് ജീവിക്കുന്ന ഒരാളാണ്. ഒരു മോശം വഴിയിലും പോയിട്ട് ജീവിക്കേണ്ട ഗതികേട് എനിക്ക് ദൈവം വരുത്തിയിട്ടില്ല. അങ്ങനെ ആരെങ്കിലും പോകുന്നുണ്ടെങ്കില്‍ ഞാന്‍ അവരെ കുറ്റവും പറയുന്നില്ല. അത് അവരുടെ ഗതികേടാവാം അവരുടെ സാഹചര്യം ആവാം. അതൊക്കെ അവരുടെ വിഷയം. ഞാന്‍ ആരെയും കുറ്റം പറയുന്നില്ല. അത് അവരുടെ ജീവിത രീതി ആയിരിക്കും. പക്ഷേ എനിക്ക് അതിന്റെ ആവശ്യമില്ല. സിനിമയില്‍ പ്രവര്‍ത്തിച്ചുകൊണ്ടിരുന്ന ഞാന്‍ പെട്ടെന്ന് തന്നെ സീരിയലിലേക്ക് എത്തി. 'യോദ്ധ', 'വളയം', മമ്മൂക്കയുടെ 'മഹാനഗരം' അങ്ങനെ കുറെ നല്ല സിനിമകള്‍ ചെയ്യാന്‍ കഴിഞ്ഞു. പിന്നെ എന്തിനു ഞാന്‍ ആവശ്യമില്ലാത്ത പരിപാടിക്കൊക്കെ പോണം? എനിക്ക് അതിന്റെ ആവശ്യമില്ലായിരുന്നു. ഇപ്പോഴും ഇല്ല.
അപ്പോള്‍ അതുകൊണ്ട് എന്റെ പൊന്നുമക്കളെ, 'എന്നെ ഈ പറഞ്ഞവര്‍ ഉണ്ടല്ലോ' അങ്ങനെയൊന്നും എന്റെ അടുത്തേക്ക് പറഞ്ഞ് ഒന്നും വരണ്ട. എനിക്ക് നല്ല അന്തസ്സായിട്ട് പറയാനുള്ള വര്‍ക്കുകളും ഉണ്ട്, എന്റെ ജീവിത രീതികളും ഉണ്ട്. എനിക്ക് അങ്ങനെയൊന്നും ഒരു വഴിയില്‍ കൂടിയും പോകണ്ട കാര്യമില്ല. എന്റെ പേരെടുത്ത് പലരും പലതും കുരച്ചിട്ടുണ്ട് അതൊന്നും ഞാന്‍ ശ്രദ്ധിക്കാറില്ല. ഞാന്‍ മരിക്കുമ്പോള്‍ അത് പറഞ്ഞു തീരുമല്ലോ. ഇഷ്ടമുള്ളതു പറയട്ടെ. ഏത് ഞരമ്പുകള്‍ പറഞ്ഞാലും എനിക്കൊന്നുമില്ല. എന്നെ സ്‌നേഹിക്കുന്ന ഒത്തിരി പേരുണ്ടെന്ന് എനിക്കറിയാം. എനിക്ക് നിങ്ങള്‍ തരുന്ന ആത്മവിശ്വാസമാണ് എന്റെ ബലം. ഈ ഇന്‍സ്റ്റാഗ്രാമില്‍ 99% ആള്‍ക്കാരും എന്നെ സപ്പോര്‍ട്ട് ചെയ്യുന്നവരാണ്. എനിക്ക് എന്നെ അറിയുന്നവര്‍ മതി. ബാക്കി ആര് എവിടെ കിടന്ന് എന്ത് കുരച്ചാലും എനിക്ക് ഒരു വിഷയവുമില്ല. എന്റെ കുടുംബം എനിക്ക് പൂര്‍ണ പിന്തുണയുമായി കൂടെയുണ്ട്. അതുകൊണ്ട് ഞാന്‍ അവര്‍ക്കെതിരെ കേസ് ആയി മുന്നോട്ടു പോവുകയാണ്. അവര്‍ എന്ത് അര്‍ത്ഥത്തില്‍ എന്നെ അങ്ങനെ പറഞ്ഞു എന്നുള്ളത് എനിക്കറിയണം. എനിക്ക് അത് തെളിയിച്ചേ പറ്റുള്ളൂ. അതിനുവേണ്ടി ഞാന്‍ കേസിനു പോവുകയാണ്. നിങ്ങള്‍ക്ക് എല്ലാവര്‍ക്കും നന്മ വരട്ടെ.'
ബീന ആന്റണിക്കും ഭര്‍ത്താവിനുമെതിരെ മോശമായ ഭാഷയിലായിരുന്നു മിനു മുനീര്‍ സമൂഹമാധ്യമങ്ങളില്‍ പോസ്റ്റ് പങ്കുവച്ചത്. യോദ്ധ സിനിമ പരാമര്‍ശിച്ചായിരുന്നു മിനുവിന്റെ കുറിപ്പ്. ''ചിറി കോടിപോയിട്ടും പഠിച്ചില്ല. ഇങ്ങനെ വിരലില്‍ എണ്ണാവുന്ന സ്ത്രീകളാണ് നടന്മാര്‍ക്ക് വളം വച്ചു കൊടുത്തത്. ചക്കിക്കൊത്ത ചങ്കരനായ ഭര്‍ത്താവും ആരെ കെട്ടിപ്പിടിച്ചാലും നോ പ്രോബ്ലം. നമുക്ക് ക്യാഷ് കിട്ടിയാല്‍ മതി. പേര്‍സനല്‍ കാര്യം പ്രൈവറ്റ് ആയി പരിഹരിക്കണം. മലയാളികളെ ഊളകളാക്കുന്ന കാപട്യം. ഇതൊന്നും പൊതുവെ ഞാന്‍ മൈന്‍ഡ് ചെയ്യാറില്ല.
പക്ഷേ അവളുടെ കെട്ടിയോന്‍ എനിക്കെതിരെ ഒരു വിഡിയോ ഇട്ടു. ഇതൊക്കെ പറയാന്‍ ഇവന് എന്ത് യോഗ്യത? അവന്റെ ഭാര്യ പത്തരമാറ്റ് തങ്കം എന്ന് ഇത് കാണുമ്പോള്‍ അറിയാം. സ്വന്തം കണ്ണില്‍ തടി കിടക്കുമ്പോള്‍ മറ്റുള്ളവരുടെ കണ്ണിലെ കരട് എടുക്കാന്‍ നോക്കുന്നു സൊ കോള്‍ഡ് ഭര്‍ത്താവ്. ചേട്ടന്‍ ആരെയോ പേടിക്കുന്നു ഈ കുമ്പസാരം മുന്‍കൂര്‍ ജാമ്യം എടുക്കുന്നതുപോലെ അല്ലേ? നാളെ ഇവന്റെ പേര് ആരേലും പറഞ്ഞാല്‍ ആരും വിശ്വസിക്കരുത് എന്ന് മുന്‍കൂര്‍ ജാമ്യം. ഇവന്റെ സീരിയല്‍ നടി ഭാര്യയെ കുറിച്ച് എല്ലാര്‍ക്കും അറിയാവുന്ന രഹസ്യമായ പരസ്യം ആണ്. യോദ്ധ സിനിമയില്‍ നടന്ന കലാപ്രകടനം ഇവിടെ പറയുന്നില്ല. വേണമെങ്കില്‍ വിഡിയോ ഇടാം,'' മീനു മുനീര്‍ കുറിച്ചു. ഇതിനൊപ്പം ഒരു ഓഡിയോ ക്ലിപ്പും പങ്കുവച്ചിരുന്നു.
Premium Lifestyle and Entertainment website
ഒരാള്‍ ബിസിനസിലേക്കും ഒരാള്‍ ഒന്ന് രണ്ടു പ്രോജക്ടിലേക്കും തിരിഞ്ഞതോടെ സമയം തികയാതെ വന്നു;വ്ളോഗ് നിര്‍ത്തി; ദൈവത്തിന്റെ അനുഗ്രഹം കൊണ്ട് ഞങ്ങള്‍ക്ക് ഇടയില്‍ ഉള്ള സ്നേഹവും സൗഹൃദവും അങ്ങനെ തന്നെ ഉണ്ട്;മഞ്ജു പത്രോസും സിമിയും പറയുന്നു
നാനും റൗഡി താന്‍' ചിത്രത്തിലെ ചില രംഗങ്ങള്‍ ഉപയോഗിക്കാന്‍ രണ്ടുവര്‍ഷത്തോളം ധനുഷുമായി ആശയവിനിമയം നടത്തിയെന്ന നയന്‍താരയുടെ അവകാശവാദം തെറ്റ്; നയന്‍താരയ്ക്ക് മറുപടി നല്‍കാന്‍ സമയമില്ല; ചിത്രത്തിന്റെ തിരക്കിലാണ് ധനുഷ്; വിവാദത്തില്‍ പ്രതികരിച്ച് ധനുഷിന്റെ പിതാവ്