ജിത്തു മാധവന്‍- ഫഹദ് ഫാസില്‍ ചിത്രം ആവേശം 50 കോടി ക്ലബില്‍. തിയേറ്ററുകളില്‍ ആവേശം തീര്‍ത്തുകൊണ്ട് 50 കോടിക്കും മേലെ സിനിമ കളക്ട് ചെയ്തു എന്നാണ് അനലിസ്റ്റുകള്‍ റിപ്പോര്‍ട്ട് ചെയ്യുന്നത്. തുടര്‍ച്ചയായ അഞ്ച് ദിവസവും മൂന്ന് കോടിക്കു മുകളില്‍ കളക്ഷനാണ് കേരളത്തില്‍ നിന്നു മാത്രം സിനിമയ്ക്കു ലഭിച്ചത്.
ആദ്യ ദിവസം കേരളത്തില്‍ നിന്ന് 3.5 കോടി വാരിയപ്പോള്‍ ആഗോള കളക്ഷനായി ലഭിച്ചത് 10.57 കോടിയായിരുന്നു. ഞായറാഴ്ച മാത്രം ആഗോള കളക്ഷന്‍ 11 കോടി ആണ്. തമിഴ്‌നാട്ടിലും ഗംഭീര കളക്ഷന്‍. ചിത്രം 100 കോടി ക്ലബ് കയറുമെന്ന് ഉറപ്പാണ്. അങ്ങനെ സംഭവിച്ചാല്‍ ഫഹദിന്റെ ആദ്യ 100 കോടി ചിത്രമായി ആവേശം മാറും. രോമാഞ്ചത്തിനുശേഷം ജിതു മാധവന്‍ സംവിധാനം ചെയ്യുന്ന ചിത്രത്തില്‍ ബാംഗ്ലൂരിലെ അധോലോക നായകന്‍ രംഗന്‍ എന്ന കഥാപാത്രത്തെയാണ് ഫഹദ് ഫാസില്‍ അവതരിപ്പിക്കുന്നത്.
കോളേജ് പിള്ളേരും അവരെ സഹായിക്കാന്‍ എത്തുന്ന ഗുണ്ടയുടെയും കഥ പറയുന്ന ചിത്രത്തില്‍ മന്‍സൂര്‍ അലിഖാന്‍ , ആശിഷ് വിദ്യാര്‍ത്ഥി , സജിന്‍ ഗോപു, പ്രമുഖ മലയാളി ഗെയിമറും യൂട്യൂബറുമായ ഹിപ്‌സറ്റര്‍, മിഥുന്‍ ജെ.എസ്, മിഥുന്‍ സുരേഷ്, റോഷന്‍ ഷാനവാസ്, പൂജ മോഹന്‍രാജ്, നീരജ രാജേന്ദ്രന്‍, തങ്കം തുടങ്ങിയവരാണ് പ്രധാന താരങ്ങള്‍. അന്‍വര്‍ റഷീദ് എന്റര്‍ടെയ്ന്‍മെന്റ്‌സിന്റെ ബാനറില്‍ അന്‍വര്‍ റഷീദും ഫഹദ് ഫാസില്‍ ആന്റ് ഫ്രണ്ട്‌സിന്റെ ബാനറില്‍ നസ്രിയ നസിമും ചേര്‍ന്നാണ് നിര്‍മ്മാണം.
Premium Lifestyle and Entertainment website
സീരിയല്‍ നടന്‍ ദിലീപ് ശങ്കര്‍ മരിച്ച നിലയില്‍; തിരുവനന്തപുരത്തെ ഹോട്ടലില്‍ മരിച്ച നിലയില്‍ കണ്ടെത്തിയത് അമ്മയറിയാതെ, സുന്ദരി തുടങ്ങിയ സീരിയലുകളിലൂടെ ശ്രദ്ധ നേടിയ നടനെ; വിവരം പുറത്തറിഞ്ഞത് മുറിയില്‍ നിന്ന് ദുര്‍ഗന്ധം വമിച്ചതോടെ
വീട്ടുകാരുടെ സമ്മതത്തിന് കാത്തിരുന്നത് 13വര്‍ഷം;പ്രണയം തുടങ്ങിയ നാള്‍ മുതല്‍ കേട്ടത് ഹിന്ദു ചെറുക്കന്‍ അല്ലെ നീ ക്രിസ്റ്റനും എന്ന്;ഇണക്കങ്ങളും പിണകങ്ങളും ഒകെ ആയിട്ടുള്ള നീണ്ട 10,14 വര്‍ഷങ്ങള്‍;ഗീതാഗോവിന്ദത്തിലെ കാഞ്ചനയായി എത്തുന്ന ജോഷിനി തരകന്‍ വിവാഹവിശേഷം പങ്ക് വച്ചതിങ്ങനെ