ഒരു കൂട്ടം സ്വര്‍ണ്ണ മത്സ്യങ്ങളുടെ കഥയുമായി മലയാളത്തിന്റെ പ്രിയപ്പെട്ട ഗ്രാന്റ് മാസ്റ്റര്‍ ജി എസ് പ്രദീപ്...! ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി...!

ഗ്രാന്‍ഡ് മാസ്റ്റര്‍ ജിഎസ് പ്രദീപ് സംവിധായകനായെത്തുന്ന സ്വര്‍ണമത്സ്യങ്ങള്‍ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടു. നടന്‍ ഉണ്ണി മുകുന്ദന്‍ തന്റെ ഫെയ്‌സ്ബുക്ക് പേജിലൂടെയാണ് പോസ്റ്റര്‍ പുറത്ത് വിട്ടത്. മലയാള സിനിമാ ചരിത്രത്തില്‍ ആദ്യമായി ഒരു മുഖ്യമന്ത്രി ഒരു സിനിമയുടെ പൂജ സ്വിച്ച് ഓണ്‍ നിര്‍വഹിച്ചു എന്ന് പ്രത്യേകതയും സിനിമക്കുണ്ട്.

കുട്ടികളിലൂടെ കുടുംബ ബന്ധങ്ങളുടെ കഥ പറയുന്ന ചിത്രമാണ് സ്വര്‍ണ്ണ മത്സ്യങ്ങള്‍. സ്‌കൂള്‍ കലോത്സവ താരങ്ങളായി ചിത്രത്തിലെത്തുന്നവര്‍ തന്നെയാണ് പ്രധാന കഥാപാത്രങ്ങളെന്ന് സംവിധായകന്‍ ജി.എസ് പ്രദീപ് പറഞ്ഞു. സ്‌കൂള്‍ കലോത്സവം താരങ്ങളായ തൃശൂര്‍ സ്വദേശിനി ജെസ്മിയ, കണ്ണൂരുകാരന്‍ വിനില്‍ ഫൈസല്‍ എന്നിവരും സ്വര്‍ണ്ണ മത്സ്യങ്ങളിലൂടെ സിനിമയിലേക്ക് ചുവട് വയ്ക്കുകയാണ്.

സുധീര്‍ കരമന, സിദ്ധിഖ് അടക്കമുള്ള താരനിരയും ചിത്രത്തിലുണ്ട്. ബിജിപാലാണ് സംഗീതം. ചിത്രത്തിന്റെ തിരക്കഥയും സംവിധാനവും ജിഎസ് പ്രദീപ് ഒരുക്കുമ്പോള്‍ വിവ ഇന്‍ എന്‍ പ്രൊഡക്ഷന്‍സിന്റെ ബാനറില്‍ ഉത്തങ്ങ് ഹിതേന്ദ്ര ചിത്രം നിര്‍മ്മിക്കുന്നു. പ്രശസ്ത ക്യാമറാമാന്‍ അഴഗപ്പന്‍ ചായാഗ്രഹണം നിര്‍വഹിക്കുന്നത്.