വര്‍ഷങ്ങളായുള്ള പുകവലി ശീലം ഉപേക്ഷിച്ചു എന്ന് വെളിപ്പെടുത്തി ഷാരൂഖ് ഖാന്. തന്റെ 59-ാം ജന്മദിനത്തോടനുബന്ധിച്ച് സംഘടിപ്പിച്ച മീറ്റ് ആന്‍ഡ് ഗ്രീറ്റ് ചടങ്ങിലാണ് താരത്തിന്റെ വെളിപ്പെടുത്തല്‍.
'' പുകവലി നിര്‍ത്തുന്നതോടെ എന്റെ ശ്വാസതടസ്സം പൂര്‍ണമായി മാറുമെന്ന് പ്രതീക്ഷിച്ചെങ്കിലും, ഇപ്പോഴും ഞാന്‍ അതുമായി പൊരുത്തപ്പെട്ടുവരുന്നതേയുള്ളൂ'' താരം പറഞ്ഞു. താന്‍ ഒരു ദിവസം നൂറോളം സിഗരറ്റുകള്‍ വലിക്കുമായിരുന്നുവെന്ന് ഷാരൂഖ് മുന്‍പ് പല അഭിമുഖങ്ങളിലും പറഞ്ഞിരുന്നു. എന്നാല്‍ ഷാരുഖ് ഖാന്റെ ഈ തീരുമാനം സോഷ്യല്‍ മീഡിയയില്‍ വിമര്‍ശനങ്ങള്‍ക്ക് വഴിവെക്കുന്നുണ്ട്. ആദ്യം, താങ്കള്‍ പാന്‍ മസാല പരസ്യങ്ങളില്‍ അഭിനയിക്കുന്നത് നിര്‍ത്തൂ, ഇത്രയും വര്ഷം പുകവലിച്ചതിന് ശേഷവും ആരോഗ്യത്തോടെ ഇരിക്കാന്‍ താങ്കള്‍ക്ക് കഴിയുമായിരിക്കും, എന്നാല്‍ താങ്കളെ അനുകരിച്ച് പുകവലി ആരംഭിച്ച സാധാരക്കാര്‍ക്ക് കഴിയണമെന്നില്ല എന്ന തരത്തിലാണ് വിമര്‍ശനങ്ങള്‍. വിമല്‍ എന്ന പാന്‍മസാലയുടെ പരസ്യത്തില്‍ ഷാരൂഖ് ഖാന്, അജയ് ദേവ്ഗണ്‍,അക്ഷയ് കുമാര്‍ തുടങ്ങിയവര്‍ ചേര്‍ന്ന് അഭിനയിച്ചത് വലിയ വിവാദമായിരുന്നു.
ഷാരൂഖിന് ഇപ്പോഴെങ്കിലും ഈ ദുശീലം നിര്‍ത്താനും അത് പൊതുവേദിയില്‍ സമ്മതിക്കാനും മനസ്സ് വന്നല്ലോ എന്ന് കമന്റ് ചെയ്ത് പിന്തുണ നല്‍കി ആരാധകരും എത്തിയിട്ടുണ്ട്. മുമ്പ് ഒരു ചിത്രത്തിന്റെ പ്രൊമോഷന് ഇടയില്‍ ഷാരൂഖ് പറഞ്ഞത്, ഒരു മനുഷ്യന് ഉണ്ടാകാവുന്ന ഏറ്റവും മോശം ശീലമാണ് പുകവലി, ഞാനിത് നിര്‍ത്താന്‍ ആത്മാര്‍ത്ഥമായി ആഗ്രഹിക്കുന്നു, എന്റെ ആരാധകരോട് പറയാനുള്ളത്, ദയവായി നിങ്ങള്‍ പുകവലി നിര്‍ത്തൂ എന്നാണ്.
എന്നാല്‍ ആര്‍ഐപി ഷാരൂഖ് ഖാന് എന്ന ഹാഷ്ടാഗ് ആണ് എക്സ് പ്ലാറ്റ്ഫോമില്‍ ട്രെന്‍ഡിങ് ആയികൊണ്ടിരിക്കുന്നത്. എന്നാല്‍ ശരിയായ സ്പെല്ലിങ് അല്ല ഈ ഹാഷ്ടാഗിന് നല്‍കിയിരിക്കുന്നത്..RESTINPEACESUARUKHKHAN എന്ന ഹാഷ്ടാഗോടെയാണ് പോസ്റ്റുകള്‍ എത്തുന്നത്. ഇതിനൊപ്പം ഷാരൂഖിന്റെ ചിത്രങ്ങളും നടന്റെ സിനിമകളിലെ ദൃശ്യങ്ങളും ഉള്‍പ്പെടുത്തിയിട്ടുണ്ട്. ഇതിനൊപ്പം ആര്‍ഐപി സല്‍മാന്‍ ഖാന് എന്ന ഹാഷ്ടാഗുകളും പ്രചരിക്കുന്നുണ്ട്. ......
എല്ലാവര്‍ഷവും ഈ ദിവസം തന്റെ വസതിയായ മന്നത്തിന്റെ ബാല്‍ക്കണിയില്‍ നിന്ന് അദ്ദേഹം ആരാധകരെ കാണാറുണ്ട്. ജന്മദിനത്തിന് മാത്രമല്ല പല വിശേഷ ദിവസങ്ങളിലും ഇത് പതിവാണ്എന്നാല്‍ ഈ വര്ഷം ആരാധകരെ കാണാന്‍ ഷാരൂഖ് ബാല്‍ക്കണിയില്‍ എത്തിയില്ലഅതിന് പകരം മുംബയിലെ ബാലഗന്ധര്‍വ്വ രംഗ് മന്ദിര്‍ സംഘടിപ്പിച്ച പ്രത്യേക പരിപാടിയില്‍ അദ്ദേഹം എത്തി
Premium Lifestyle and Entertainment website
അസത്യമാണ് പ്രചരിക്കുന്നത്;ഒരുറപ്പുമില്ലാത്ത കാര്യങ്ങള്‍ക്ക് മറുപടി പോലും അര്‍ഹിക്കുന്നില്ല;ഊഹാപോഹങ്ങളെല്ലാം അങ്ങനെ അവശേഷിക്കും; ഐശ്വര്യ-അഭിഷേക് വിഷയത്തില്‍ പ്രതികരിച്ച് ബച്ചന്‍
നായകന്‍ വിനായകന്‍, ടോം ഇമ്മട്ടിയുടെ സംവിധാനത്തില്‍ 'പെരുന്നാള്‍' ഒരുങ്ങുന്നു : ചിത്രത്തില്‍ പുതുമുഖങ്ങള്‍ക്കും അവസരം