ബാഹുബലി എന്ന ഒറ്റച്ചിത്രത്തിലൂടെ രാജ്യത്തിനകത്തും പുറത്തും ആരാധകരെ സ്വന്തമാക്കിയ നടനാണ് പ്രഭാസ്. ബാഹുബലിക്ക് മുമ്പ് തന്നെ സിനിമയിലുണ്ടെങ്കിലും ബാഹുബലിയാണ് അദ്ദേഹത്തെ ഇന്ത്യയെമ്പാടും പ്രശസ്തനാക്കിയത്. ഇപ്പോള്‍ തെലങ്കാനയ്ക്ക് പ്രളയക്കെടുതിയില്‍ നിന്നും കരകയറാന്‍ താരം വന്‍ തുക സംഭാവന നല്‍കിയിരിക്കയാണ്.
പ്രളയ ദുരിതം അനുഭവിക്കുന്ന ജനങ്ങള്‍ക്കായി ഒന്നര കോടി രൂപയാണ് തെന്നിന്ത്യന് സൂപ്പര്‍താരം പ്രഭാസ് സംഭാവന നല്കിയത്. തെലങ്കാന മുഖ്യമന്ത്രിയുടെ ദുരിതാശ്വാസ നിധിയിലേക്കാണ് താരം ഒന്നര കോടി നല്കിയത്. നേരത്തെ മഹേഷ് ബാബു, ജൂനിയര്‍ എന്‍ടിആര്‍ ചിരഞ്ജീവി എന്നിവരും വന്‍ തുക സംഭാവന നല്കിയിരുന്നു.
നിര്‍മാതാവ് ബിഎ രാജു ആണ് പ്രഭാസ് പ്രളയ ദുരിതബാധിതര്‍ക്കായി ഒന്നര കോടി രൂപ സംഭാവന നല്കിയതായി അറിയിച്ചത്. തങ്ങളുടെ പ്രിയ താരം വന്‍ സഹായം പ്രഖ്യാപിച്ചത് ആരാധകരെ ആവേശത്തിലാക്കിയിരിക്കുകയാണ് നിരവധി പേരാണ് താരത്തെ പ്രശംസിച്ച് രംഗത്തെത്തിയത്. ഇത് ആദ്യമായിട്ടല്ല ദുരിതകാലത്ത് സഹായം നല്കി പ്രഭാസ് ഞെട്ടിക്കുന്നത്. കോവിഡ് മഹാമാരിയെ ചെറുക്കാന്‍ പ്രധാനമന്ത്രിയുടെ ദുരിതാശ്വാസ നിധിയിലേക്ക് താരം 1 കോടി രൂപ സംഭാവന ചെയ്തിരുന്നു.
ഹൈദരാബാദ് അടക്കമുള്ള നഗരങ്ങളില്‍ പെയ്ത ശക്തമായ മഴയില് നിരവധി പേര് മരിക്കുകയും പലര്‍ക്കും വീടുകള്‍ നഷ്ടപ്പെടുകയും ചെയ്തിരുന്നു. 37,000 കുടുംബങ്ങളെയാണ് പ്രളയം ദുരിതത്തിലാക്കിയത്. ദുരന്ത നിവാരണ സേനയും പൊലീസും ഉള്‍പ്പടെയുള്ളവര് രക്ഷാപ്രവര്‍ത്തനങ്ങള്‍ക്കായി രംഗത്തുണ്ട്. ഇതിനോടകം നിരവധി സൂപ്പര്‍താരങ്ങള് തെലുങ്കാനയ്ക്ക് സഹായവുമായി എത്തിയിട്ടുണ്ട്. മഹേഷ് ബാബുവും ചിരഞ്ജീവിയും ഒരു കോടി രൂപ വീതവും ജൂനിയര്‍ എന്‍ടിആറും നാഗാര്‍ജുനയും 50 ലക്ഷം വീതവും സഹായനിധിയിലേക്ക് കൈമാറിയിരുന്നു. നടന്‍ വിജയ് ദേവരക്കൊണ്ട ഹൈദരാബാദിനെ മലയാളികള്‍ സഹായിക്കണമെന്ന് ആവശ്യപ്പെട്ട് രംഗത്തെത്തിയിരുന്നു. അതേസമയം മലയാളത്തിലെ താരങ്ങള്‍ ഇവരെയൊക്കെ കണ്ട് പഠിക്കണമെന്നാണ് സോഷ്യല്‍മീഡിയ പറയുന്നത്.
കേരളത്തില്‍ പ്രളയമുണ്ടായപ്പോള്‍ മോഹന്‍ലാലും മമ്മൂട്ടിയുമൊക്കെ 25 ലക്ഷം തന്നെപ്പോഴും പ്രഭാസ് ഒരുകോടി കേരളത്തിന് സംഭാവന നല്കിയിരുന്നു.
Premium Lifestyle and Entertainment website
അമേയയെ നെഞ്ചോടടക്കി ജിഷിന്‍; കാത്തിരിപ്പിനൊടുവില്‍ ആ സന്തോഷ വാര്‍ത്ത പുറത്ത്; നടൻ ജിഷിന്റെ വീഡിയോ വൈറൽ 
വിജയകരമായ മൂന്നാം വാരത്തിലേക്ക് "മുറ" ; ഇത് പ്രേക്ഷകർ നൽകിയ വിജയം