തൊട്ടതെല്ലാം പൊന്നാക്കി മാറ്റുന്ന ബ്രഹ്മാണ്ഡ പ്രൊഡക്ഷന്‍ കമ്പനിയായ ലൈക്ക പ്രൊഡക്ഷന്‍സ് സുബാസ്‌കരന്റെ ഓരോ വരവും രാജകീയമാണ്. മികച്ച കഥകള്‍ കണ്ടുപിടിച്ച് പ്രേക്ഷകരിലേക്ക് എത്തിക്കുകയും നിര്‍മിക്കുകയും ചെയ്യുന്ന ലൈക്ക പ്രൊഡക്ഷന്‍സിന്റെ ലൈനപ്പ് ആരെയും ഞെട്ടിക്കുന്നതാണ്. പ്രേക്ഷകര്‍ക്കായി നോണ്‍ സ്റ്റോപ്പ് എന്റര്‍ടെയിനര്‍ സമ്മാനിക്കുക എന്നതാണ് ലൈക്ക പ്രൊഡക്ഷന്‍സ് എപ്പോഴും മുന്നോട്ട് വെക്കുന്ന ആശയം.
പുതിയ യുവാക്കളായ സംവിധായകരെ മുന്നോട്ട് കൊണ്ടുവരുകയും പ്രൊമോട്ട് ചെയ്യുന്നതിലും എപ്പോഴും മുന്നിട്ട് നില്‍ക്കുന്ന ലൈക്ക പ്രൊഡക്ഷന്‍സ് ഇപ്പോഴിതാ ഏറ്റവും പുതിയ പ്രോജക്ട് പുറത്തുവിടുകയാണ്. ജേസന്‍ സഞ്ജയ് വിജയ് ചിത്രം സംവിധാനം ചെയ്യും.
ലൈക്ക പ്രൊഡക്ഷന്‍സ് നിര്‍മാതാവ് എ. സുബാസ്‌കരന്റെ വാക്കുകള്‍ ഇങ്ങനെ 'ലൈക്ക പ്രൊഡക്ഷന്‍സ് എപ്പോഴും പുതിയ യുവാക്കളായ സിനിമ മോഹികളെ പ്രോത്സാഹിപ്പിക്കാന്‍ മുന്നിട്ട് ഇറങ്ങാറുണ്ട്. ഞങ്ങളുടെ അടുത്ത ചിത്രം ജേസന്‍ ജോസഫ് വിജയ് സംവിധാനം ചെയ്യാന്‍ ഒരുങ്ങുന്നു. വ്യത്യസ്തമായ കഥയാണ് ചിത്രത്തില്‍ ഒരുങ്ങുന്നത്. ലണ്ടനില്‍ BA സ്‌ക്രീന്‍ റൈറ്റിങ്ങ് പഠിച്ച ജേസന്‍ ടോറോന്റോ ഫിലിം സ്‌കൂളില്‍ ഫിലിം പ്രൊഡക്ഷന്‍ ഡിപ്ലോമ കോഴ്സും ചെയ്തു. സിനിമയെക്കുറിച്ച് മുഴുവന്‍ ഗ്രാഹ്യവും ജേസനുണ്ട്. എല്ലാ സിനിമ സംവിധായകര്‍ക്കും അത് ഉണ്ടാവണം. ഞങ്ങള്‍ ജേസനുമായുള്ള മനോഹരമായ വര്‍ക്കിങ്ങ് നിമിഷങ്ങള്‍ക്കായി കാത്തിരിക്കുന്നു. ചിത്രത്തില്‍ പുതുമുഖ താരങ്ങള്‍ അണിനിരക്കും. മുന്‍നിര അണിയറപ്രവര്‍ത്തകരുമായി സംസാരിക്കുകയാണ് ഞങ്ങള്‍'.
സംവിധായകന്‍ ജേസന്‍ സഞ്ജയ് വിജയ് യുടെ വാക്കുകള്‍ ഇങ്ങനെ 'ലൈക്ക പ്രൊഡക്ഷന്‍സുമായി ചേര്‍ന്ന് എന്റെ ആദ്യ സിനിമ ചെയ്യുന്നത് ഭാഗ്യമായി കാണുന്നു. ഒരുപാട് പുതുമുഖ താരങ്ങള്‍ ചിത്രത്തില്‍ അണിനിരക്കും. ലൈക്ക പ്രൊഡക്ഷന്‍സിന് എന്റെ തിരക്കഥ ഇഷ്ടപ്പെടുകയും ചിത്രത്തിന് എനിക്കായി മുഴുവന്‍ സ്വാതന്ത്ര്യവും തന്നു. സുബാസ്‌കരന്‍ സാറിനോട് ഞാന്‍ എന്റെ നന്ദി അറിയിക്കുന്നു. സംവിധായകന്‍ ആകണമെന്ന എന്റെ സ്വപ്നം സാക്ഷാത്കരിച്ചതിന് തമിഴ് കുമരന്‍ സാറിനോടും ഞാന്‍ എന്റെ നന്ദി അറിയിക്കുന്നു.' പി ആര്‍ ഒ - ശബരി
Premium Lifestyle and Entertainment website
അയ്യങ്കാളിയുടെ കഥ പറയുന്ന കതിരവന് തുടക്കം; ചിത്രത്തില്‍ മമ്മൂട്ടിക്ക് പകരം നായകനാകുക സൂപ്പര്‍താരമെന്ന് സൂചന; ബ്രഹ്മാണ്ഡ ചിത്രമായി അണിയിച്ചൊരുക്കുന്ന ചിത്രത്തില്‍ തമിഴ് ഹിന്ദി താരങ്ങളും
തമിഴ് സിനിമ-സീരിയല്‍ നടന്‍ കുഴഞ്ഞു വീണു മരിച്ചു; ദാരുണാന്ത്യം മൂന്നാര്‍ ഇക്കാ നഗറില്‍ കെ സുബ്രഹ്മണ്യന്; സംഭവം സിപിഎം ഇടുക്കി ജില്ലാ സമ്മേളനത്തില്‍ പങ്കെടുത്ത് മടങ്ങവെ