പ്രമുഖ സംവിധായകന്‍ പ്രിയനന്ദനന്‍ ലാലിനെ നായകനാക്കി ഒരുക്കിയ സൈലന്‍സര്‍ തിയേറ്ററിലേക്ക്. രാജ്യാന്തര ചലച്ചിത്ര മേളയായ ഐ എഫ് എഫ് കെ യില്‍ പ്രേക്ഷകശ്രദ്ധ നേടിയ സൈലന്‍സര്‍ 24 ന് റിലീസ് ചെയ്യും. ബെന്‍സി പ്രൊഡക്ഷന്‍സിന്റെ ബാനറില്‍ ബെന്‍സി നാസറാണ് ചിത്രം നിര്‍മ്മിക്കുന്നത്.
പ്രശസ്ത സാഹിത്യകാരന്‍ വൈശാഖന്റെ 'സൈലന്‍സര്‍' എന്ന ജനപ്രീതിയാര്‍ജ്ജിച്ച ചെറുകഥയെ ആധാരമാക്കിയാണ് ഈ സിനിമ. വാര്‍ദ്ധക്യത്താല്‍ ഒറ്റപ്പെട്ട് പോയിട്ടും ജീവിത സാഹചര്യങ്ങളോടു പൊരുതി മുന്നേറുന്ന മൂക്കോടന്‍ ഈനാശുവിന്റെ( ലാല്‍) ജീവിതമാണ് സൈലന്‍സറിന്റെ ഇതിവൃത്തം. കരുത്തിന്റെയും അതിജീവനത്തിന്റെയും പ്രതീകമാണ് മൂക്കോടന്‍ ഈനാശു.ത്രേസ്സ്യ(മീരാ വാസുദേവ്)യാണ് ഈനാശുവിന്റെ ഭാര്യ. മകന്‍ സണ്ണി (ഇര്‍ഷാദ്) ചിത്രത്തില്‍ ഇവര്‍ പ്രധാന കഥാപാത്രങ്ങളെ അവതരിപ്പിക്കുന്നു.
പഴയ തലമുറയുടെയും പുതിയ തലമുറയുടെയും അഭിരുചികളും പൊരുത്തക്കേടുകളുമാണ് ചിത്രം ചര്‍ച്ച ചെയ്യുന്നത്. മനുഷ്യജീവിതത്തിലെ സംഘര്‍ഷങ്ങളും സാമൂഹിക യാഥാര്‍ത്ഥ്യങ്ങളുമാണ് ചിത്രം ചര്‍ച്ച ചെയ്യുന്നതെങ്കിലും പ്രേക്ഷകരെ രസിപ്പിക്കുന്ന ഒട്ടേറെ മുഹൂര്‍ത്തങ്ങള്‍ ഒരുക്കുന്ന സിനിമ കുടുംബപ്രേക്ഷകര്‍ സ്വീകരിക്കുമെന്ന് സംവിധായകന്‍ പ്രിയനന്ദനന്‍ ചൂണ്ടിക്കാട്ടുന്നു. നല്ല രീതിയിലുള്ള സമ്പത്തുണ്ടെങ്കിലും വീട്ടുകാര്‍ ഈനാശുവിനെ അകറ്റി നിര്‍ത്തിയിരിക്കുകയാണ്. ഒരു മകനുണ്ടെങ്കിലും അയാളുമായി അത്ര സുഖത്തിലല്ല. ഈനാശുവിന് എല്ലാം അയാളുടെ പഴയ രാജദൂത് സ്‌ക്കൂട്ടറാണ്. അതിലാണ് യാത്ര മുഴുവനും. കുടുംബത്തില്‍ നിന്നുള്ള ഒറ്റപ്പെടലില്‍ ഈനാശു അഭയം കാണുന്നത് കഠിനമായ ശബ്ദത്തോടെ സ്‌ക്കൂട്ടറിലുള്ള സവാരിയാണ്. പ്രായമായവരുടെ ഒറ്റപ്പെടലിന്റെ കടുത്ത വേദനയും സൈലന്‍സര്‍ വരച്ചുകാട്ടുന്നുണ്ട്.
തൃശ്ശൂരിന്റെ പ്രാദേശിക ഭാഷയും സംസ്‌ക്കാരവും ഈ ചിത്രത്തിന്റെ മറ്റൊരു പ്രത്യേകത. പ്രിയനന്ദനന്റെ 'പാതിരാക്കാല'ത്തിന് തിരക്കഥയും സംഭാഷണവും ഒരുക്കിയ പി.എന്‍ ഗോപീകൃഷ്ണനാണ് സൈലന്‍സിന്റെ തിരക്കഥയും സംഭാഷണവും നിര്‍വ്വഹിച്ചിട്ടുള്ളത്. പ്രിയനന്ദനന്റെ മകന്‍ അശ്വഘോഷനാണ് ചിത്രത്തിന്റെ ക്യാമറ ചലിപ്പിച്ചത്. ലാല്‍, ഇര്‍ഷാദ്, രാമു, ബിനോയ് നമ്പോല, മീരാവാസുദേവ്, സ്‌നേഹാ ദിവാകരന്‍, പാര്‍ത്ഥസാരഥി, ജയരാജ് വാര്യര്‍ എന്നിവരാണ് അഭിനേതാക്കള്‍. കലാസംവിധാനം - ഷെബീറലി, പ്രൊഡക്ഷന്‍ കണ്‍ട്രോളര്‍ - ഷാജി പട്ടിക്കര, മേയ്ക്കപ്പ് - അമല്‍, വസ്ത്രാലങ്കാരം - രാധാകൃഷ്ണന്‍ മങ്ങാട്, പ്രൊഡക്ഷന്‍ എക്‌സിക്യൂട്ടീവ് - നസീര്‍ കൂത്തുപറമ്പ്, പ്രൊഡക്ഷന്‍ മാനേജര്‍ - പ്രേംജി പിള്ള, പശ്ചാത്തല സംഗീതം - ബിജിബാല്‍, സ്റ്റില്‍സ് - അനില്‍ പേരാമ്പ്ര, പി.ആര്‍.ഒ- പി.ആര്‍.സുമേരന്‍, അസോസിയേറ്റ് ഡയറക്ടര്‍ - സബിന്‍ കാട്ടുങ്ങല്‍, സംവിധാന സഹായികള്‍- ബിനോയ് മാത്യു, കൃഷ്ണകുമാര്‍ വാസുദേവന്‍, പി. അയ്യപ്പദാസ്, ജയന്‍ കടക്കരപ്പള്ളി.
Premium Lifestyle and Entertainment website
മിക്ക ഡ്രസുകളും ഡിസൈനേഴ്‌സിന്റെ കൈയ്യില്‍ നിന്നും ഗിഫ്റ്റായി കിട്ടിയത്; മിക്കവയും ഒരു ലക്ഷത്തിന് മുകളില്‍ വിലയുള്ളവ; അഹാനയുടെ വിവഹത്തിന് ധരിച്ചതെല്ലാം റീയൂസ് ചെയ്യാത്തതിനാല്‍ തിരിച്ച് കൊടുത്തു; ദിയയുടെ വെളിപ്പെടുത്തലിന് പിന്നാലെ സോഷ്യലിടത്തില്‍ ചര്‍ച്ച
പ്രഗ്‌നന്‍സി സമയത്ത് കടുക്മണി പോലുള്ള കാര്യങ്ങള്‍ക്ക് പോലും മൂഡ് സ്വിങ്‌സ്; ആഗ്രഹം പോലെ കുഞ്ഞിനെ ആദ്യം ഏറ്റുവാങ്ങിയത് തന്റെ മൂത്ത പെണ്‍ മക്കള്‍;37-ാം വയസ്സില്‍ മൂന്നാമത് അമ്മയായ അനുഭവം പങ്കുവെച്ച് നടി അശ്വതി തോമസ്
മുളക് കൂട്ടി മാത്രം കഞ്ഞി കുടിച്ച് ദിവസങ്ങള്‍ ഒരുമിച്ച് അതിജീവിച്ചു;ടാസ്‌കിന് വേണ്ടി ഇറങ്ങിയാല്‍ പിന്നെ അവന്‍ ഷമ്മിയാണ്;ജനസഭയിലെ എല്‍ദോ ഫയര്‍; ലവ് യൂ സോ മച്ച് എല്‍ദോ..; ബിഗ് ബോസ് കൂട്ടുകാരനെക്കുറിച്ച് ശ്രീലക്ഷ്മി അറയ്ക്കലിന്റെ കുറിപ്പ് വൈറല്‍
ബിഗ് ബോസില്‍ നിന്ന് എല്‍ദോ പുറത്തേക്ക്; ഇഅഅഗ്‌നിപരീക്ഷയിലൂടെ മത്സരിച്ച് വീട്ടിലേക്ക് പ്രവേശിച്ച മത്സരാര്‍ത്ഥിയുടെ അപ്രതീക്ഷിത പുറത്താകലില്‍ ഞെട്ടി ആരാധകര്‍; ഷോ ഓഫ് വീട്ടില്‍ പോയ് കാണിച്ചാല്‍ മതിയെന്ന് താഷിക്ക് താക്കീതുമായി മോഹന്‍ലാലും
കോളേജില്‍ പോകാന്‍ അമ്മ വാങ്ങി നല്‍കിയത് അത്യാഡംബര കാര്‍; സുഹൈലിന് ക്രൂരതയ്ക്ക് വളം വച്ചു നല്‍കിയത് അതി സമ്പന്നത; സോഷ്യല്‍മീഡിയ വഴി ഇവര്‍ തുറന്ന് കാട്ടിയതും ആഡംബരവും അഹങ്കാരവും; മദ്യപാനം കൈമുതലാക്കി മൂന്ന് ജീവനുകള്‍ പൊലിച്ച സുഹൈല്‍ സജീവിന്റെ ലൈസന്‍സ് റദ്ദാക്കും