ഭര്‍ത്താവിനൊപ്പം കേക്കുമുറിച്ച് 30ാം ജന്‍മദിനം അടിച്ചുപൊളിച്ച് നടി സരയൂ മോഹന്‍! 2008 മുതല്‍ 2019 വരെയുള്ള ചിത്രങ്ങളും വൈറല്‍

മിനി സ്‌ക്രീനിലും ബിഗ് സ്‌ക്രീനിലും ഒരു പോലെ തിളങ്ങുന്ന നടിയാണ് സരയൂ മോഹന്‍. ചെറും വലുതുമായ വേഷങ്ങളില്‍ സിനിമയില്‍ അഭിനയിച്ച് ശ്രദ്ധ നേടിയിട്ടുള്ള താരം മിനി സ്‌ക്രീനിലും സജീവമാണ്. ഇപ്പോള്‍ മഴവില്‍ മനോരമയില്‍ തകര്‍പ്പന്‍ കോമഡി അവതാരയുമായ താരത്തിന്റെ 30ാം പിറന്നാള്‍ ആയിരുന്നു കഴിഞ്ഞ ദിവസം. ഭര്‍ത്താവിനൊപ്പം പിറന്നാള്‍ അടിച്ചുപൊളിക്കുന്ന സരയുവിന്റെ ചിത്രമാണ് ഇപ്പോള്‍ വൈറലാകുന്നത്.

ജൂലൈ പത്തിനായിരുന്നു സരയുവിന്റെ 30ാം ജന്മദിനം. ഇപ്പോള്‍ താരം തന്നെയാണ് ആഘോഷചിത്രങ്ങള്‍ ആരാധകരുമായി പങ്കുവച്ചത്. ഭര്‍ത്താവിനൊപ്പം കേക്ക് മുറിക്കുന്ന ചിത്രങ്ങളാണ് സരയു പങ്കുവെച്ചിരിക്കുന്നത്. അതിനൊപ്പം മുപ്പത് വയസിലെത്തി നില്‍ക്കുമ്പോഴും കുട്ടികളുടെ സന്തോഷമാണ് തനിക്കെന്ന് തുറന്ന് പറഞ്ഞിരിക്കുകയാണ് നടി.

നല്ല ഒരു ജന്മദിനം ആയിരുന്നു... പ്രായം മുന്നോട്ടാണെങ്കിലും ഒരുപാട് ആശംസകളും സമ്മാനങ്ങളും ഒക്കെ കിട്ടുമ്പോള്‍ കുട്ടികളുടെ പോലെ സന്തോഷം തോന്നുന്നു. അങ്ങോട്ട് ഒന്നും നല്‍കാതെ തന്നെ ഒരുപാട് സ്നേഹിക്കുന്ന സുഹൃത്തുക്കള്‍ തന്നെ ആണ് ജീവിതം.. നന്ദി.. 30 ന്റെ പടിവാതിലില്‍ എത്തിയപ്പോഴും മനസ്സ് തുറന്ന് ഇങ്ങനെ 32 പല്ലും കാണിച്ചു ചിരിക്കാന്‍ പറ്റുന്നത് സ്നേഹവും സൗഹൃദങ്ങളും കുടുംബവും തലചായ്ക്കാന്‍ ഒരു തോളുമൊക്കെയാണ് ഏറ്റവും വലിയ സമ്പത്ത് എന്ന തിരിച്ചറിവിലും ആ കണക്കില്‍ ധനികയാണ് എന്ന അഹങ്കാരത്തിലുമാണ്.. ഒരുപാട് സ്നേഹം എല്ലാവര്‍ക്കും എന്നാണ് കുറിച്ചത്.