ഖല്‍ബ് ഒഴിഞ്ഞ സദസുകളില്‍ പ്രദര്‍ശനം തുടരുകയാണ്...ഇന്നല്ലെങ്കില്‍ നാളെ അതും അവസാനിക്കും...';പരിഹാസങ്ങളും പുച്ഛവും നിറഞ്ഞ വാക്കുളും പേറി അടുത്ത ഇരയെ തേടി അവരും പോകും; സംവിധായകന്‍ സാജിദ് യഹിയുടെ  കുറിപ്പ് 

ഒരു കൂട്ടം യുവതാരങ്ങളെ പ്രധാന കഥാപാത്രങ്ങളാക്കി സാജിദ് യാഹിയ സംവിധാനം ചെയ്ത ചിത്രമാണ് ഖല്‍ബ്. കഴിഞ്ഞ ദിവസമാണ് ചിത്രം തിയറ്ററിലെത്തിയത്. ഇടി, മോഹന്‍ലാല്‍ എന്നീ ചിത്രങ്ങള്‍ക്കു ശേഷം സാജിദ് യഹിയ സംവിധാനം ചെയ്ത ചിത്രമാണ് ഇത്. ഫ്രൈഡേ ഫിലിംസിന്റെ ബാനറില്‍ വിജയ് ബാബുവായിരുന്നു നിര്‍മാണം.

രഞ്ജിത്ത് സജീവ് നായകനായി എത്തിയ തന്റെ സിനിമയ്‌ക്കെതിരെ ഉയരുന്ന നെഗറ്റീവ് റിവ്യുകളില്‍ പ്രതികരണവുമായി സാജിദ് യഹിയ രംഗത്തെത്തിയിരിക്കുന്നു. തിയറ്ററുകളില്‍ സിനിമയ്ക്കു ബുക്കിങ് ഇല്ലെന്ന അവസ്ഥ തന്റെ ഹൃദയം തകര്‍ക്കുകയാണെന്ന് അദ്ദേഹം ഫെയ്‌സ്ബുക്കില്‍ കുറിച്ചു.

'Those green rectangles that break my heart! ഖല്ബ് ഒഴിഞ്ഞ സദസുകളില്‍ പ്രദര്ശനം തുടരുകയാണ്...ഇന്നല്ലെങ്കില്‍ നാളെ അതും അവസാനിക്കും..കൊറേ പരിഹാസങ്ങളും പുച്ഛവും നിറഞ്ഞ വാക്കുളും പേറി അടുത്ത ഇരയെ തേടി അവരും പോകും...ബാക്കി ആവുന്നത് എന്റെ ഖല്‍ബ് എന്ന സ്വപ്നം മാത്രമാണ്..പിന്നെ അത് കാണാതെ പോയെന്ന് ഞാന്‍ ഉറച്ച് വിശ്വസിക്കുന്ന അതിന്റെ യഥാര്‍ത്ഥ പ്രേക്ഷകരും..എനിക്ക് ഉറപ്പുണ്ട് അവരിലേക്ക് ഖല്ബിന്റെ മിടിപ്പുകള്‍ എന്നെകിലും ഒക്കെ എത്തും എന്ന് ..പക്ഷെ ഇന്ന്, ഈ കീറി മുറിക്കലുകള്‍ക്ക് അപ്പുറത്ത്, സാധാരണ ആ പ്രേക്ഷകനും ഞാനും തമ്മിലുള്ള, കൊടുക്കല്‍ വാങ്ങലുകളാണ് ഇല്ലാതെ ആയത്... തത്കാലത്തേക്ക് എങ്കിലും എന്റെ ഖല്ബിന്റെ മിടിപ്പും...there is no totality in art..there is only totality in blaming art..thats the most pathetic situation here. i will keep going..we will meet somewhere!'- സാജിദ് സോഷ്യല്‍ മീഡിയയില്‍ കുറിച്ചു