തിരുവനന്തപുരത്ത് ചിത്രീകരണമാരംഭിച്ചആശിര്‍വ്വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിച്ച് ജിത്തു ജോസഫ് സംവിധാനം ചെയ്യുന്ന നേര് എന്ന ചിത്രത്തില്‍ അഭിനയിക്കുന്നതിനായി മോഹന്‍ലാല്‍ ആദ്യമായി എത്തിയത്ചിത്രാഞ്ജലി സ്റ്റുഡിയോയിലേക്കാണ്, ഇക്കഴിഞ്ഞ ആഗസ്റ്റ് മുപ്പത്തി ഒന്നാം തീയതി വ്യാഴാഴ്ച്ചയായിരുന്നു മോഹന്‍ ലാല്‍ ഈ ചിത്രത്തില്‍ അഭിനയിച്ചു തുടങ്ങിയത്.
ആഗസ്റ്റ് പതിനേഴ് വ്യാഴാഴ്ച്ച (ചിങ്ങം ഒന്ന് ) ഈ ചിത്രത്തിന്റെ ചിത്രീകരണം ആരംഭിച്ചിരുന്നു,മൈസൂറില്‍ വൃഷഭ എന്ന തെലുങ്കുചിത്രത്തില്‍ അഭിനയിച്ചു വരികയായിരുന്നു മോഹന്‍ ലാല്‍ ഈ സമയത്ത്. ആ ചിത്രത്തിന്റെ ഒരു ഷെഡ്യുള്‍പൂര്‍ത്തിയാക്കി ചെന്നൈയിലും കൊച്ചിയിലും ചില ഓണച്ചടങ്ങുകളിലും പങ്കെടുത്തതിനു ശേഷമാണ് മോഹന്‍ലാല്‍ ഇപ്പോള്‍ തിരുവനന്തപുരത്തെത്തിയത്.
ലൂസിഫറിനു ശേഷംനല്ലൊരു ഇടവേളയെ ബ്രേക്ക് ചെയ്തു കൊണ്ടാണ് മോഹന്‍ലാല്‍ തനിക്കെന്നും പ്രിയപ്പെട്ട . താന്‍ ജനിച്ചു വളര്‍ന്ന ഈ സനഗരത്തില്‍ ഒരു സിനിമയുടെ ചിത്രീകരണത്തിനായി എത്തിയിരിക്കുന്നത്.ഏതാണ്ട് ഒന്നര മാസത്തോളം ഈ ചിത്രത്തിന്റെ ചിനീകരണവുമായി ബന്ധപ്പെട്ട് മോഹന്‍ലാല്‍ തിരുവനന്തപുരത്തുണ്ടാകുമെന്ന് നിര്‍മ്മാതാവ് ആന്റെണി പെരുമ്പാവൂര്‍ പറഞ്ഞു.
കലാസംവിധായകനായ ബോബന്‍ ഒരുക്കിയ ഒരു സെറ്റിലായിരുന്നു ചിത്രീകരണം. ജഗദീഷ്, ഗണേഷ് കുമാര്‍, അനശ്വര രാജന്‍, ശാന്തി മായാദേവി, ശ്രീധന്യ എന്നിവരും മോഹന്‍ലാലിനോടൊപ്പം ഇവിടെ നടന്ന ചിത്രീകരണത്തില്‍ പങ്കെടുക്കുകയുണ്ടായി.
അല്‍പ്പം സ്‌ളിം ആയി, കറുത്ത ഷര്‍ട്ടം,കട്ടിയുള്ള താടിയും, കണ്ണടയും ,വ്യത്യസ്ഥമായ ഹെയര്‍സ്‌റ്റൈല്ലമായി വന്ന മോഹന്‍ലാല്‍ ഏറെ കൗതുകമുളവാക്കി.
ജീത്തു ജോസഫിനൊപ്പം ഇതു നാലാമത്തെ സിനിമയാണ് മോഹന്‍ലാല്‍ അഭിനയിക്കുന്നത്. ദൃശ്യം ഉള്‍പ്പടെ കഴിഞ്ഞ മൂന്നു സിനിമകളും മികച്ച വിജയം കരസ്ഥമാക്കി വീണ്ടും ഒരു സക്‌സസ് കൂട്ടി കെട്ടിലെത്തുന്ന നേര് - എന്ന ചിത്രവും പ്രേക്ഷകര്‍ക്കിടയില്‍ ഏറെ പ്രതീക്ഷയാണുയര്‍ത്തിയിരിക്കുന്നത്.
ഈ ചിത്രത്തില്‍ വക്കീല്‍ വേഷത്തിലാണ് മോഹന്‍ലാല്‍ എത്തുന്നത്.
അധിപന്‍, ഹരികൃഷ്ണന്‍സ് എന്നീ ചിത്രങ്ങള്‍ക്കു ശേഷം മോഹന്‍ലാല്‍ ഒരു വക്കീല്‍ വേഷത്തില്‍ എത്തുന്ന ചിത്രം കൂടിയാണിത്.കോടതിയും വ്യവഹാരവും നിയമയുദ്ധവുമൊക്കെ തികച്ചും റിയലിസ്റ്റിക്കായി അവതരിപ്പിക്കുന്ന ഒരു ലീഗല്‍ ത്രില്ലര്‍ ഡ്രാമയായിരിക്കും ഈ ചിത്രം.പ്രേക്ഷകരെ ഉദ്വേഗത്തിന്റെ മുള്‍മുനയില്‍ നിര്‍ത്തുന്ന ഈ ചിത്രം ശക്തമായ കുടുംബ ബന്ധങ്ങളിലൂടെയും സഞ്ചരിക്കുന്നുണ്ട്.
പ്രിയാമണിയാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.സിദ്ദിഖ്, നന്ദു, ദിനേശ് പ്രഭാകര്‍, ശങ്കര്‍ ഇന്ദുചൂഡന്‍ ,മാത്യു വര്‍ഗീസ്,, കലേഷ്, രമാദേവി, കലാഭവന്‍ ജിന്റോ ,രശ്മി അനില്‍ ,ഡോ.പ്രശാന്ത് എന്നിവരും ഈ ചിത്രത്തിലെ പ്രധാന അഭിനേതാക്കളാണ്.ശാന്തി മായാദേവിയും, ജീത്തു ജോസഫും ചേര്‍ന്നാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്.
വിനായക് ശശികുമാറിന്റെ വരികള്‍ക്ക് വിഷ്ണു ശ്യാം ഈണം പകര്‍ന്നിരിക്കുന്നു.
ഛായാഗ്രഹണം. - സതീഷ് ക്കുറുപ്പ്.
എഡിറ്റിംഗ് - വി.എസ്.വിനായക് .
കലാസംവിധാനം - ബോബന്‍
കോസ്റ്റും ഡിസൈന്‍ -ലിന്റൊജീത്തു.'
മേക്കപ്പ് - അമല്‍ ചന്ദ്ര .
ചീഫ് അസ്സോസ്സിയേറ്റ് ഡയറക്ടര്‍ -സുധീഷ് രാമചന്ദ്രന്‍.
അസ്സോസ്സിയേറ്റ് ഡയറക്ടേര്‍സ് - സോണി ജി. സോളമന്‍, എസ്.എ.ഭാസ്‌ക്കരന്‍, അമരേഷ് കുമാര്‍,
സംവിധാന സഹായികള്‍ - മാര്‍ട്ടിന്‍ ജോസഫ്, ഗൗതം.കെ.നായര്‍, അശ്വിന്‍
സിദ്ധാര്‍ത്ഥ് ,സൂരജ് സെബാസ്റ്റ്യന്‍, രോഹന്‍, സെബാസ്റ്റ്യന്‍ ജോസ്, ആതിര, ജയ് സര്‍വ്വേഷ്യാ,
ഫിനാന്‍സ് കണ്‍ട്രോളര്‍- മനോഹരന്‍.കെ.പയ്യന്നൂര്‍.
പ്രൊഡക്ഷന്‍ മാനേജേഴ്‌സ് - ശശിധരന്‍ കണ്ടാണിശ്ശേരില്‍, പാപ്പച്ചന്‍ ധനുവച്ചപുരം,
പ്രൊഡക്ഷന്‍ എക്‌സിക്കുട്ടീവ് - പ്രണവ് മോഹന്‍
പ്രൊഡക്ഷന്‍ കണ്‍ട്രോളര്‍.സിദ്ദു പനയ്ക്കല്‍.
വാഴൂര്‍ ജോസ്.
ഫോട്ടോ - ബന്നറ്റ്.എം.വര്‍ഗീസ്.
Premium Lifestyle and Entertainment website
അയ്യങ്കാളിയുടെ കഥ പറയുന്ന കതിരവന് തുടക്കം; ചിത്രത്തില്‍ മമ്മൂട്ടിക്ക് പകരം നായകനാകുക സൂപ്പര്‍താരമെന്ന് സൂചന; ബ്രഹ്മാണ്ഡ ചിത്രമായി അണിയിച്ചൊരുക്കുന്ന ചിത്രത്തില്‍ തമിഴ് ഹിന്ദി താരങ്ങളും
തമിഴ് സിനിമ-സീരിയല്‍ നടന്‍ കുഴഞ്ഞു വീണു മരിച്ചു; ദാരുണാന്ത്യം മൂന്നാര്‍ ഇക്കാ നഗറില്‍ കെ സുബ്രഹ്മണ്യന്; സംഭവം സിപിഎം ഇടുക്കി ജില്ലാ സമ്മേളനത്തില്‍ പങ്കെടുത്ത് മടങ്ങവെ