ഏറ്റവും ചിലവേറിയ പാട്ടാണ് ആദ്യം ചിത്രീകരിച്ചത്; ടെൻഷൻ ഉണ്ടോയെന്ന് ചോദിച്ച് പ്രിയദർശൻ; രസകരമായ ആന്റണി പെരുമ്പാവൂരിന്റെ മറുപടിയാണ് ഇപ്പോൾ ആരാധകർ ഏറ്റെടുത്തിരിക്കുന്നത്

2021-ൽ പ്രദർശനത്തിനെത്തുവാൻ പോകുന്ന ആരാധകർ ഒന്നടങ്കം കാത്തിരിക്കുന്ന ഒരു മലയാളഭാഷാ ചരിത്ര-ഐതിഹ്യ ചലച്ചിത്രമാണ് മരക്കാർ അറബിക്കടലിന്റെ സിംഹം. പ്രിയദർശൻ സംവിധാനം നിർവഹിക്കുന്ന ഈ ചിത്രം ആശിർവാദ് സിനിമാസ്, മൂൺഷൂട്ട് എൻറ്റർടൈൻമെൻഡ്, കോൺഫിഡൻഡ് ഗ്രൂപ്പ് എന്നീ ബാനറുകളിൽ ആന്റണി പെരുമ്പാവൂർ, സന്തോഷ്.ടി കുരുവിള, റോയ് .സി.ജെ എന്നിവർ ചേർന്നാണ് നിർമ്മിക്കുന്നത്. മോഹൻലാൽ, മഞ്ജു വാര്യർ, കീർത്തി സുരേഷ്, സുനിൽ ഷെട്ടി, അർജ്ജുൻ സർജ, പ്രഭു, മുകേഷ്, സിദ്ദിഖ് തുടങ്ങിയ വൻ താരനിര ഈ ചിത്രത്തിനുവേണ്ടി അണിനിരന്നു. മലയാളസിനിമയിലെ ഏറ്റവും ചെലവേറിയ ഈ ചിത്രത്തിന്റെ ബജറ്റ് 100 കോടി രൂപയാണ്. 

ഇപ്പോഴിത ചിത്രീകരണവേളയിൽ ടെൻഷനടിച്ചതിനെ കുറിച്ച് വെളിപ്പെടുത്തുകയാണ് സംവിധായകൻ പ്രിയദർശൻ. സിനിമ തുടങ്ങിയപ്പോള്‍ തന്നെ ഏറ്റവും ചിലവേറിയ പാട്ടാണ് ആദ്യം ചിത്രീകരിച്ചത്. കുറച്ച് ദിവസം കഴിഞ്ഞപ്പോൾ ബജറ്റ് പകുതിയായി. അന്ന് ടെന്‍ഷന്‍ ഉണ്ടോ എന്ന് ആന്റണിയോട് ചോദിച്ചിരുന്നു. ഇല്ലെന്നായിരുന്നു മറുപടി എന്നാണ് പ്രിയദർശൻ പറഞ്ഞത്. എന്തായാലും ഇറങ്ങി തിരിച്ചില്ലേ. സാർ തുടങ്ങിക്കോ എന്നാണ് പറഞ്ഞത് എന്നും കൂട്ടിച്ചേർത്തു പ്രിയൻ. 

ഈ ചിത്രം ചൈനീസ് ഭാഷയിലും റിലീസ് ചെയ്യാൻ തീരുമാനിച്ചു. ചൈനീസ് ഭാഷയിലുള്ള ആദ്യ മലയാള ചിത്രമാകും ഇത്.പൂർണമായും ചൈനീസ് ഭാഷയിൽ ഡബ്ബ് ചെയ്യുന്ന ആദ്യ ഇന്ത്യൻ ചലച്ചിത്രങ്ങളിലൊന്നാണിത്. എസ്സ്. തിരു ഈ ചിത്രത്തിന്റെ ഛായാഗ്രഹണം നിർവഹിച്ചു. ഈ ചിത്രത്തിന്റെ ചിത്രസംയോജനം കൈകാര്യം ചെയ്തത് എം.എസ്സ് അയ്യപ്പൻ നായരാണ്. റോണി റാഫേൽ സംഗീത സംവിധാനം നിർവ്വഹിച്ച ഈ ചിത്രത്തിന്റെ പശ്ചാത്തലസംഗീതം ഒരുക്കിയത് രാഹുൽ രാജും, അങ്കിത് സൂരിയും ലൈൽ ഇവാൻസ് റോഡറും ചേർന്നാണ്.ലോകത്ത് പടർന്നു പിടിച്ച കൊറോണ വൈറസിന്റെ പശ്ചാത്തലത്തിൽ ഈ ചിത്രത്തിന്റെ റിലീസ് മാറ്റിവച്ചു. 2020 മാർച്ച് 26-ന് ആയിരുന്നു ചിത്രം റിലീസ് ചെയ്യാൻ തീരുമാനിച്ചിരുന്നത്.