ബിഗ്ബോസ് സീസണ്‍ -3 വിജയിയായും നടനായും ഒക്കെ പ്രേക്ഷകരുടെ ഹൃദയം കീഴടക്കിയ ആളാണ് മണിക്കുട്ടന്.ഏറെ നാളായി സിനിമകളിലും ടെലിവിഷന്‍ പരമ്പരകളിലും നിറഞ്ഞ് നിന്ന മണിക്കുട്ടന് കരിയര്‍ ബ്രേക്കായിരുന്നു ബിഗ് ബോസ് സീസണ്‍ മൂന്നിലേക്കുള്ള വരവ്.പതിനഞ്ച് വര്‍ഷത്തോളം കലാരംഗത്ത് നിന്ന് കണ്ടെത്താന്‍ കഴിയാതെ പോയ വലിയ സ്വപ്നങ്ങളില്‍ പലതും മണിക്കുട്ടന് ബിഗ് ബോസിന്റെ ഭാഗമായശേഷം സ്വന്തമാക്കി. പലപ്പോഴും മണിക്കുട്ടന് പറഞ്ഞിട്ടുള്ള ആഗ്രഹങ്ങളില്‍ ഒന്നായിരുന്നു സ്വന്തമായൊരു വീട് എന്നത്. ടൈറ്റില്‍ വിന്നറായതോടെ ആ സ്വപ്നവും സഫലമായി.
ഇപ്പോഴിതാ ആ ഫ്‌ളാറ്റിനെക്കുറിച്ച് ചില കാര്യങ്ങള്‍ തുറന്നുപറയുകയാണ് മണിക്കുട്ടന്. തന്റെ ഏറ്റവും പുതിയ സിനിമയുടെ പ്രോമോഷന്റെ ഭാഗമായി ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് മണിക്കുട്ടന് ഫ്‌ളാറ്റിനെക്കുറിച്ച് തുറന്നുപറയുന്നത്. ബിഗ് ബോസില്‍ നിന്ന് കിട്ടിയ ഫ്‌ളാറ്റ് ഇപ്പോഴുമുണ്ടോ എന്നായിരുന്നു അവതാരക ചോദിച്ചത്. ആ ഫ്‌ളാറ്റ് ഇപ്പോഴുമുണ്ടെന്നും അവിടെ ഇന്റീരിയര്‍ ജോലി നടന്നുകൊണ്ടിരിക്കുകയാണെന്നും മണിക്കുട്ടന് പറഞ്ഞു.
മണിക്കുട്ടന്റെ വാക്കുകളിലേക്ക്...
'ബിഗ് ബോസില്‍ നിന്ന് കിട്ടിയ ഫ്‌ളാറ്റില്‍ ഇന്റീരിയര്‍ നടന്നുകൊണ്ടിരിക്കുകയാണ്. നന്നായിട്ട് ഇന്റീരിയര്‍ ചെയ്യണമെന്ന ആഗ്രഹമുണ്ടായിരുന്നു. കൈ കൊട്ടുമ്പോള്‍ ലൈറ്റ് കത്തണം..അങ്ങനെ ഡിഫ്രന്റായി ചെയ്യണമെന്ന ആഗ്രഹമുണ്ട്. ബിഗ് ബോസിന് ശേഷം സിനിമകള്‍ ഒരുപാട് കിട്ടും, അതിന് ശേഷം ഇന്റീരിയര്‍ ചെയ്തു തുടങ്ങാമെന്ന് കരുതി. എന്നാല്‍ ഇന്റീരിയര്‍ വര്‍ക്ക് തുടങ്ങുകയും സിനിമ വിചാരിച്ചത് പോലെ കിട്ടുകയും ചെയ്തില്ല'- മണിക്കുട്ടന് ചിരിച്ചുകൊണ്ട് പറഞ്ഞു.
ധ്യാന്‍ ശ്രീനിവാസന്‍ സിനിമ സീക്രട്ടാണ് മണിക്കുട്ടന്റെ റിലീസിന് തയ്യാറെടുക്കുന്ന ഏറ്റവും പുതിയ സിനിമ. എസ്.എന്‍ സ്വാമി ആദ്യമായി സംവിധാനം ചെയ്യുന്ന ചിത്രത്തിന്റെ ട്രെയിലര്‍ കഴിഞ്ഞ ദിവസം റിലീസ് ചെയ്തിരുന്നു. ജൂലൈ 26 ന് സീക്രട്ട് തിയേറ്ററുകളിലേക്കെത്തും.
മണിക്കുട്ടനും ധ്യാനിനും പുറമെ അപര്‍ണാ ദാസ്, ജേക്കബ് ഗ്രിഗറി, കലേഷ് രാമാനന്ദ്, ആര്‍ദ്രാ മോഹന്‍, രഞ്ജിത്ത്, രഞ്ജി പണിക്കര്‍, ജയകൃഷ്ണന്‍, സുരേഷ് കുമാര്‍ എന്നിവരും പ്രധാന വേഷങ്ങള്‍ ചെയ്തിരിക്കുന്നു. 2005ല്‍ ബോയ്ഫ്രണ്ട് എന്ന സിനിമയില്‍ നായകവേഷം ചെയ്ത് മലയാള സിനിമയുടെ ഭാഗമായ മണിക്കുട്ടന് ഇതുവരെ ഒട്ടനവധി സിനിമകളില്‍ സഹനടനായും നായകനായും എല്ലാം അഭിനയിച്ചു
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
ന്യൂ ഇയര്‍ ദിവസം മൈഗ്രെയ്ന്‍ കൂടി ആശുപത്രിയില്‍; തലേദിവസം പാര്‍ട്ടി കൂടി പോയതാണെന്ന് ചിന്തിക്കുമോയെന്ന് വിചാരിച്ച് ആശുപത്രിയില്‍ പോകാന്‍ മടിച്ചു;എല്ലാ ദിവസവും ഇഞ്ചക്ഷന്‍ എടുക്കേണ്ട അവസ്ഥ; കുറേക്കാലം ഞാന്‍ മഞ്ഞനിറത്തെ വെറുക്കാന്‍, കാരണം കുട്ടിക്കാലത്തുണ്ടായ മോശം അനുഭവം; ഐശ്വര്യ ലക്ഷ്മിക്ക് പറയാനുള്ളത്