മെല്‍ബണ്‍ : മലയാളത്തിലെ ഏറ്റവും പുതിയ 'ക്ളാസിക് 'ഹിറ്റ് ആയി വിലയിരുത്തപ്പെടുന്ന കാതല്‍ ദ കോര്‍ ഡിസംബര്‍ ഏഴിനു ആസ്ട്രേലിയയില്‍ റിലീസ് ചെയ്യും. മമ്മൂട്ടിയുടെ സമീപകാല സിനിമകള്‍ കൈവരിച്ച വമ്പന്‍ വിജയങ്ങള്‍ കാതലിനും വിദേശ രാജ്യങ്ങളില്‍ പ്രിയം വര്‍ദ്ധിക്കാന്‍ കാരണമായിട്ടുണ്ട്. മമ്മൂട്ടി യും ജ്യോതികയും പ്രധാന കഥാപത്രങ്ങളില്‍ എത്തുന്ന ജിയോ ബേബി ചിത്രത്തിന് ഗള്‍ഫ് രാജ്യങ്ങളില്‍ പ്രദര്‍ശന അനുമതി നിഷേധിക്കപ്പെട്ടെങ്കിലും യൂറോപ്യന്‍ രാജ്യങ്ങളില്‍ വ്യാപകമായി റിലീസ് ചെയ്യുന്നുണ്ട്. കുടുംബപ്രേക്ഷകര്‍ ഇതിനോടകം ഏറ്റെടുത്ത കാതലിന്റെ ആസ്ട്രേലിയന്‍ വിതരണ അവകാശം വന്‍ തുകയ്ക്കാണ് ബിഗ് ബഡ്ജറ്റ് ഹിന്ദി തെലുങ്ക് സിനിമകളുടെ വിതരണക്കാരായ സതേണ്‍ സ്റ്റാര്‍ സ്വന്തമാക്കിയത് എന്ന് അറിയുന്നു.
സമീപ കാല മമ്മൂട്ടി ചിത്രങ്ങള്‍ ആസ്ട്രേലിയന്‍ ബോക്‌സ് ഓഫീസില്‍ കൈവരിച്ച സാമ്പത്തിക വിജയം തന്നെയാണ് മലയാളസിനിമ വിതരണം ചെയ്യാന്‍ തങ്ങളെ പ്രേരിപ്പിച്ചത് എന്ന് സതേണ്‍ സ്റ്റാര്‍ ഡയറക്ടര്‍ അശ്വിന്‍ പറഞ്ഞു.
അതേസമയം ഡിസംബര്‍ ഏഴാം തിയതി ആസ്ട്രേലിയയിലെ അങ്ങോളമിങ്ങോളമുള്ള ഇരുപത്തിയഞ്ച് തിയേറ്ററുകളില്‍ പ്രദര്‍ശനം ആരംഭിക്കുന്ന ചിത്രം തൊട്ടടുത്ത ആഴ്ച കൂടുതല്‍ തിയേറ്ററുകളില്‍കൂടി പ്രദര്‍ശനത്തിനു എത്തും. ന്യൂസിലാണ്ടിലും ഡിസംബര്‍ 14 ന് ചിത്രം വ്യാപകമായി റിലീസ് ചെയ്യും.
അതേ സമയം ഫാന്‍സ് ഷോ ഉള്‍പ്പെടെയുള്ള വമ്പന്‍ സ്വീകരണമാണ് ആസ്ട്രേലിയയിലെ മമ്മൂട്ടി ആരാധകര്‍ കാതലിനെ സ്വീകരിക്കാനായി ഒരുക്കുന്നത്.
മെല്‍ബണും ഗോള്‍ഡ് കോസ്റ്റും സിഡ്‌നിയും ഉള്‍പ്പെടെ അഞ്ചു സെന്ററുകളില്‍ ഫാന്‍സ് ഷോകള്‍ നടത്തുമെന്നു മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണല്‍ ആസ്ട്രേലിയ പ്രസിഡന്റ് മദനന്‍ ചെല്ലപ്പന്‍ പറഞ്ഞു.
Premium Lifestyle and Entertainment website
എഫ്ബിയില്‍ കുറിപ്പിട്ട പെണ്‍കുട്ടിക്ക് എന്തു കൊണ്ട് പോലീസില്‍ പരാതി നല്‍കാന്‍ ധൈര്യമുണ്ടായില്ല? 14 പേര്‍ക്കെതിരെ പോസ്റ്റിട്ട യുവതി തനിക്കെതിരെ മാത്രം പരാതി നല്‍കി; വാദങ്ങള്‍ ചുറ്റിക്കറങ്ങിയത് ആ പോസ്റ്റില്‍; ഹേമാ കമ്മറ്റി 'ധൈര്യം' ഫലം കണ്ടില്ല; സിദ്ദിഖിന് മുന്‍കൂര്‍ ജാമ്യം അനുവദിക്കുമ്പോള്‍ സുപ്രീംകോടതി പറയുന്നത് 
വീട്ടുകാരുടെ സമ്മര്‍ദ്ദത്തില്‍ കല്ല്യാണത്തെ പറ്റി ഒരു ഘട്ടത്തില്‍ ആലോചിച്ചിരുന്നു; പിന്നീട് ബോധവും ബുദ്ധിയും വെച്ചപ്പോള്‍ വേണ്ടെന്ന് മനസിലായി; ഒരുപാട് ആലോചിച്ചെടുത്ത തീരുമാനം; കല്ല്യാണം കഴിക്കില്ല; ആളുകള്‍ സന്തോഷത്തിലല്ല; ഐശ്വര്യ ലക്ഷ്മി