നടന്‍ ജോജു ജോര്‍ജ് ആദ്യമായി സംവിധാനം ചെയ്ത ചിത്രം 'പണി'യുടെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടു. ജോജുവിന്റെ സമൂഹമാദ്ധ്യമ പേജുകളിലൂടെയാണ് പോസ്റ്റര്‍ പുറത്ത് വിട്ടത്. ജോജു തിരക്കഥ രചിച്ച ചിത്രത്തിന്റെ ഛായാഗ്രഹണം ജിന്റോ ജോര്‍ജ് ആണ്..28 വര്‍ഷത്തെ അഭിനയ ജീവിതത്തില്‍ ആദ്യമായാണ് ജോജു സംവിധാനം ചെയ്യുന്നത്.
ജോജു തന്നെ ആണ് ചിത്രത്തില്‍ നായകന്‍. ചിത്രത്തിന്റെ തിരക്കഥയും ജോജു ആണ്. തമിഴ് ചിത്രം നാടോടികളിലൂടെ മലയാളത്തിന് പരിചിതയായ അഭിനയയാണ് നായിക. നൂറുദിവസത്തെ ചിത്രീകരണമായിരുന്നു. സീമ, അഭയ ഹിരണ്‍മയി, ചാന്ദ്നി ശ്രീധരന്‍, സോനമറിയ എബ്രഹാം, ലങ്കലക്ഷ്മി, ബാബു നമ്പൂതിരി, പ്രശാന്ത് അലക്‌സാണ്ടര്‍, സുജിത് ശങ്കര്‍, സോബി കുര്യന്‍ തുടങ്ങിയവരോടൊപ്പം ബിഗ് ബോസ് താരങ്ങളായ സാഗര്‍, ജുനൈസ് എന്നിവരും താരനിരയിലുണ്ട്.
അപ്പു പാത്തു പാപ്പു പ്രൊഡക്ഷന്‍സിന്റെയും എഡി സ്റ്റുഡിയോസിന്റെയും ബാനറില്‍ എം റിയാസ് ആദം, സിജോ വടക്കന്‍ എന്നിവര്‍ ചേര്‍ന്നാണ് നിര്‍മ്മാണം. വിഷ്ണു വിജയ് സംഗീതം നിര്‍വഹിക്കുന്നു.
Premium Lifestyle and Entertainment website
മുട്ട സ്റ്റൂ ; അപ്പത്തിനും ഇടിയപ്പത്തിനും കൂട്ടാം
നന്ദി ദിനത്തിലെ വാടാമലരുകള്‍ (കവിത)