ദിലീപ്-കാവ്യ മാധവന്‍ ദമ്പതികളുടെ മകളുടെ നൂലുകെട്ട് ചടങ്ങ് ഇന്ന്. കുഞ്ഞതിഥിയുടെ നൂലുകെട്ടല്‍ ചടങ്ങ് ആഘോഷമാക്കാന്‍ ഷൂട്ടിങ് തിരക്കുകള്‍ മാറ്റി വച്ച് ദിലീപ് തന്റെ കുഞ്ഞോമലിന്റെ നൂലുകെട്ട് ചടങ്ങില്‍ കാവ്യക്കൊപ്പം ചേരുന്നത്. കുഞ്ഞിന്റെ നൂലുകെട്ടിന്റെ ദിവസമായ ഇന്ന് കുഞ്ഞിന്റെ പേര് ദിലീപ് വെളിപ്പെടുത്തുമെന്നാണ് സൂചന.ആഘോഷങ്ങള്‍ക്ക് ശേഷം ദിലീപ് പ്രൊഫസര്‍ ഡിങ്കന്റെ ഷൂട്ടിങ്ങിനായി ബാങ്കോക്കിലേക്ക് പറക്കും.
ഇക്കഴിഞ്ഞ വിജയദശമി ദിനത്തിലാണ് ദിലീപിനും-കാവ്യയ്ക്കും വീണ്ടും ഒരു പെണ്‍കുഞ്ഞു ജനിച്ചത്. ദിലീപ് വീണ്ടും അച്ഛനായത് ആരാധകര്‍ സോഷ്യല്‍ മീഡിയയില്‍ ആഘോഷമാക്കിയിരുന്നു. മകള്‍ ജനിച്ചശേഷം ദിലീപ് സിനിമയില്‍ നിന്നും കുറച്ചുനാള്‍ ഇടവേളയെടുത്ത് കുഞ്ഞിനും കാവ്യമാധവനുമൊപ്പം ചിലവഴിച്ചിരുന്നു. പിന്നീട് വീണ്ടും സിനിമയില്‍ സജീവമാകുകയായിരുന്നു. ഇപ്പോള്‍ മീനാക്ഷിയുടെ കുഞ്ഞനുജത്തിയുടെ നൂലുകെട്ടിന് ഒരു ദിവസത്തെ അവധി എടുത്ത് കുടുംബത്തോടൊപ്പം ആഘോഷിക്കുകയാണ് ദിലീപ്.
യുവനടിയെ തട്ടിക്കൊണ്ടുപോയി അപകീര്‍ത്തികരമായ ചിത്രങ്ങള്‍ പകര്‍ത്താന്‍ ക്വട്ടേഷന്‍ നല്‍കിയെന്ന കേസിന്റെ തുടര്‍നടപടികള്‍ എറണാകുളം പ്രിന്‍സിപ്പല്‍ സെഷന്‍സ് കോടതി ഡിസംബര്‍ 18ലേക്കു കഴിഞ്ഞ ദിവസം മാറ്റിയിരുന്നു. അതും ദിലീപിന് താത്കാലിക ആശ്വാസമായിരുന്നു. നൂലുകെട്ട് ചടങ്ങുകള്‍ക്കു ശേഷം ദിലീപ് പുതിയ ചിത്രമായ പ്രൊഫസര്‍ ഡിങ്കന്റെ ചിത്രീകരണത്തിനായി ബാങ്കോക്കിലേക്ക് പോകുമെന്നാണ് സൂചന. ദിലീപിനൊപ്പം സംവിധായകന്‍ രാമചന്ദ്രബാബു, തിരക്കഥാകൃത്ത് റാഫി എന്നിവരുമുണ്ടാകും. വിദേശ യാത്രയ്ക്കുള്ള ദിലീപിന്റെ അപേക്ഷ എറണാകുളം പ്രിന്‍സിപ്പല്‍ സെഷന്‍സ് കോടതിയാണ് അനുവദിച്ചത്.
ബി ഉണ്ണികൃഷ്ണന്റെ കോടതി സമക്ഷം ബാലന്‍ വക്കീല്‍ എന്ന സിനിമയുടെ സെറ്റില്‍ നിന്നാണ് ഡിങ്കനിലേക്ക് ദിലീപ് പോകുന്നത്. ഉണ്ണിക്കൃഷ്ണന്‍ സിനിമയുടെ ബാക്കി ഭാഗങ്ങള്‍ വിദേശത്ത് നിന്ന് മടങ്ങിയെത്തിയ ശേഷം നടക്കും. ഉണ്ണികൃഷ്ണന്റെ സിനിമാ ഷൂട്ടിംഗിനിടെയാണ് കാവ്യയുടെ പ്രസവം നടന്നത്. 2016ലായിരുന്നു ദിലീപ്കാവ്യ മാധവന്‍ വിവാഹം. മഞ്ജു വാര്യരുമായി വിവാഹ മോചനം നേടിയ ശേഷമാണ് ദിലീപ് കാവ്യയെ കല്ല്യാണം ചെയ്തത്. മകള്‍ മീനാക്ഷിയുടെ സമ്മതത്തോടെയായിരുന്നു വിവാഹം.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം