അനന്ത് അംബാനിയുടെയും രാധികാ മര്‍ച്ചന്റിന്റെയും വിവാഹവിശേഷങ്ങള്‍ തുടരുകയാണ്. കഴിഞ്ഞ വര്‍ഷം ഡിസംബറില്‍ നിശ്ചയത്തോടെയാണ് ആഘോഷങ്ങള്‍ ആരംഭിച്ചത്. ഇന്നലെ മുതല്‍ 14 വരെ നടക്കുന്ന ചടങ്ങുകളാണു പ്രധാനം. ജിയോ വേള്‍ഡ് സെന്ററിലും അംബാനിയുടെ ആഡംബരവീടായ ആന്റിലിയയിലുമാണു മൂന്നു ദിവസത്തെ വിവാഹച്ചടങ്ങ്. ഏകദേശം 5000 കോടി രൂപയാണു വിവാഹ ആഘോഷത്തിനായി അംബാനി കുടുംബം ചെലവിടുന്നതെന്നാണു റിപ്പോര്‍ട്ട്.
ഇപ്പോളിതാ ചടങ്ങിനെത്തിയ താരങ്ങളാണ് സോഷ്യല്‍മീഡിയയില്‍ നിറയുന്നത്.മലയാള സിനിമയില്‍ നിന്നും പൃഥ്വിരാജും സുപ്രിയ മേനോനും ചടങ്ങിനെത്തി. മുംബൈയിലെ ജിയോ വേള്‍ഡ് സെന്ററില്‍ നടന്ന വിവാഹ ചടങ്ങില്‍ പങ്കെടുക്കാന്‍ സുപ്രിയയ്ക്ക് ഒപ്പമാണ് പൃഥ്വി എത്തിയത്. ഇതിന്റെ വീഡിയോകളും ചിത്രങ്ങളും സോഷ്യല്‍ മീഡിയയില്‍ പ്രചരിക്കുന്നുണ്ട്.
ബ്ലഷ് പിങ്ക് നിറത്തിലുള്ള കുര്‍ത്തയായിരുന്നു വിവാഹത്തിനെത്തിയ പൃഥ്വിയുടെ വേഷം. അതേ നിറത്തിലുള്ള സാരിയായിരുന്നു സുപ്രിയ തിരഞ്ഞെടുത്തത്. പൃഥ്വിയെ കൂടാതെ ഇന്ത്യന്‍ സിനിമാ രംഗത്തെ പ്രമുഖരായ പല താരങ്ങളും വിവാഹത്തിനെത്തിയിരുന്നു.
ഷാരൂഖ് ഖാന്‍, സല്‍മാന്‍ ഖാന്‍, ദീപിക പദുകോണ്‍, രണ്‍വീര്‍ സിംഗ്, പ്രിയങ്ക ചോപ്ര, നിക്ക് ജോനാസ്, ആലിയ ഭട്ട്, രണ്‍ബീര്‍ കപൂര്‍, കത്രീന കൈഫ്, വിക്കി കൗശല്‍, കിയാര അദ്വാനി, സിദ്ധാര്‍ത്ഥ് മല്‍ഹോത്ര, ഷാഹിദ് കപൂര്‍ തുടങ്ങി നിരവധി താരങ്ങള്‍ വിവാഹാഘോഷങ്ങള്‍ക്കായി എത്തിച്ചേര്‍ന്നിട്ടുണ്ട്.തമിഴകത്തു നിന്നും നയന്‍താരയും വിഘ്‌നേഷ് ശിവനും വിവാഹാഘോഷത്തില്‍ പങ്കെടുക്കാനായി എത്തിച്ചേര്‍ന്നിട്ടുണ്ട്.
വിവാഹത്തിന് നൃത്തം ചെയ്യുന്ന് തെന്നിന്ത്യന്‍ സൂപ്പര്‍താരം രജനികാന്തിന്റെ വീഡിയോയും എത്തി. ബോളിവുഡ് താരം അനില്‍ കപൂറിനൊപ്പമായിരുന്നു
സ്‌റ്റൈല്‍ മന്നന്റെ ചുവടുകള്‍. വിവാഹവേദിയിലെ രജനികാന്തിന്റെ നൃത്തം നിമിഷനേരത്തില്‍ വൈറലായി.
അനന്ത് അംബാനി-രാധിക മെര്‍ച്ചന്റ് വിവാഹത്തിന് നൃത്തം ചെയ്ത് തെന്നിന്ത്യന്‍ സൂപ്പര്‍താരം രജനികാന്ത്. ബോളിവുഡ് താരം അനില്‍ കപൂറിനൊപ്പമായിരുന്നു സ്‌റ്റൈല്‍ മന്നന്റെ ചുവടുകള്‍. വിവാഹവേദിയിലെ രജനികാന്തിന്റെ നൃത്തം നിമിഷനേരത്തില്‍ വൈറലായി.
വരന്റെ സംഘത്തിനൊപ്പമായിരുന്നു രജനികാന്ത് എത്തിയത്. മുണ്ടും ഷര്‍ട്ടും ധരിച്ചെത്തിയ താരം ആദ്യം അനില്‍ കപൂര്‍ അടങ്ങുന്ന സംഘം ചെയ്ത നൃത്തം നോക്കി നിന്നു. അതിനു ശേഷം കണ്ണട ഒന്നു തുടച്ച് വച്ച് ആവേശത്തോടെ നൃത്തസംഘത്തിനൊപ്പം ചേര്‍ന്നു. തന്റെ സിഗ്‌നേച്ചര്‍ ചുവടു വച്ചാണ് താരം അതിഥികളെ ആവേശത്തിലാഴ്ത്തിയത്. വരന്‍ അനന്ത് അംബാനിയുടെ സാന്നിധ്യത്തിലായിരുന്നു രജനികാന്തിന്റെ സൂപ്പര്‍ പ്രകടനം.
മൂന്നു മാസം നീണ്ടുനിന്ന പ്രീ വെഡ്ഡിങ് ആഘോഷങ്ങള്‍ക്കുശേഷമാണ് അനന്ത് അംബാനിയും രാധിക മെര്‍ച്ചന്റും ഇന്നലെ വിവാഹിതരായത്. മാര്‍ച്ചില്‍ ഗുജറാത്തിലെ ജാംനഗറിലാണ് അനന്തിന്റെയും രാധികയുടെയും പ്രീ വെഡ്ഡിങ് ആഘോഷങ്ങള്‍ക്ക് തുടക്കമായത്.
മേയില്‍ ഇറ്റലിയിലെ ആഡംബര കപ്പലിലായിരുന്നു രണ്ടാംഘട്ട പ്രീ വെഡ്ഡിങ് ആഘോഷങ്ങള്‍. മേയ് 29 ന് ഇറ്റലിയില്‍നിന്ന് ആരംഭിച്ച് ജൂണ്‍ ഒന്നിന് ഫ്രാന്‍സിലെത്തിയ ആഡംബര കപ്പലിലെ ആഘോഷങ്ങളില്‍ ബോളിവുഡിലെ പ്രമുഖ താരങ്ങളെല്ലാം പങ്കെടുത്തിരുന്നു.
ഇന്നലെ വിവാഹം കഴിഞ്ഞെങ്കിലും ജൂലൈ 14 വരെ ആഘോഷങ്ങള്‍ തുടരും. ഇന്നു നടക്കുന്ന ശുഭ് ആശിര്‍വാദ് ദിനത്തിലെ വിരുന്നില്‍ കേന്ദ്രമന്ത്രിമാരും വിവിധ സംസ്ഥാനങ്ങളിലെ മുഖ്യമന്ത്രിമാരും പങ്കെടുക്കും. ഞായറാഴ്ച നടക്കുന്ന മംഗള്‍ ഉത്സവ് ദിനത്തില്‍ ബോളിവുഡ് താരങ്ങളും രാഷ്ട്രീയ നേതാക്കളും പങ്കെടുക്കും.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം