ഇന്‍സ്റ്റഗ്രാം വഴി നടി ഐശ്വര്യ ലക്ഷ്മിക്ക് ലൈംഗീക സന്ദേശം അയച്ച് സ്‌കൂള്‍ വിദ്യാര്‍ത്ഥികള്‍; സ്‌ക്രീന്‍ ഷോര്‍ട്ട് അടക്കമുള്ള ചിത്രവുമായി നടിയുടെ കുറിപ്പ് വൈറല്‍

ഇന്‍സ്റ്റഗ്രാം വഴി ലൈംഗീക സന്ദേശം അയച്ചവര്‍ക്ക് മറുപടിയുമായി നടി ഐശ്വര്യാ ലക്ഷ്മി രംഗത്ത്.  ശല്യം ചെയ്ത യുവാക്കളുടെ പ്രൊഫയില്‍ പിക്്ചര്‍ സഹിതം സ്‌ക്രീന്‍ ഷോര്‍ട്ട് എടുത്താണ് ഐശ്വര്യ രംഗത്തെത്തിയത്. തന്നെ ലൈംഗീകമായി ശല്യം ചെയ്യുന്നു എന്ന് കുറിച്ചാണ് ഐശ്വര്യ ചിത്രം പങ്കുവച്ചിരിക്കുന്നത്. 

സ്വകാര്യ സന്ദേശങ്ങള്‍ അയച്ച് തന്നെ ലൈംഗികമായി ശല്യം ചെയ്യുന്നു എന്ന് കുറിച്ചാണ് ഐശ്വര്യ സ്‌ക്രീന്‍ഷോട്ട് പുറത്തുവിട്ടത്. ഇത്തരം മോശം കാര്യങ്ങള്‍ സംഭവിക്കുമ്പോള്‍ വഴി മാറി നടക്കാനുള്ള പക്വത തനിക്കുണ്ടെന്നും താരം കുറിച്ചു. പക്ഷെ പ്രൊഫൈലില്‍ കണ്ട ആണ്‍കുട്ടികളുടെ ചിത്രമാണ് താരത്തെ അത്ഭുതപ്പെടുത്തിയത്. സ്‌കൂള്‍ യൂണീഫോം ധരിച്ചുനില്‍ക്കുന്ന നാല് ആണ്‍കുട്ടികളാണ് ചിത്രത്തിലുള്ളത്. 'ഈ അക്കൗണ്ട് സ്വകാര്യ സന്ദേശങ്ങള്‍ അയച്ച് എന്നെ ലൈംഗീകമായി ശല്യം ചെയ്യുകയാണ്. 

ഇത്തരം വൃത്തികേടുകള്‍ കാണുമ്പോള്‍ വഴി മാറി നടക്കാനുള്ള പ്രായം എനിക്കുണ്ട്. പക്ഷെ ഈ ചിത്രത്തില്‍ കാണുന്ന ആണ്‍കുട്ടികളെ ഒന്നു നോക്കൂ', ഐശ്വര്യ കുറിച്ചു. ദി ഡാഡ് ഓഫ് ഡെവില്‍സ് എന്ന പേരിലുള്ള ഇന്‍സ്റ്റഗ്രാം പ്രൊഫൈലാണ് നടിയുടെ സ്‌ക്രീന്‍ഷോട്ടിലുള്ളത്. ഫ്രണ്ട്സ് എന്ന ഹാഷ്ടാഗോടെ സ്‌കൂള്‍ യൂണീഫോമിലുള്ള നാല് ആണ്‍കുട്ടികളെ ചിത്രത്തില്‍ കാണാം.