ബേസില്‍ ജോസഫിനെ നായകനാക്കി നവാഗതനായ ജ്യോതിഷ് ശങ്കര്‍ സംവിധാനം ചെയ്യുന്ന 'പൊന്‍മാന്‍' എന്ന ചിത്രത്തിന്റെ ട്രെയിലര്‍ പുറത്ത്. ത്രില്ലര്‍ സ്വഭാവത്തില്‍ കഥ പറയുന്ന ഒരു ചിത്രമായിരിക്കും ഇതെന്ന സൂചനയാണ് ട്രെയിലര്‍ പങ്കുവയ്ക്കുന്നത്. ഒരു കടലോര ഗ്രാമത്തിന്റെ പശ്ചാത്തലത്തിലാണ് സിനിമയുടെ കഥ നടക്കുന്നത്. വിവാഹവും സ്ത്രീധനവുമായി ബന്ധപ്പെട്ട പ്രശ്‌നങ്ങളിലൂടെയാണ് സിനിമ വികസിക്കുന്നതെന്നാണ് ട്രെയിലര്‍ നല്‍കുന്ന സൂചന.
കോമഡി ട്രാക്ക് മാറ്റി പിടിച്ച ബേസിലിന്റെയും സജിന്‍ ഗോപുവിന്റെയും അടിമുടി നാടന്‍ അവതാരങ്ങളാണ് ട്രെയിലറിന്റെ ആകര്‍ഷണം. ശ്രദ്ധേയമായ വേഷത്തില്‍ ലിജോമോളും എത്തുന്നു. അജിത് വിനായക ഫിലിംസിന്റെ ബാനറില്‍ വിനായക അജിത് നിര്‍മിക്കുന്ന ഈ ചിത്രം, ജി ആര്‍ ഇന്ദുഗോപന്റെ 'നാലഞ്ച് ചെറുപ്പക്കാര്‍' എന്ന നോവലിനെ ആസ്പദമാക്കിയാണ് ഒരുക്കിയിരിക്കുന്നത്.
ജി ആര്‍ ഇന്ദുഗോപന്‍, ജസ്റ്റിന്‍ മാത്യു എന്നിവര്‍ ചേര്‍ന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്. പ്രശസ്ത കലാസംവിധായകനും പ്രൊഡക്ഷന്‍ ഡിസൈനറുമായ ജ്യോതിഷ് ശങ്കര്‍ സംവിധായകനായി അരങ്ങേറ്റം കുറിക്കുന്ന ചിത്രമാണിത്. ജനുവരി 30ന് ചിത്രം റിലീസ് ചെയ്യും.
യു എ സര്‍ട്ടിഫിക്കറ്റ് ലഭിച്ച ചിത്രത്തിലെ, ഇതിനോടകം പുറത്തു വന്ന ഗാനങ്ങളും മികച്ച പ്രേക്ഷകശ്രദ്ധ നേടിയിട്ടുണ്ട്. 'ബ്രൈഡാത്തി', 'പക', 'ആര്‍ഭാടം' എന്നീ ഗാനങ്ങളാണ് ഇതുവരെ റിലീസ് ചെയ്തത്. ഫസ്റ്റ്‌ലുക്ക് ഉള്‍പ്പെടെയുള്ള ചിത്രത്തിന്റെ പോസ്റ്ററുകള്‍ക്കും സമൂഹ മാധ്യമങ്ങളില്‍ നിന്ന് മികച്ച പ്രതികരണമാണ് ലഭിച്ചത്. അജേഷ് എന്ന നായക കഥാപാത്രമായി ബേസില്‍ ജോസഫ് വേഷമിട്ടിരിക്കുന്ന ചിത്രത്തില്‍, സ്റ്റെഫി ആയി ലിജോമോള്‍ ജോസ്, മരിയന്‍ ആയി സജിന്‍ ഗോപു, ബ്രൂണോ ആയി ആനന്ദ് മന്മഥന്‍ എന്നിവരും നിര്‍ണ്ണായക കഥാപാത്രങ്ങളെ അവതരിപ്പിക്കുന്നു
Premium Lifestyle and Entertainment website
സെയ്ഫ് അലി ഖാന്റെ മകന്‍ ഇബ്രാഹിമും സിനിമയിലേക്ക്; അരങ്ങേറ്റം കരണ്‍ ജോഹറിനൊപ്പം
ഞാന്‍ പുരുഷന്മാര്‍ക്ക് ഒപ്പം നില്‍ക്കുന്നയാളാണ്; പുരുഷന്മാര്‍ക്ക് ഒരിക്കലും നീതി കിട്ടുന്നതായി എനിക്ക് തോന്നിയിട്ടില്ല; ഞാനും ഒരു സ്ത്രീയാണ്; പക്ഷേ ചില കാര്യങ്ങില്‍ പുരുഷന്‍മാരുടെ ഭാഗത്ത് ന്യാം ഉണ്ട്; പ്രിയങ്ക അനൂപ്