മെഗാസ്റ്റാര്‍ ചിരഞ്ജീവിയെ നായകനാക്കി 'ബിംബിസാര' ഫെയിം വസിഷ്ഠ രചനയും സംവിധാനവും നിര്‍വ്വഹിക്കുന്ന ഫാന്റസി അഡ്വഞ്ചര്‍ ബിഗ് ബജറ്റ് ചിത്രം 'വിശ്വംഭര'യുടെ ആക്ഷന്‍ ഷെഡ്യൂള്‍ ഹൈദരാബാദില്‍ ആരംഭിച്ചു. സംഭാഷണങ്ങള്‍, ഒരു ഗാനം, ആക്ഷന്‍ ബ്ലോക്ക് എന്നിവയുടെ ചിത്രീകരണത്തിന് പിന്നാലെയാണ് ചിത്രത്തിന്റെ ആക്ഷന്‍ ഷെഡ്യൂള്‍ ആരംഭിച്ചത്.
വളരെ വേഗത്തില്‍ ചിത്രീകരണം പുരോഗമിക്കുന്ന ഈ ചിത്രം പ്രമുഖ പ്രൊഡക്ഷന്‍ ഹൗസായ യുവി ക്രിയേഷന്‍സിന്റെ ബാനറില്‍ വിക്രം, വംശി, പ്രമോദ് എന്നിവര്‍ ചേര്‍ന്നാണ് നിര്‍മ്മിക്കുന്നത്. ചിത്രത്തില്‍ ചിരഞ്ജീവിയുടെ നായികയായി തൃഷ കൃഷ്ണനാണ് എത്തുന്നത്. 2025 ജനുവരി 10 സംക്രാന്തിക്ക് ചിത്രം തിയറ്ററുകളിലെത്തും.
'ബിംബിസാര' എന്ന ബ്ലോക്ക്ബസ്റ്റര്‍ ചിത്രത്തിന് ശേഷം വസിഷ്ഠ സംവിധാനം ചെയ്യുന്ന രണ്ടാമത്തെ സിനിമയാണ് 'വിശ്വംഭര'. ഹൈദരാബാദിലെ അലൂമിയം ഫാക്ടറിയില്‍ ഫൈറ്റ് മാസ്റ്റേഴ്സ് ജോഡികളായ രാം-ലക്ഷ്മണിന്റെ മേല്‍നോട്ടത്തില്‍ ചിരഞ്ജീവിയും എതിരാളികളും തമ്മിലുള്ള തീവ്രമായ ആക്ഷന്‍ സീക്വന്‍സാണ് ഇപ്പോള്‍ ചിത്രീകരിക്കുന്നത്. വലിയ ക്യാന്‍വാസില്‍ ചിത്രീകരിക്കുന്ന ഈ ആക്ഷന്‍ സീക്വന്‍സ് സിനിമ കാണുന്ന കാഴ്ചക്കാര്‍ക്ക് ഒരു പ്രത്യേക അനുഭവം നല്‍കും.
ചിരഞ്ജീവിയുടെ ഇതുവരെയുള്ള സിനിമകളേക്കാള്‍ ഏറ്റവും ചിലവേറിയ ചിത്രമാണ് 'വിശ്വംഭര'. നവംബര്‍ അവസാനവാരത്തിലാണ് 'വിശ്വംഭര'യുടെ ചിത്രീകരണം ആരംഭിച്ചത്. സിനിമയുടെ പ്രധാന ഭാഗങ്ങള്‍ ചിത്രീകരിക്കുന്നതിനായ് 13 കൂറ്റന്‍ സെറ്റുകളാണ് ടീം ഹൈദരാബാദില്‍ സ്ഥാപിച്ചിരിക്കുന്നത്. ചിരഞ്ജീവിയും തൃഷയും ഇതിന് മുന്നെ 2006 സെപ്തംബര്‍ 20ന് പുറത്തിറങ്ങിയ 'സ്റ്റാലിന്‍' എന്ന ചിത്രത്തില്‍ ഒരുമിച്ച് അഭിനയിച്ചിട്ടുണ്ട്.
ഛായാഗ്രഹണം: ഛോട്ടാ കെ നായിഡു, ചിത്രസംയോജനം: കോത്തഗിരി വെങ്കിടേശ്വര റാവു, സന്തോഷ് കാമിറെഡ്ഡി, സംഗീതം: എം എം കീരവാണി, ഗാനരചന: ശ്രീ ശിവശക്തി ദത്ത, ചന്ദ്രബോസ്, സ്‌ക്രിപ്റ്റ് അസോസിയേറ്റ്‌സ്: ശ്രീനിവാസ് ഗവിറെഡ്ഡി, ഗന്ത ശ്രീധര്‍, നിമ്മഗദ്ദ ശ്രീകാന്ത്, മയൂഖ് ആദിത്യ, സംഭാഷണങ്ങള്‍: സായി മാധവ് ബുറ, പ്രൊഡക്ഷന്‍ ഡിസൈനര്‍: എ എസ് പ്രകാശ്, വസ്ത്രാലങ്കാരം: സുസ്മിത കൊനിഡേല. ലൈന്‍ പ്രൊഡ്യൂസര്‍: റാമിറെഡ്ഡി ശ്രീധര്‍ റെഡ്ഡി, പിആര്‍ഒ: ശബരി.
Premium Lifestyle and Entertainment website
ഇവിടെ നടക്കുന്നത് ചീഞ്ഞ രാഷ്ട്രീയ കളികള്‍; അതിലും എത്രയോ ഭേദം ആണ് സീരിയല്‍; ഞാന്‍ പറഞ്ഞ കാര്യങ്ങള്‍ കേരളത്തില്‍ നിരോധിക്കാന്‍ പറ്റുമോ? അത് ആദ്യംനടക്കട്ടെയെന്ന് സീമാ ജി നായര്‍; ആര്‍ക്കും മറുപടി പറയാനില്ലെന്ന് പ്രേംകുമാര്‍
തെലുങ്ക് താരം സുബ്ബരാജു വിവാഹിതനായി;47-ാം വയസ്സില്‍ ബാഹുബലി താരത്തിന് വിവാഹം; വധുവിനൊപ്പമുള്ള ചിത്രവുമായി നടന്‍