സൗബിന്‍ ഷാഹിര്‍, ശ്രീനാഥ് ഭാസി, ബാലു വര്‍ഗീസ്, ഗണപതി, ലാല്‍ ജൂനിയര്‍, ചന്തു സലിംകുമാര്‍, അഭിറാം രാധാകൃഷ്ണന്‍, ദീപക് പറമ്പോല്‍, ഖാലിദ് റഹ്‌മാന്‍, അരുണ്‍ കുര്യന്‍, വിഷ്ണു രഘു തുടങ്ങിയവരെ കേന്ദ്ര കഥാപാത്രങ്ങളാക്കി ചിദംബരം സംവിധാനം ചെയ്യുന്ന മഞ്ഞുമ്മല് ബോയ്‌സ്' ട്രെയിലര്‍ പുറത്ത്.
യഥാര്‍ത്ഥ സംഭവത്തെ ആസ്പദമാക്കി ഒരുങ്ങുന്ന സര്‍വൈവല്‍ ത്രില്ലറാണ് മഞ്ഞുമ്മല് ബോയ്‌സ്. വാര്‍ത്തകളില്‍ നിറഞ്ഞു നിന്ന 'ഗുണാ കേവ്‌സ്' , 'ഡെവിള്‍സ് കിച്ചന്‍' എന്നിവയുമായി എത്തിയ ട്രെയിലര്‍ പ്രേക്ഷകര്‍ക്കിടയില്‍ കൂടുതല്‍ കൗതകം ഉണര്‍ത്തുന്നു.
കൊടൈക്കനാല്‍ ടൗണിന് പുറത്താണ് 'ഡെവിള്‍സ് കിച്ചന്‍' എന്നറിയപ്പെടുന്ന 300 അടി താഴ്ചയുള്ള 'ഗുണാ കേവ്‌സ്' സ്ഥിതി ചെയ്യുന്നത്. ഒരു അപകടത്തിന് ശേഷം, അധികാരികള്‍ ഗുഹക്ക് ചുറ്റും സംരക്ഷണഭിത്തി പണികഴിപ്പിച്ചെങ്കിലും പലരും അങ്ങോട്ടേക്ക് പോവാന്‍ ഭയപ്പെട്ടിരുന്നു. 1992 ല്‍ പുറത്തിറങ്ങിയ കമല്‍ഹാസന്‍ ചിത്രം 'ഗുണ'യിലെ 'കണ്മണി അന്‍പോട് കാതലന്‍' എന്ന ഗാനവും സിനിമയും പാതിയിലേറെയും ചിത്രീകരിച്ചത് 'ഡെവിള്‍സ് കിച്ചന്‍' ഗുഹയിലാണ്. സിനിമ പുറത്തിറങ്ങിയതിനുശേഷം 'ഗുണ ഗുഹ' എന്ന പേരില്‍ അറിയപ്പെട്ടു തുടങ്ങി .ഡെവിള്‍സ് കിച്ചനില്‍ അക പ്പെട്ട സുഹൃത്തിനെ രക്ഷിക്കാന്‍ നടത്തുന്ന മഞ്ഞുമ്മല് ബോയിസിന്റെ ശ്രമം ആണ് ചിത്രം പറയുന്നത്.
പറവ ഫിലിംസും ശ്രീ ഗോകുലം മൂവിസും ചേര്‍ന്ന് പ്രേക്ഷകര്‍ക്ക് മുന്നിലെത്തിക്കുന്ന ചിത്രത്തിന്റെ ഓള്‍ ഇന്ത്യ ഡിസ്ട്രിബ്യൂഷന്‍ ഡ്രീം ബിഗ് ഫിലിംസാണ് . പിആര്‍ ആന്റ് മാര്‍ക്കറ്റിങ്: വൈശാഖ് വടക്കേവീട്, ജിനു അനില്‍കുമാര്‍.
Premium Lifestyle and Entertainment website
കാപാലികയുടെ പോസ്റ്റര്‍ പുറത്തുവന്നതിന് പിന്നാലെ സോന നായര്‍ക്ക് സിനിമകള്‍ ഒന്നുമില്ല സാരിയൊക്കെ അഴിച്ചു തുടങ്ങിയെന്ന് കമന്റ്; ഫെയ്‌സ്ബുക്ക് നോക്കുന്നത് നിര്‍ത്തി;കുന്നുമ്മല്‍ ശാന്ത എന്ന കഥാപാത്രത്തിന് ഷൂട്ടിങ്ങില്‍ പൂര്‍ണത ഉണ്ടായിരുന്നു, എന്നാല്‍ റിലീസ് ചെയ്തപ്പോള്‍ പൂര്‍ണത ഉണ്ടായില്ല; സോനാ നായര്‍ക്ക് പറയാനുള്ളത്
ആ ഓര്‍മ്മകളില്‍ 26 വര്‍ഷം പിറകോട്ട് സഞ്ചരിക്കാന്‍ മഞ്ജുവിന് കഴിഞ്ഞിരിക്കും; കന്മദം ലൊക്കേഷനില്‍ വീണ്ടുമെത്താനുള്ള മഞ്ജു വാര്യര്‍ ആഗ്രഹം സഫലമായ നിമിഷങ്ങള്‍ പങ്ക് വച്ച് പ്രൊഡക്ഷന്‍ കണ്‍ട്രോളര്‍ സിദ്ധു പനയ്ക്കല്‍