നവാഗതനായ സുധീഷ് ഗോപിനാഥ് സംവിധാനം ചെയ്യുന്ന 'മദനോത്സവം' എന്ന സിനിമയുടെ ട്രെയ്ലര്‍ പുറത്തിറങ്ങി. സൈന മൂവീസിന്റെ യൂട്യൂബ് ചാനലിലൂടെയാണ് ട്രെയ്ലര്‍ റിലീസ് ചെയ്തത്. രസകരമായ സംഭവ വികാസങ്ങള്‍ കോര്‍ത്തിണക്കിയ ചിത്രമായിരിക്കുമിത് എന്ന് ഉറപ്പ് നല്‍കുന്നതാണ് ട്രെയ്ലര്‍.
സുരാജ് വെഞ്ഞാറമൂട് ആണ് സിനിമയിലെ പ്രധാന കഥാപാത്രമായ മദനനെ അവതരിപ്പിക്കുന്നത്. കോഴിക്കുഞ്ഞുങ്ങള്‍ക്ക് കളറടിക്കുന്ന ജോലി ചെയ്യുന്ന മദനന്റെ ജീവിതത്തിലെ ചില സംഭവവികാസങ്ങളിലൂടെയാണ് ചിത്രം പുരോഗമിക്കുന്നത്. സുധീഷ് ഗോപിനാഥ് സംവിധാനം ചെയ്യുന്ന ചിത്രം വിനായക അജിത്താണ് നിര്‍മിക്കുന്നത്. ചിത്രത്തിന്റെ തിരക്കഥ ഒരുക്കിയിരിക്കുന്നത് രതീഷ് ബാലകൃഷ്ണ പൊതുവാള്‍ ആണ്. ബാബു ആന്റണിയും ചിത്രത്തിലെ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. വിഷു റിലീസ് ആയി ഏപ്രില്‍ 14ന് ചിത്രം തിയേറ്ററുകളിലേക്ക് എത്തും.
ഇ സന്തോഷ് കുമാറിന്റെ നോവലിനെ ആസ്പദമാക്കിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.ബാബു ആന്റണിയും ചിത്രത്തിലെ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ന്നാ താന്‍ കേസ് കൊട് എന്ന ചിത്രത്തിന് ശേഷം രതീഷ് തിരക്കഥ ഒരുക്കുന്ന ചിത്രം കൂടിയാണ് ഇത്. ഭാമ അരുണ്‍, രാജേഷ് മാധവന്‍, പി പി കുഞ്ഞികൃഷ്ണന്‍, രഞ്ജി കാങ്കോല്‍, രാജേഷ് അഴിക്കോടന്‍, ജോവല്‍ സിദ്ധിഖ്, സ്വാതിദാസ് പ്രഭു, സുമേഷ് ചന്ദ്രന്‍ എന്നിവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ഛായാഗ്രഹണം - ഷെഹ്നാദ് ജലാല്‍, എഡിറ്റിങ്ങ് - വിവേക് ഹര്‍ഷന്‍, ക്രിയേറ്റീവ് പ്രൊഡ്യൂസര്‍ - ജെയ് കെ, പ്രൊഡക്ഷന്‍ ഡിസൈനര്‍ - ജ്യോതിഷ് ശങ്കര്‍, സൗണ്ട് ഡിസൈന്‍ - ശ്രീജിത്ത് ശ്രീനിവാസന്‍, പ്രൊഡക്ഷന്‍ കണ്‍ട്രോളര്‍ - രഞ്ജിത് കരുണാകരന്‍, ആര്‍ട്ട് ഡയറക്റ്റര്‍ - കൃപേഷ് അയ്യപ്പന്‍കുട്ടി, സംഗീത സംവിധാനം - ക്രിസ്റ്റോ സേവിയര്‍, വസ്ത്രാലങ്കാരം - മെല്‍വി ജെ, മേക്കപ്പ് - ആര്‍ ജി വയനാടന്‍, അസ്സോസിയേറ്റ് ഡയറക്ടര്‍ - അഭിലാഷ് എം യു, സ്റ്റില്‍സ് - നന്ദു ഗോപാലകൃഷ്ണന്‍, ഡിസൈന്‍ - അരപ്പിരി വരയന്‍.
Premium Lifestyle and Entertainment website
വിജയരാഘവന്‍ ടൈറ്റില്‍ കഥാപാത്രത്തെ അവതരിപ്പിക്കുന്ന ഔസേപ്പിന്റെ ഒസ്യത്ത് ട്രെയിലര്‍ പുറത്ത്; ചിത്രം 7 ന് റിലീസിന്
ക്രിപ്‌റ്റോ കറന്‍സി തട്ടിപ്പ്: തെറ്റായ വാര്‍ത്തകള്‍ പ്രചരിപ്പിച്ചാല്‍ നിയമനടപടി സ്വീകരിക്കുമെന്ന് നടി തമന്ന; രണ്ടു പേരെ പുതുച്ചേരി പൊലീസ് അറസ്റ്റ് ചെയ്തു