ഹാപ്പി വെഡ്ഡിങ്ങ്‌സിലൂടെ മലയാളത്തിലേക്ക് എത്തിയ സംവിധായകനാണ് ഒമര്‍ ലുലു. പിന്നാലെ ചങ്ക്‌സ്, ഒരു അഡാര്‍ ലൗ എന്നീ ചിത്രങ്ങളും താരം സംവിധാനം ചെയ്തിരുന്നു. ഇതില്‍ അഡാര്‍ ലൗ ഏറെ ശ്രദ്ധിക്കപ്പെട്ടിരുന്നു. എന്നാല്‍ പിന്നാലെ ഇറങ്ങിയ ധമാക്ക ബോക്‌സോഫീസില്‍ വേണ്ടത്ര ശ്രദ്ധിക്കപ്പെട്ടില്ല. എന്നാൽ ഇപ്പോൾ സംവിധായകന്‍ ഒമര്‍ ലുലുവിന്റെ പേരില്‍ വ്യാജ നമ്പര്‍ സമൂഹമാധ്യമങ്ങളിൽ പ്രചരിക്കുകയാണ്. ഇക്കാര്യം തന്റെ ഫേസ്ബുക്കില്‍ ഒമര്‍ ലുലു തന്നെയാണ് പങ്കുവെച്ചത്. താരം വ്യാജ നമ്പറും പോസ്റ്റിനൊപ്പം പങ്കുവെച്ചിട്ടുണ്ട്. മേസജ് ലഭിക്കുന്നവര്‍ ശ്രദ്ധിക്കുക. ഏതെങ്കിലും തരത്തിലുള്ള പറ്റിക്കല്‍ നടന്നാല്‍ താന്‍ ഉത്തരവാദിയല്ലെന്നും ഒമര്‍ ലുലു തന്റെ പോസ്റ്റിലൂടെ അറിയിക്കുകയും ചെയ്തു.
ശ്രദ്ധിക്കുക, ഇത് എന്റെ നമ്പറല്ല . വ്യജമാണ്. ഏതെങ്കിലും രീതിയിലുള്ള പറ്റിക്കല്‍ നടന്നാല്‍ ഞങ്ങള്‍ ഉത്തരവാദികളല്ല എന്നുമാണ് താരം കുറിച്ചിരിക്കുന്നത്. മലയാള സിനിമയിലെ പ്രിയപ്പെട്ട വില്ലന്‍മാരെ പ്രധാന കഥാപാത്രങ്ങളാക്കി ഒമര്‍ ലുലു ഒരുക്കുന്ന സിനിമയാണ് പവര്‍ സ്റ്റാര്‍. ബാബുരാജ്, അബു സലിം, റിയാസ് ഖാന്‍ എന്നിവരും ബാബു ആന്റണി നായകനായെത്തുന്ന ചിത്രത്തില്‍ പ്രധാന വേഷങ്ങളിലുണ്ട്. കൂടാതെ ഹോളിവുഡ് സൂപ്പര്‍ താരം ലൂയിസ് മാന്‍ഡിലോറും എത്തുന്നുണ്ട്.
നായികയോ പാട്ടുകളോ കൊക്കൈന്‍ പ്രമേയമാകുന്ന ചിത്രത്തില്‍ ഇല്ല. മംഗലാപുരം, കാസര്‍ഗോഡ്, കൊച്ചി എന്നിവയാണ് സിനിമയുടെ ലൊക്കേഷനുകള്‍. മലയാളത്തില്‍ പുതുമുഖങ്ങളെ അണിനിരത്തി പ്രണയ ചിത്രങ്ങളൊരുക്കിയിട്ടുള്ള ഒമര്‍ ലുലു ആദ്യമായി ആക്ഷന്‍ കൈകാര്യം ചെയ്യുന്ന സിനിമ കൂടിയാണ് പവര്‍സ്റ്റാര്‍.
Premium Lifestyle and Entertainment website
'സ്വകാര്യതയെ മാനിച്ചുകൊണ്ട് ഒരു മുന്‍വിധിയിലും എത്തരുത്''; എ ആര്‍ റഹ്മാന്റെ വിവാഹമോചനത്തിന് പിന്നാലെ ബാന്‍ഡിലെ ബാസിസ്റ്റ് മോഹിനി ഡേയും ഭര്‍ത്താവും വേര്‍പിരിഞ്ഞു; പരസ്പര ധാരണയിലാണ് വേര്‍പിരിയലെന്നും എല്ലാവരും പിന്തുണക്കണമെന്നും അഭ്യര്‍ത്ഥന 
നടുക്കടലില്‍ അനുമതിയില്ലാതെ സിനിമ ഷൂട്ടിംഗ് നടത്തി; രണ്ട് ബോട്ടുകള്‍ പിടിച്ചെടുത്തു; സംഭവം ചെല്ലാനത്ത്