കണ്ണും നെറ്റിയും എല്ലാം കാവ്യ തന്നെ; അമ്മയ്‌ക്കൊപ്പം മഹാലക്ഷ്മി; ചിത്രം വൈറൽ

ജനപ്രിയ നടനാണ് ദിലീപ്. ദിലീപ് അഭിനയത്തിലൂടെ മലയാളികളെ വിസ്മയിപ്പിച്ചു എങ്കില്‍ അദ്ദേഹത്തിന്റെ കുടുംബം പ്രേക്ഷകര്‍ക്ക് മുന്‍പില്‍ ഒരു ചെറു ചിരിയോടെയെത്തിയാല്‍ അതും ആവേശമാണ് ആരാധകര്‍ക്ക്. വര്‍ഷങ്ങള്‍ക്കിപ്പുറം കാവ്യയെ ജീവിത സഖിയാക്കിയപ്പോള്‍, ദിലീപിനോടും കുടുംബത്തോടും ഉള്ള ഇഷ്ടവും സ്‌നേഹവും കൂടിയാണ് വര്‍ദ്ധിച്ചത് . ദിലീപിനെയും കാവ്യയെയും സംബന്ധിക്കുന്ന എന്ത് വിശേഷങ്ങള്‍ക്കും ആരാധകര്‍ ഏറെയാണ്. സിനിമയിലോ മിനി സ്‌ക്രീനിലോ മുഖം കാണിച്ചിട്ടില്ല എങ്കിലും ദിലീപിന്റെ രണ്ടുമക്കളും സോഷ്യല്‍ മീഡിയയുടെ സ്വന്തമാണ്. കഴിഞ്ഞ ദിവസം കൂടി മീനാക്ഷിയുടെ ഒരു കൊറിയോഗ്രഫിയില്‍ വിരിഞ്ഞ നമിതയുടെ ഡാന്‍സ് വീഡിയോ കണ്ടത് ലക്ഷകണക്കിനു ആരാധകര്‍ ആണ് ഇതിനു പിന്നാലെയാണ് മീനൂട്ടിയുടെ അനുജത്തി കുട്ടിയുടെ പുത്തന്‍ ചിത്രം വൈറലാകുന്നത്.

ജനപ്രിയ നായകന്റെ ഭാര്യ ആയി, അഭിനയത്തില്‍ നിന്നും വിട്ടു നില്‍ക്കുന്ന കാവ്യ സമ്പൂര്‍ണ്ണ കുടുംബിനിയുടെ റോളില്‍ ആണ് ഇപ്പോള്‍ തിളങ്ങുന്നത്. ചുരുക്കം സമയങ്ങളില്‍ മാത്രമാണ് കാവ്യ സോഷ്യല്‍ മീഡിയ വഴി പ്രത്യക്ഷപ്പെടുക. അത്രക്കും അടുപ്പമുള്ളവര്‍ക്ക് ഒപ്പമുള്ള ചിത്രങ്ങളും വീഡിയോകളും മാത്രമാകും സോഷ്യല്‍ മീഡിയ വഴി കാവ്യയുടെ പ്രിയപ്പെട്ടവര്‍ പങ്കിടുക.

ഏറെ ഗോസിപ്പിപ്പുകള്‍ക്ക് ഒടുവിലാണ് ദിലീപും കാവ്യ മാധവനും ഒരുമിച്ചത്. വിവാഹത്തിന് മണിക്കൂറുകള്‍ക്ക് മുന്‍പായാണ് പലരേയും ഇരുവരും അതേക്കുറിച്ച് അറിയിച്ചത്. 16 വര്‍ഷത്തെ ദാമ്പത്യ ജീവിതം അവസാനിപ്പിച്ച് വര്‍ഷങ്ങള്‍ പിന്നിടുന്നതിനിടയിലായിരുന്നു ദിലീപിന്റെ ജീവിതത്തിലേക്ക് കാവ്യ മാധവന്‍ എത്തിയത്. മകളായ മീനാക്ഷിയായിരുന്നു വിവാഹത്തിന് ചുക്കാന്‍ പിടിച്ചത്.

2018 ഒക്ടോബര്‍ 19-നാണ് ദിലീപിനും കാവ്യയ്ക്കും പെണ്‍കുഞ്ഞ് ജനിക്കുന്നത്.. കൊച്ചിയിലെ സ്വകാര്യ ആശുപത്രിയില്‍ വച്ചായിരുന്നു കാവ്യാ മാധവന്‍ കുഞ്ഞിന് ജന്മം നല്‍കിയത്. ''പ്രിയപ്പെട്ടവരെ, ഈ വിജയദശമി ദിനത്തില്‍ എന്റെ കുടുംബത്തില്‍ മീനാക്ഷിക്ക് ഒരു കുഞ്ഞനുജത്തി കൂടി എത്തിയിരിക്കുന്നു. അമ്മയും കുഞ്ഞും സുഖമായിരിക്കുന്നു. നിങ്ങളുടെ സ്‌നേഹവും പ്രാര്‍ഥനയും എന്നും ഞങ്ങള്‍ക്കൊപ്പമുണ്ടാവണം'', എന്നാണ് മകളുടെ ജനനം അറിയിച്ചു കൊണ്ട് ദിലീപ് കുറിച്ചത്.

കാവ്യക്ക് ഒപ്പമുള്ള മഹാലക്ഷ്മിയുടെ ചിത്രമാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്. ആരാധകന്റെ ഒപ്പമാണോ അതോ ബന്ധുവിന് ഒപ്പമുള്ള ചിത്രമാണോ എന്ന സംശയവും ആരാധകര്‍ പങ്കിടുന്നുമുണ്ട്. അതെ സമയം കാവ്യയുടെ സഹോദരന്‍ മിഥുന്റെ മകള്‍ അനൗകയുടെ ഛായ ആണെന്നും അതല്ല മീനാക്ഷിയുടെ അതെ ഫേസ് കട്ട് ആണെന്നും മഹാലക്ഷ്മിയുടെ ചിത്രങ്ങള്‍ ഏറ്റെടുത്തുകൊണ്ട് ആരാധകര്‍ പറയുന്നു.