എന്നെന്നും എന്റെത്; കുടുംബ ചിത്രം പങ്കുവച്ച് നടൻ സുരേഷ് ​ഗോപി

നടനായും അവതാരകനായും രാഷ്ട്രീയക്കാരനായും ഒക്കെ മലയാളികള്‍ക്ക് പകരം വയ്ക്കാനാകാത്ത പേരാണ് സുരേഷ് ഗോപിയുടേത്. നിരവധി കരുത്തുറ്റ കഥാപാത്രങ്ങളിലൂടെ മലയാളി പ്രേക്ഷകരുടെ മനസ്സില്‍ ഇടം നേടിയ നടനാണ് സുരേഷ് ഗോപി. പോലീസ് ഓഫീസറായും ഐഎഎസ്സുകാരനായും ഗുണ്ടയായും പത്രപ്രവര്‍ത്തകനായുമൊക്കെ നിരവധി റോളുകളിലാണ് താരം തിളങ്ങിയത്. നിലവിൽ താരം ഒരു രാജ്യസഭാ അംഗം കൂടിയാണ്. താരത്തിന്റെത് ഒരു കൊച്ചു വല്യ കുടുംബം കൂടിയാണ്.

എന്നാൽ ഇപ്പോൾ കുടുംബ ചിത്രം പങ്കുവച്ച് മലയാളത്തിന്റെ സൂപ്പർതാരം സുരേഷ് ഗോപി രംഗത്ത് എത്തിയിരിക്കുകയാണ്. ഭാര്യ രാധിക, മക്കൾ ഗോകുൽ സുരേഷ്, ഭാഗ്യ സുരേഷ്, ഭാവ്‌നി സുരേഷ്, മാധവ് സുരേഷ് എന്നിവർക്കൊപ്പമുള്ള ചിത്രം ‘മയിൻ ഫോർ  എവർ’ എന്ന കുറിപ്പോടെയാണ് താരം പോസ്റ്റ് ചെയ്തിരിക്കുന്നത്. ​ഗാനരചയിതാവ് രാജീവ് ആലുങ്കൽ ഉൾപ്പെടെ നിരവധി പേരാണ് ചിത്രത്തിന് കമന്റുകളുമായെത്തിയത്.

സുരേഷ് ഗോപിയും മകൻ ഗോകുലും ആദ്യമായി ഒന്നിക്കുന്ന പാപ്പൻ എന്ന ചിത്രത്തിന്റെ ട്രെയിലർ കഴിഞ്ഞ ദിവസം റിലീസായിരുന്നു. ട്രെയിലർ ഹിറ്റാണ്. ജോഷിയാണ് സംവിധാനം. പുതിയ താരങ്ങൾക്കായി സിനിമ മേഖലയിൽ നിന്ന് ഒഴിഞ്ഞ് മാറികൊടുത്ത താരത്തിന് നിലവിൽ ലഭിക്കുന്ന വേഷങ്ങൾ എല്ലാം തന്നെ ശ്രദ്ധ നേടുന്നവയാണ്. താരം ഒരു ഗായകനായും അവതാരകനുമായ എല്ലാം തന്നെ പേരെടുത്തു കഴിഞ്ഞിരിക്കുകയാണ്.