മെലിഞ്ഞ് അതീവ സുന്ദരിയായി റായ് ലക്ഷ്മിയുടെ പുതിയ മേക്കോവര്‍; താരത്തിന്റെ മേക്കോവര്‍ കണ്ട് ഞെട്ടി ആരാധകര്‍; ശരീരം ഇങ്ങനെയാക്കാന്‍ ഒരുപാട് കഷ്ടപ്പെട്ടുവെന്ന് താരവും

തെന്നിന്ത്യന്‍ സിനിമാപ്രേക്ഷകരുടെ പ്രിയപ്പെട്ട താരങ്ങളിലൊരാളാണ് റായ് ലക്ഷ്മി. മലയാളത്തില്‍ സൂപ്പര്‍ താരങ്ങളുടെ നായികയായി നിരവധി തവണ താരമെത്തി. മലയാളത്തില്‍ ഒരുപാട് നല്ല വേഷങ്ങള്‍ കൈകാര്യം ചെയ്ത താരം അന്യഭാഷയിലേക്ക് പ്രവേശിച്ചതോടെ ഗ്ലാമറസ് കഥാപാത്രങ്ങള്‍ സ്വീകരിച്ച് തുടങ്ങി. ജൂലി 2 ല്‍ അതീവ ഗ്ലാമറസായെത്തി ആരാധകരെ ഞെട്ടിച്ചിരുന്നു റായ് ലക്ഷ്മി. ഇപ്പോഴിത പുതിയ മേക്കോവറുമായി എത്തിയാണ് താരം പ്രേക്ഷകരെ ഞെട്ടിച്ചിരിക്കുന്നത്.

ആരേയും അത്ഭുതപ്പെടുത്തുന്ന തരത്തിലുള്ള മേക്കോവര്‍ നടത്താറുള്ള താരത്തിന്റെ അത്തരത്തിലുള്ള ചിത്രങ്ങള്‍ നിമിഷനേരം കൊണ്ടാണ് വൈറലായി മാറുന്നത്. ഇപ്പോഴിതാ ട്വിറ്ററിലൂടെ താരം തന്റെ പുതിയ വിശേഷം പങ്കുവെച്ച് എത്തിയിരിക്കുകയാണ്. കൂടുതല്‍ മെലിഞ്ഞ് അതീവ സുന്ദരിയായിട്ടാണ് താരം എത്തിയിരിക്കുന്നത്. നീല നിറത്തിലുള്ള ബിക്കിനിയണിഞ്ഞ് നില്‍ക്കുന്ന ചിത്രവും റായ് ലക്ഷ്മി പങ്കുവെച്ചിട്ടുണ്ട്.

പുതിയ രൂപം തനിക്ക് നല്‍കുന്ന ആത്മവിശ്വാസത്തെക്കുറിച്ചും പുതിയൊരാളായി മാറിയത് പോലെയാണ് തനിക്ക് തോന്നുന്നതെന്നുമൊക്കെയായിരുന്നു ചിത്രം പങ്കുവെച്ചുകൊണ്ട് റായ് ലക്ഷ്മി കുറിച്ചത്. ട്വിറ്ററിലൂടെയായിരുന്നു മേക്കോവര്‍ വിശേഷങ്ങളെക്കുറിച്ച് താരം വാചാലയായത്. മാത്രമല്ല ഈ രൂപത്തിലേക്ക് മാറുന്നതിനായി താന്‍ ഒരുപാട് കഷ്ടപ്പാടുകള്‍ സഹിച്ചിട്ടുണ്ടെന്നും താരം പറയുന്നു. പഴയ രൂപത്തിലുള്ള തന്നെ ഓര്‍ത്തെടുക്കാന്‍ പോലും കഴിയുന്നില്ല. ജീവിതകാലം മുഴുവന്‍ നേടാനും നഷ്ടപ്പെടുത്താനുമായുള്ള പോരാട്ടത്തിലായിരുന്നു താന്‍. ഇപ്പോള്‍ പുതിയ വ്യക്തിയായത് പോലെയാണ് തോന്നുന്നതെന്നും ഇപ്പോള്‍ സംഭവിച്ച മാറ്റത്തെ താനിഷ്ടപ്പെടുന്നുവെന്നും താരം കുറിച്ചിട്ടുണ്ട്. ആരാധകര്‍ മാത്രമല്ല താരങ്ങളും റായ് ലക്ഷ്മിയെ അഭിനന്ദിച്ച് രംഗത്തെത്തിയിട്ടുണ്ട്.

ഫിറ്റ് ആയിരിക്കുക എന്ന് വെച്ചാല്‍ ശാരീരികമായി മാത്രമല്ല, അത് അടിമുടിയുള്ള മാറ്റമാണെന്നാണ് താരം പറയുന്നത്.  ഇത്തരമൊരു മാറ്റത്തിന് തുടക്കം കുറിക്കാനായതില്‍ തനിക്ക് വളരെ സന്തോഷമുണ്ട്. നിങ്ങളില്‍ വിശ്വസിച്ചാല്‍ എന്തും നേടിയെടുക്കാനാവുമെന്നും താരം കുറിച്ചിട്ടുണ്ട്. തന്റെ ജീവിതത്തിലെ വിജയത്തിന്റെ രഹസ്യം കൂടി താരം പങ്കുവെച്ചിട്ടുണ്ട്. മേക്കോവറിന് പിന്നാലെയായുള്ള മാറ്റത്തെക്കുറിച്ച് വാചാലയായെത്തിയ താരത്തോട് അടുത്ത സിനിമയെക്കുറിച്ചും ആരാധകര്‍ ചോദിച്ചു. തമിഴിലും കന്നഡയിലുമായി നിരവധി സിനിമകളാണ് നടിയുടെതായി ഒരുങ്ങുന്നത്. 

ആരേയും അത്ഭുതപ്പെടുത്തുന്ന തരത്തിലുള്ള മേക്കോവറുകളുമായാണ് ഓരോ തവണയും റായ് ലക്ഷ്മി എത്താറുള്ളത്. റായ് ലക്ഷ്മി മാത്രമല്ല നിരവധി താരങ്ങളാണ് ആരാധകരെ ഞെട്ടിച്ചുകൊണ്ട് പുതിയ മേക്കോവറുമായി എത്താറുള്ളത്. ഇപ്പോള്‍ ലക്ഷ്മിയുമെത്തി. തെന്നിന്ത്യന്‍ സിനിമകളിലെല്ലാം ഒരുപോലെ തിളങ്ങി നില്‍ക്കുന്ന താരത്തിന് ആരാധകരും ഏറെയാണ്. ബോളിവുഡിലെത്തിയപ്പോഴും താരം നിരാശപ്പെടുത്തിയിരുന്നില്ല. ഏത് തരത്തിലുള്ള കഥാപാത്രത്തേയും അവതരിപ്പിക്കാന്‍ തനിക്ക് കഴിയുമെന്ന് തെളിയിച്ചായിരുന്നു താരത്തിന്റെ കുതിപ്പ്. വ്യത്യസ്തമായ കഥാപാത്രങ്ങളുമായാണ് താരം എത്താറുള്ളത്. അതേസമയം സിനിമയിലായാലും ജീവിതത്തിലായാലും സ്വന്തം നിലപാടുകള്‍ കൃത്യമായി വ്യക്തമാക്കുന്നയാള്‍ കൂടിയാണ് റായ് ലക്ഷ്മി. വീണ്ടും മെലിഞ്ഞോ താരമെന്നായിരുന്നു ആരാധകരുടെ ചോദ്യം. മറ്റ് ചിലരാവട്ടെ എങ്ങനെ ഇങ്ങനെയാവാന്‍ കഴിയുന്നുവെന്ന തരത്തിലുള്ള ചോദ്യങ്ങളാണ് ഉന്നയിച്ചിട്ടുള്ളത്.

അതേസമയം കൂടെക്കിടക്കണമെന്ന് പറഞ്ഞ് ആരും നിര്‍ബന്ധിക്കില്ലെങ്കിലും നിര്‍ഭാഗ്യവശാല്‍ ചിലരൊക്കെ ഈ മേഖലയില്‍ കടന്നുവരുന്നത് തന്നെ ഇത്തരം കാര്യത്തിന് വേണ്ടിയാണെന്നാണ് ജൂലി 2 ന്റെ അനുഭവത്തെക്കുറിച്ച് ചോദിച്ചപ്പോള്‍ താരം പറഞ്ഞത്. ഇത് തന്നെ വല്ലാതെ അസ്വസ്ഥമാക്കിയിരുന്നുവെന്നും റായ് ലക്ഷ്മി പറഞ്ഞിരുന്നു. താല്‍പര്യമില്ലാത്തയാളുടെ കൂടെ കിടക്ക പങ്കിടുന്ന ആ രംഗങ്ങള്‍ ചിത്രീകരിച്ച രീതിയും അറപ്പുളവാക്കുന്നതായിരുന്നു എന്നാണ്  ജൂലി 2 ചിത്രീകരണത്തെക്കുറിച്ച് താരം പറഞ്ഞത് . പ്രേക്ഷകര്‍ ആലോചിക്കുന്നതിനും അപ്പുറത്തുള്ള രംഗങ്ങളില്‍ അഭിനയിക്കേണ്ടി വന്നിരുന്നു. അതേക്കുറിച്ച് എങ്ങനെ സംസാരിക്കണമെന്നും പോലും തനിക്കറിയില്ല. കാണുന്നവര്‍ക്കും അസ്വാഭാവികത അനുഭവപ്പെടുന്ന രീതിയിലാണ് ആ രംഗം ചിത്രീകരിച്ചതെന്ന് താരം നേരത്തെ വ്യക്തമാക്കുകയും ചെയ്തിരുന്നു.

Worked hard & how to achieve this bikini body !