കരിങ്കാളിയല്ലേ' എന്ന ഗാനം പരസ്യത്തിനായി ഉപയോഗിച്ച നയന്‍താരയ്ക്കെതിരെ പരാതി. പാട്ടിന്റെ നിര്‍മാതാക്കളാണ് നടിക്കെതിരെ പരാതിയുമായി രംഗത്തെത്തിയി രിക്കുന്നത്. ലക്ഷങ്ങളുടെ നഷ്ടമാണ് ഇതുവഴി ഉണ്ടായിരിക്കുന്നതെന്നാണ് നിര്‍മാതാക്കള്‍ പറയുന്നത്.
ഫഹദ് ഫാസിലിന്റെ ആവേശം സിനിമ തിയേറ്ററില്‍ എത്തിയതിന് പിന്നാലെയാണ് സോഷ്യല്‍ മീഡിയ പ്ലാറ്റ്‌ഫോമുകളില്‍ കരിങ്കാളിയല്ലേ എന്ന ഗാനം ട്രെന്‍ഡിങ് ആയത്. മലയാള സിനിമയിലെയും തെന്നിന്ത്യന്‍ ഭാഷകളിലെയും നിരവധി പ്രമുഖര്‍ പാട്ടിന്റെ പശ്ചാത്തലത്തില്‍ റീല്‍സ് ചെയ്തിരുന്നു. എന്നാല്‍ നയന്‍താരയുടെ സംരംഭമായ ഫെമി9 എന്ന സാനിറ്ററി നാപ്കിന്റെ പരസ്യത്തിനായി ഈ ഗാനം ഉപയോഗിച്ചു എന്നാണ് നിര്‍മാതാക്കളുടെ പരാതി.
ഇന്ത്യയിലെ പ്രമുഖ രണ്ട് ബ്രാന്‍ഡുകളുടെ കോണ്‍ട്രാക്ട് ഒപ്പിടാന്‍ ഇരിക്കെയാണ് ഈ പ്രമോഷന്‍ വീഡിയോ എത്തുന്നതെന്നും ഇതോടെ കമ്പനികള്‍ കരാറില്‍ നിന്നും പിന്തിരിഞ്ഞെന്നും പാട്ടിന്റെ യഥാര്‍ത്ഥ നിര്‍മാതാക്കള്‍ പറഞ്ഞു. ഇതുവഴി കടുത്ത സാമ്പത്തിക നഷ്ടമാണ് ഉണ്ടായതെന്നും നിര്‍മാതാക്കള്‍ കൂട്ടിച്ചേര്‍ത്തു. 'കരിങ്കാളിയല്ലേ' എന്ന് തുടങ്ങുന്ന ഗാനത്തിന് വരികളെഴുതിയത് കണ്ണന്‍ മംഗലത്തും സംഗീതം നിര്‍വഹിച്ചത് ഷൈജു അവറാനുമാണ്.
Premium Lifestyle and Entertainment website
50 വയസിന് ശേഷമാണ് കുഞ്ഞ് പിറന്നിരിക്കുന്നത്; ഞാന്‍ ജീവിതത്തില്‍ സങ്കല്‍പ്പിച്ചത് പോലുമല്ല; മകള്‍ പിറന്ന ശേഷം തനിക്ക് 25 വയസുകാരനെ പോലെ തോന്നുന്നു;ഒഴുക്കിനനുസരിച്ച് പോകുന്നു; പ്രഭുദേവ പങ്ക് വച്ചത്
ഏഴ് വര്‍ഷത്തെ ഇടവേളകള്‍ക്ക് ശേഷം മേഘ്‌ന വിന്‍സന്റ് വീണ്ടും സീരിയല്‍ ലോകത്തേക്ക്; ഏഷ്യനെറ്റില്‍ ആരംഭിക്കുന്ന സാന്ത്വനം 2 യില്‍ ഇനി നടിയുമെത്തും