ലാലേട്ടന്റെ മുന്പിലിരുന്ന് അദ്ദേഹത്തെ നോക്കി വരക്കാന്‍ ശ്രമിച്ചു നാദിര്‍ഷ; മറുപടിയായി നാദിര്‍ഷ എന്ന് ലെറ്ററുകള്‍കൊണ്ട് കുപ്പായം വരച്ച് ലാലേട്ടന്‍ ബ്രില്യന്‍സും; വരകളിലൂടെ താരങ്ങള്‍ സ്‌നേഹം അറിയിച്ച പോസ്റ്റ് ഏറ്റെടുത്ത് ആരാധകരും

താരസംഘടനയായ അമ്മയില്‍ ജനറല്‍ ബോഡിയോഗം നടന്ന്കൊണ്ടിരിക്കെ യോഗത്തില്‍ സംസാരിക്കുകയായിരുന്ന ലാലേട്ടനെ പേപ്പറില്‍ ഒപ്പിയെടുത്ത നാദിര്‍ഷയുടെ ചിത്രം വൈറലായിരുന്നു.വെറും ഒരു മിനിറ്റ് കൊണ്ടാണ് ലാലേട്ടനെ താരം വരച്ച് തീര്‍ത്തത്.

ഇപ്പോളിതാ നാദിര്‍ഷ തന്നെ മോഹന്‍ലാലിന്റെ മുന്നിലിരുന്ന് അദ്ദേഹത്തെ വരച്ച ചിത്രവും ഒപ്പം മറുപടിയായി മോഹന്‍ലാല്‍ വരച്ചുനല്‍കിയ ചിത്രവും പങ്കുവച്ചിട്ട പോസ്റ്റാണ് വൈറലാകുന്നത്.''ഞാന്‍ പ്രിയപ്പെട്ട ലാലേട്ടന്റെ മുന്പിലിരുന്ന് അദ്ദേഹത്തെ നോക്കി വരക്കാന്‍ ശ്രമിച്ചു. മറുപടിയായി അദ്ദേഹം എനിക്കും വരച്ചു തന്നു ഒരു പടം. ഒരുപാട് ഇഷ്ടം'', ചിത്രങ്ങള്‍ക്കൊപ്പം നാദിര്‍ഷ ഫേസ്ബുക്കില്‍ കുറിച്ചു.

മോഹന്‍ലാല്‍ വരച്ച ചിത്രത്തില്‍ നാദിര്‍ഷ എന്ന ഇംഗ്ലീഷ് ലെറ്ററുകള്‍കൊണ്ട് കുപ്പായം വരച്ചിരിക്കുന്ന ലാലേട്ടന്‍സ് ബ്രില്യന്‍സ് കാണാം. ആരാധരകര്‍ ലാലേ്ട്ടന്‍ ബ്രില്യന്‍സ് പുകഴ്ത്തി കമന്റുകളുമായി രംഗത്തുണ്ട്.

'മേരാ നാം ഷാജി'യാണ് നാദിര്‍ഷയുടെ സംവിധാനത്തില്‍ ഈ വര്‍ഷം പുറത്തെത്തിയ ചിത്രം. ആസിഫ് അലിയും ബിജു മേനോനും ബൈജുവുമായിരുന്നു പ്രധാന കഥാപാത്രങ്ങള്‍. ഏപ്രിലിലാണ് ചിത്രം തീയേറ്ററുകളിലെത്തിയത്. ദിലീപ് നായകനാവുന്ന 'കേശു ഈ വീടിന്റെ നാഥന്‍' എന്ന ചിത്രമാണ് നാദിര്‍ഷ അടുത്തതായി സംവിധാനം ചെയ്യുകയെന്ന് റിപ്പോര്‍ട്ടുകളുണ്ട്. സജീവ് പാഴൂരാണ് ഈ ചിത്രത്തിന് തിരക്കഥയൊരുക്കുന്നത്.