ധൈര്യമില്ലെങ്കില്‍ പ്രതാപവുമില്ല!  അജിത്തിന്റെ നായികയായി എത്തുന്ന തമിഴ് ചിത്രം തുനിവിനായി ഡബ്ബ് ചെയ്ത് മഞ്ജു; ഡബ്ബിങ് സ്റ്റുഡിയോയില്‍ നിന്നുള്ള ചിത്രം പങ്ക് വച്ച് നടി

മഞ്ജു വാര്യര്‍ അഭിനയിക്കുന്ന രണ്ടാമത്തെ തമിഴ് ചിത്രമാണ് അജിത് കുമാര്‍ നായകനാകുന്ന തുനിവ്. തുനിവിനു വേണ്ടി സ്വന്തം ശബ്ദത്തില്‍ ഡബ്ബ് ചെയ്തിരിക്കുകയാണ് മഞ്ജു വാര്യര്‍. നേരത്തെ ധനുഷ് ചിത്രം അസുരനു വേണ്ടിയും മഞ്ജു തന്നെയായിരുന്നു തമിഴില്‍ ഡബ്ബ് ചെയ്തത്. 

ചിത്രത്തില്‍ താന്‍ ഡബ് ചെയ്യുന്ന ചിത്രം മഞ്ജുവാര്യര്‍ ആരാധകര്‍ക്കായി പങ്കുവച്ചു.ധൈര്യമില്ലെങ്കില്‍ പ്രതാപവുമില്ല!' എന്ന ക്യാപ്ഷനൊപ്പമാണ് മഞ്ജു വാര്യര്‍ ഡബ്ബിങ് ചിത്രം പങ്കുവെച്ചിരിക്കുന്നത്. വലിമൈക്ക് ശേഷം എച്ച്.വിനോദ് അജിത്തിനെ നായകനാക്കി സംവിധാനം ചെയ്യുന്ന ചിത്രമാണ് 'തുനിവ്.' ഈ ചിത്രത്തിലാണ് മഞ്ജു വാര്യര്‍ കേന്ദ്ര കഥാപാത്രമായി എത്തുന്നത്. 'അസുരന്‍' എന്ന സൂപ്പര്‍ ഹിറ്റ് ചിത്രത്തിന് ശേഷം മഞ്ജു അഭിനയിക്കുന്ന തമിഴ് ചിത്രം കൂടിയാണ് 'തുനിവ്.'

നാഗര്‍കോവിലില്‍ ജനിച്ചുവളര്‍ന്ന മഞ്ജുവിന് തമിഴ് വായിക്കാന്‍ അറിയാം. തമിഴ് സ്‌ക്രിപ്ട് തന്നെയാണ് ഇരുചിത്രങ്ങളുടെയും ഡബിംഗിന് മഞ്ജുവിന് നല്‍കിയത്. തുനിവിന്റെ പുതിയ വിശേഷങ്ങള്‍ പങ്കുവച്ചതില്‍ ആരാധകര്‍ മഞ്ജുവിന് നന്ദി പറയുന്നു. ചിത്രത്തിനുവേണ്ടി കാത്തിരിക്കുന്നുവെന്നും ആരാധകര്‍ കുറിച്ചു.
 
ജനുവരിയില്‍ പൊങ്കല്‍ റിലീസായി തുനിവ് എത്തും. എച്ച്. വിനോദ്  സംവിധാനം ചെയ്യുന്ന തുനിവ് ബോണി കപൂര്‍ ആണ് നിര്‍മിക്കുന്നത്.