ഇളയ മകള്‍ ധ്വജകീര്‍ത്തിയുടെ ചോറൂണ് ചോറ്റാനിക്കര ക്ഷേത്രത്തില്‍ നടത്തി ഗിന്നസ് പക്രു; കുടുംബത്തിനൊപ്പമുള്ള ചിത്രങ്ങളുമായി നടന്‍

രണ്ടാമത്തെ മകളായ ധ്വജകീര്‍ത്തിയുടെ ചോറൂണിന്റെ ചിത്രങ്ങള്‍ പങ്കുവെച്ച് ഗിന്നസ് പക്രു. 'ആ...ആ...അമ്... അം...ദ്വിജ മോള്‍ക്കിന്ന് ചോറൂണ് ചോറ്റാനിക്കര ദേവീ ക്ഷേത്രം.' എന്നാണ് ചിത്രത്തിന് താഴെയുള്ള കുറിപ്പ്. ചോറ്റാനിക്കര ദേവീ ക്ഷേത്രത്തില്‍ വച്ചായിരുന്നു കുഞ്ഞിന്റെ ചോറൂണ്. 

മൂത്ത മകള്‍ ദീപ്ത കീര്‍ത്തിയ്‌ക്കൊപ്പം കുഞ്ഞിനെ കയ്യില്‍ എടുത്ത് നില്‍ക്കുന്ന ചിത്രത്തോടൊപ്പമാണ് കുഞ്ഞ് ജനിച്ച സന്തോഷവാര്‍ത്ത താരം ആരാധകര്‍ക്കായി പങ്കുവച്ചത്. ദീപ്തകീര്‍ത്തി കുഞ്ഞനുജത്തിയെ എടുത്തുകൊണ്ടു നില്‍ക്കുന്ന ചിത്രത്തിന് 'ചേച്ചിയമ്മ' എന്ന അടിക്കുറിപ്പായിരുന്നു പക്രു നല്‍കിയത്. 

എറണാകുളം അമൃതാ ഹോസ്പിറ്റലിലാണ് ഗിന്നസ് പക്രുവിന്റെ ഭാര്യ ഗായത്രി കുഞ്ഞിന് ജന്മം നല്‍കിയത് 2006 ലാണ് ഗിന്നസ് പക്രു, ഗായത്രിയെ വിവാഹം ചെയ്തത്.