മുപ്പത്തിയഞ്ച് വര്‍ഷങ്ങള്‍ക്ക് ശേഷം ഒരേ ഫ്രെയിമില്‍ ജോഷിയും ലിസിയും നദിയ നൊയ്തുവും വീണ്ടുംഒത്തുചേര്‍ന്നതിന്റെ സന്തോഷത്തിലാണ് നടി ലിസി. ഇക്കാര്യം ഫെയ്‌സ്ബുക്ക് പേജിലൂടെയാണ് നടി വ്യക്തമാക്കിയത്. 35 വര്‍ഷങ്ങള്‍ക്ക് മുമ്പ് ജോഷി സംവിധാനം ചെയ്ത ഒന്നിങ്ങുവന്നെങ്കില്‍ എന്ന ചിത്രത്തിന്റെ ഷൂട്ടിംഗിനിടെയാണ് മൂവരും ഒരുമിച്ച് അവസാനമായി പകര്‍ത്തിയ ചിത്രവും പങ്ക് വച്ചാണ് ലിസി ഇക്കാര്യം വ്യക്തമാക്കിയത്.
നടന്‍ മണിയന്‍പിള്ള രാജുവിന്റെ മകന്‍ സച്ചിന്റെ വിവാഹത്തിനെത്തിയപ്പോഴാണ് മൂവരും വീണ്ടും കണ്ടുമുട്ടിയത്. പഴയ കാല ചിത്രത്തോടൊപ്പമാണ് പുതിയ ചിത്രവും ലിസി ഫേസ്ബുക്കിലൂടെ പങ്കുവച്ചത്.
'അന്നും ഇന്നും, വര്‍ഷങ്ങള്‍ക്ക് ശേഷമാണ് ജോഷി സാറിനെ കണ്ടത്. മണിയന്‍പിള്ള രാജു ചേട്ടന്റെ മകന്റെ വിവാഹ സത്ക്കാരത്തില്‍ വച്ചാണ് കൂടിക്കാഴ്ച. നാദിയയേയും ജോഷി സാറിനേയും ഒരുമിച്ച് കണ്ടത് 35 വര്‍ഷത്തിന് മുമ്പ് ഒന്നിങ്ങു വന്നെങ്കില്‍ എന്ന സിനിമയുടെ ലൊക്കേഷനില്‍ വച്ചായിരുന്നു.' ചിത്രം പങ്കുവെച്ച് ലിസി ഫേസ്ബുക്കില്‍ കുറിച്ചു.
തിരുവനന്തപുരം ശംഖുമുഖം ദേവി ക്ഷേത്രത്തില്‍ വച്ചായിരുന്നു മണിയന്‍ പിള്ള രാജുവിന്റെ മകന്‍ സച്ചിനും ഐശ്വര്യ പി. നായരും തമ്മിലുള്ള വിവാഹം. അടുത്ത ബന്ധുക്കള്‍ മാത്രമാണ് വിവാഹത്തില്‍ പങ്കെടുത്തത്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം