സമഗ്രമേഖലകളിലും നല്ല പുതിയ മാറ്റങ്ങള്‍ വരട്ടെ; പിണറായി സർക്കാരിന് ആശംസകൾ നേർന്ന് നടൻ മോഹൻലാൽ

മലയാള സിനിമയുടെ രാജാവാണ് നടൻ മോഹൻലാൽ.നിമിഷാർഥം കൊണ്ട് തന്നെ ശൗര്യമേറിയ കാളക്കൂറ്റനായും ലാസ്യഭാവമുള്ള മാൻകിടാവായും വേഷപ്പകർച്ച സാധ്യമാകുന്ന അഭിനയത്തിന്‍റെ ഒടിവിദ്യക്കാരനാണ്  മലയാളത്തിൻെറ താരരാജാവായ നടൻ മോഹൻലാൽ. വിസ്മയാഭിനയത്തിന്‍റെ 'ലാലിത്ത'ത്തെ ലാളിത്യം കൊണ്ട്   നെഞ്ചിലേറ്റയ മലയാളിക്ക് എന്നുമെന്നും പ്രിയങ്കരനാണ് ലാലേട്ടൻ. എന്നാൽ ഇപ്പോൾ സമൂഹമാധ്യമംഗങ്ങളിലൂടെ താരത്തിന്റെ ഒരു ആശംസ കുറിപ്പാണ് സോഷ്യൽ മീഡിയയിലൂടെ ശ്രദ്ധ നേടുന്നത്. 

രണ്ടാം പിണറായി സര്‍ക്കാരിന് ആണ് ഇപ്പോൾ  ആശംസകളുമായി നടന്‍ മോഹന്‍ലാല്‍ രംഗത്ത് എത്തിയിരിക്കുന്നത്.  താരം തന്റെ ഫേസ്ബുക്ക് പോസ്റ്റില്‍ കേരളം ഇനിയും ലോകത്തിന് മാതൃകയാവട്ടെ എന്നാണ് കുറിച്ചിരിക്കുന്നത്. പുതിയ ഒരു തുടക്കത്തിലേക്ക് കാല്‍വെക്കുന്ന ബഹുമാനപ്പെട്ട മുഖ്യമന്ത്രി ശ്രീ. പിണറായി വിജയന്റെ നേതൃത്വത്തിലുള്ള കേരള സര്‍ക്കാരിന് എല്ലാവിധ ആശംസകളും . സമഗ്രമേഖലകളിലും നല്ല പുതിയ മാറ്റങ്ങള്‍ വരട്ടെ , കേരളം ഇനിയും ലോകത്തിന് മാതൃകയാവട്ടെ എന്ന വാചകത്തോടെയാണ് മോഹന്‍ലാലിന്റെ കുറിപ്പ് അവസാനിക്കുന്നത്.

മോഹൻലാലിനെ നായകനാക്കി അണിയറയിൽ മരക്കാര്‍ അറബിക്കടലിന്‍റെ സിംഹം, എമ്പുരാൻ,  റാം എന്നീ ബിഗ് ബഡ്ജറ്റ് ചിത്രങ്ങൾക്കായി കാത്തിരിക്കുകയാണ് ആരാധകവൃന്ദം. മാത്രമല്ല അദ്ദേഹം ആദ്യമായി സംവിധായക കുപ്പായമണിയുന്ന ബാരോസ് എന്ന ചിത്രവും വരും വര്‍ഷങ്ങളിൽ ഒരുങ്ങുന്നുണ്ട്.