ബേസില് ജോസഫ് പ്രധാന വേഷത്തിലെത്തുന്ന 'മരണമാസ്സ്' ചിത്രത്തിന്റെ ട്രെയ്ലര് പുറത്തിറങ്ങി. വിഷു റിലീസായി എത്തുന്ന 'മരണ മാസ്സ്' ബേസില് ജോസഫിന്റെ ട്രേഡ് മാര്ക്ക് കോമഡി ഘടകങ്ങള് അടങ്ങിയ സിനിമ തന്നെയാകുമെന്നാണ് സൂചന. കൂടാതെ സസ്പെന്സും ആക്ഷനും അടങ്ങിയ ട്രെയ്ലര് പ്രേക്ഷകര്ക്ക് വലിയ പ്രതീക്ഷ നല്കുന്നുണ്ട്.
നവാഗതനായ ശിവപ്രസാദ് ആണ് ചിത്രം സംവിധാനം ചെയ്യുന്നത്. ടോവിനോ തോമസ് പ്രൊഡക്ഷന്സ്, റാഫേല് ഫിലിം പ്രൊഡക്ഷന്സ്, വേള്ഡ് വൈഡ് ഫിലിംസ് എന്നിവയുടെ ബാനറുകളിലാണ് ചിത്രം നിര്മ്മിക്കുന്നത്. ടോവിനോ തോമസ്, റാഫേല് പൊഴോലിപറമ്പില്, ടിങ്സ്റ്റണ് തോമസ്, തന്സീര് സലാം എന്നിവര് ചേര്ന്നാണ് ചിത്രത്തിന്റെ നിര്മ്മാണം. ആദ്യാവസാനം നര്മ്മത്തിന് പ്രാധാന്യം നല്കിയാണ് ചിത്രം ഒരുക്കുന്നത്.
നടന് സിജു സണ്ണി ചിത്രത്തിന്റെ കഥ രചിച്ചിരിക്കുന്നു. ചിത്രത്തിന്റെ തിരക്കഥയും സംഭാഷണവും രചിച്ചിരിക്കുന്നത് സിജു സണ്ണിയും സംവിധായകന് ശിവപ്രസാദും ചേര്ന്നാണ്. രാജേഷ് മാധവന്, സിജു സണ്ണി, പുളിയനം പൗലോസ്, സുരേഷ് കൃഷ്ണ, ബാബു ആന്റണി, അനിഷ്മ അനില്കുമാര് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
രസകരവും സ്റ്റൈലിഷുമായ ലുക്കിലാണ് ഈ ചിത്രത്തില് ബേസില് ജോസഫ് എത്തുന്നത്. എക്സിക്യൂട്ടീവ് പ്രൊഡ്യൂസര്- ഗോകുല്നാഥ് ജി. ഛായാഗ്രഹണം- നീരജ് രവി. സംഗീതം- ജയ് ഉണ്ണിത്താന്. എഡിറ്റിംഗ്- ചമന് ചാക്കോ. വരികള്- വിനായക് ശശികുമാര്. പ്രൊഡക്ഷന് ഡിസൈന്- മാനവ് സുരേഷ്. വസ്ത്രാലങ്കാരം- മഷര് ഹംസ. മേക്കപ്പ് - ആര് ജി വയനാടന്. സൗണ്ട് ഡിസൈന് ആന്ഡ് മിക്സിങ്- വിഷ്ണു ഗോവിന്ദ്.
വിഎഫ്എക്സ്- എഗ്ഗ് വൈറ്റ് വിഎഫ്എക്സ്. ഡിഐ- ജോയ്നര് തോമസ്. പ്രൊഡക്ഷന് കണ്ട്രോളര്- എല്ദോ സെല്വരാജ്. സംഘട്ടനം- കലൈ കിങ്സണ്. കോ ഡയറക്ടര്- ബിനു നാരായണ്. ചീഫ് അസ്സോസിയേറ്റ് ഡയറക്ടര്- ഉമേഷ് രാധാകൃഷ്ണന്. സ്റ്റില്സ്- ഹരികൃഷ്ണന്. ഡിസൈന്സ്- സര്ക്കാസനം. ഡിസ്ട്രിബൂഷന്- ടോവിനോ തോമസ് പ്രൊഡക്ഷന്സ് ത്രൂ ഐക്കണ് സിനിമാസ്, ഐക്കണ് സിനിമാസ്. പിആര്ഒ- വൈശാഖ് സി വടക്കേവീട്, ജിനു അനില്കുമാര്.